Kylfingur - 01.05.2001, Page 9

hún gat þetta. Svona augnablik gefa
manni mikið, bæði henni og ekki síður
mér,“ segir Nolan.
Nolan er giftur Julie og þau eiga eina
dóttur, Hollie sem er 14 ára. „Þær koma
hingað í vor þegar Hollie er búinn í skól-
anum. Hollie hefur engan áhuga á golfi en
Julie er ágætur spilari, er með 12 í forgjöf.
Hún hjálpaði mér mikið þegar ég var í
Tyrklandi því hún var svo dugleg að fara
með konunum út að spila og kenna þeim
reglumar og annað. Þetta var allt dálítið
öðruvísi í Tyrklandi en hér og í Bretlandi.
Þar var ég til dæmis með rúmlega 100
manns sem ég var að kenna til verka þan-
nig að þeir gætu orðið kylfusveinar.
Vill hafa ákveðinn léttleika
Tyrkir eru dálítið öðruvísi í golfinu en
aðrir. Eigandi klúbbsins sagði mér þegar
ég byrjaði að allt væri mjög formlegt og
menn alvörugefnir, en ég ákvað samt að
halda mínu striki, vera léttur og
sagði við meðlimi, sem allir vom
sterkefnaðir, að þeir yrðu að taka
mér eins og ég væri, ég væri í raun
eins og þeir, með tvö augu, tvær
hendur, tvo fætur og svo framvegis.
Stjómendunum leist ekkert á þetta
en þetta virkaði og ég hélt mínum
starfsháttum."
Nolan hefur réttindi til að kenna
kennaraefnum íþróttina og hefur
fullan hug á að fá einhverja Islend-
inga til starfans. „Það er nauðsyn-
legt fyrir klúbbinn til langs tíma lit-
ið að hafa íslenskan kennara. Samt
er það nú einu sinni svo víða um
heim að fólki finnst ekkert verra að
hafa einhvem útlending til að leið-
beina sér. Auðvitað er það ekki rétt,
þetta fer bara eftir því hvemig kennarinn
er, ekki eftir þjóðemi hans.“
Nolan hefur kennt golfsíðan 1973, eða
í hartnœr þrjá áratugi. Verður hann
aldrei leiður?
„Nei, nei, alls ekki. Það er alltaf eitt-
hvað nýtt að gerast, nýtt fólk, breyttar
áherslur og annað. Ég var þokkalegur
kylfingur þegar ég var yngri en sá fljót-
lega að ég yrði aldrei neinn Nick Faldo og
ákvað því snemma að gerast golfkennari
og vera í sambandi við rekstur golfklúbba
og í rauninni öllu sem viðkemur golfinu.
Ég hef haft mjög gaman af þessu í öll
þessi ár og ætla að gera það áfram, en ég
sá þegar ég var að byrja að kennslan og
allt í kring um golfið var þunglamalegt.
Ég einsetti mér að hafa léttleikann í fyrir-
rúmi og ég held mér hafi tekist það, en
auðvitað verða menn að gera sér grein
fyrir því að það er hægt að einbeita sér þó
léttleikinn sé aldrei fjarri."
Nolan er örvhentur og segir það ágætt í
kennslunni því þá standi hann á móti
nemandanum eins og spegilmynd, svo
fremi að nemandinn sé rétthentur.
En spilar Nolan eitthvert golf að ráði?
„Já, já, ég spila dálítið ennþá og er skrats-
spilari og get því haldið í við þá bestu
enn.“
Engin kona að kenna í sumar
Nolan hafði mikinn áhuga á að fá konu
til liðs við sig við kennsluna hjá GR í
sumar, en það náðist ekki þrátt fyrir ítrek-
aðar tilraunir. „Við verðum þrír að kenna
í sumar en því miður verður engin kona
eins og ég hafði vonast eftir. Ég talaði við
fimm konur og þær voru allar tilbúnar í
slaginn þar til kom að ráðningartímanum,
hann er allt of stuttur. Það er ekki hægt að
bjóða golfkennurum upp á samning til
fjögurra eða fimm mánaða, það
verður að vera lengri tími. Þar
með erum við aftur komnir að því
sem ég sagði hér á undan, hug-
myndina að hækka árgjaldið lítil-
lega og fá fyrir bragðið kennara
allt árið. Ég var mjög spenntur fyr-
ir því að fá konu til að kenna hér,
en því miður gekk það ekki upp að
þessu sinni.“
I samtali við Morgunblaðið í
vetur sagði Nolan að GR væri einn
stærsti golfklúbbur í Evrópu. „Já,
hann er það ef við miðum við
fjölda meðlima. Klúbburinn er
með tvo 18 holu velli og eftir-
spumin er svo mikil að það horfir
í raun til vandræða.
Golfsprengingin sem rætt hefur
verið um er miklu stærri og öflugri hér á
landi en annars staðar í Evrópu þar sem
ég þekki til. Ef ég á að vera alveg hrein-
skilinn þá stefnir í vandræði hér verði
ekkert að gert. Það verður að byggja fleiri
velli og þá helst litla velli eins og ég
nefndi hér áðan þar sem fólk sem er ekki
alveg búið að ná fullkomnum tökum á
íþróttinni getur spilað.
Klúbburinn verður auðvitað að halda
uppi ákveðnu þjónustustigi íyrir meðlimi
sína og það gengur auðvitað ekki að þeg-
ar menn komast á völlinn sinn skuli það
taka þá 6-7 klukkustundir að leika einn
hring. Mér sýnist snjóboltinn vera kom-
inn á fulla ferð og það verður ekki auðvelt
að stöðva hann. Þetta verður erfitt næstu
árin, á því er ekki nokkur vafi, en eitthvað
verður að gera til að mæta þeirri gríðar-
legu aukningu sem er í íþróttinni.“
KYLFINGUR 9