Fréttablaðið - 29.01.2011, Blaðsíða 30

2 fjölskyldan
Fjölskyldan kemur út mánaðarlega með helgarblaði Fréttablaðsins. Ritstjórn:
Vera Einarsdóttir Hönnun: Silja Ástþórsdóttir Forsíðumynd: Vilhelm Gunnarsson
Pennar: Sólveig Gísladóttir, Þórdís Lilja Gunnarsdóttir, Gunnþóra Gunnarsdóttir,
Júlía Margrét Alexandersdóttir Ljósmyndir: Fréttablaðið Auglýsingar: Hlynur Þór
Steingrímsson hlynurs@365.is
Íþrótta-, tónlistar- og frístundatilboð sem standa börnunum okkar til boða eru óteljandi. Þau geta spilað handbolta, fótbolta og körfubolta, æft karate, sund og dans, lært á hljóðfæri og farið í leik- og myndlist.
Mörg hver leggja jafnvel stund á fleiri en eina grein og er dagskrá vik-
unnar oftar en ekki þétt skipuð. Þar vandast einmitt málið. Þó að ekki sé
hægt að kvarta yfir framboði þá eru mörg börn í meira en fullri vinnu
sé skólinn tekinn með. Flest íþróttafélög leggja upp með fjölmargar
æfingar í hverri viku strax í yngri flokkum og er engu líkara en að það
eigi að gera afreksmanneskju úr hverju einasta barni. Ef vilji er til þess
að leyfa barni að prófa fleiri en eina grein til að hjálpa því að finna sína
fjöl er varla tími til að gera nokkuð annað og eru jafnvel dæmi um að
heimanámið sitji á hakanum.
Svo ber stundum við á mínu heimili enda sonurinn í karate, breiki og
að læra á trompet. Hingað til hefur þetta gengið vonum framar. Hann
er ánægður í öllu og vill engu sleppa. Breikið er enda bara einu sinni
í viku, trompettímarnir flestir á skólatíma og karateæfingarnar hafa
lengst af verið tvisvar í viku. Hann var hins vegar nýlega hækkaður um
hóp og þá bættist aukaæfing við. Mér leist ekki á blikuna og bað um að
hann fengi svigrúm til að sleppa stöku æfingu og var því sem betur fer
vel tekið en þannig getur hann haldið áfram að iðka ólíkar greinar og á
lausa stund fyrir lærdóminn.
Við Íslendingar erum duglegir og setjum markið hátt. Við erum flest
með þétta dagskrá og fellur varla verk úr hendi. Það er okkur keppikefli
að börnin okkar nái langt og til þess leggjum við á okkur skutl á æfingar
hingað og þangað. En hvað varð um þá speki að vera bara með og hafa
gaman? Íþróttir og listir auðga líkama okkar og anda. En þurfa allir að
verða afreksmenn? Þurfum við öll að vera best, spila með meistaraflokki
eða vera í sinfóníuhljómsveit? Er ekki alveg jafn mikilvægt að vera lið-
tæk? Að geta glamrað á gítar í góðra vina hópi, að kunna að sparka í bolta
eða að vera liðug í leikfimi? Það þurfa ekki allir að vera aðal. Það þyrftu
hins vegar allir að hreyfa sig og listsköpun gerir flestum gott.
Þó að þeir sem bjóða tómstundastarf þurfi vissulega að gera kröfur
til iðkenda og styðja þá sem vilja ná langt þá þarf líka að skapa rúm
fyrir hina svo þeir flosni ekki upp þegar æfingarnar eru orðnar sex
í viku. Svo þurfum við foreldrar að vera vakandi fyrir því að ofgera
börnunum okkar ekki. Þau þurfa líka svigrúm til að leika sér, slæpast
og slappa af. Börn þurfa að fá að vera börn.
Svigrúm til að leika sér,
slæpast og slappa af
Stjörnuskoðunarfélag Seltjarnarness og Stjörnufræðivef-
urinn bjóða upp á námskeið í stjörnufræðum og stjörnu-
skoðun. Sérstök námskeið fyrir áhugasama krakka um
stjörnunar eru einnig á dagskrá og verða næstu námskeið
haldin sunnudaginn 13. febrúar.
Námskeiðin fara fram í Valhúsaskóla á Seltjarnarnesi.
Þar hefur Stjörnuskoðunarfélagið aðsetur sitt og geymir
meðal annars stærsta stjörnusjónaukann á landinu.
Krakkanámskeiðin eru fyrir tvo aldurshópa, 6 til 9 ára
og 10 til 12 ára. Námskeið fyrir yngri hópinn stendur frá
10.30 til 13 en fyrir eldri hópinn frá klukkan 14 til 16.30 og
er boðið upp á hressingu um mitt námskeið. Eftir
námskeiðin, eða þegar veður leyfir, verður öllum boðið í
stjörnuskoðun. Krakkarnir geta mætt með eigin stjörnu-
sjónauka og fengið leiðbeiningar um notkun þeirra.
Fyrir barn og eitt foreldri kostar 4.000 krónur á námskeiðið og er fimmtíu prósenta afsláttur fyrir
systkini. Nánar á heimasíðu félagsins: www.astro.is
Tunglið, tunglið, taktu mig
Það kom mér ánægjulega á óvart hversu margir Íslend-ingar hafa áhuga á ættfræði. Ég hélt að það væri aðeins
eldra fólk en annað kom á daginn.
Ég held reyndar að Íslendinga-
bók hafi hjálpað mikið til í þess-
um efnum,“ segir Albert Eiríks-
son. Hann stofnaði síðastliðið haust
fyrirtækið Ættarhringur.is þar sem
hann býr til stóra og smáa ættar-
hringi. Þar er einstaklingur í miðj-
unni og forfeðurnir koma í hring út
frá honum.
„Þessi hugmynd hefur gerjast
með mér í meira en áratug en ég
sá svona ættarhring fyrst fyrir
fimmtán árum,“ segir Albert
Eiríksson. Hann fór fljótlega að
búa til hringi fyrir sjálfan sig og
fjölskylduna. Þar sem nokkrar
vikur tekur að handskrifa stór-
an hring með 125 nöfnum var
ekki mikið vit í markaðssetningu.
„Síðan fór ég á frumkvöðlanám-
skeið hjá hugmyndahúsi háskól-
anna með þessa hugmynd. Mér
var bent á fínan grafískan hönnuð
á Akureyri sem hefur búið til
fyrir mig forrit og úr varð Ætt-
arhringur.is,“ segir Albert sem
mælir sérstaklega með slíkum
frumkvöðlanámskeiðum því mjög
margar hugmyndir hafi þar orðið
að veruleika.
Hugmyndin að ættarhringnum
þróaðist í vinnsluferlinu. „Upphaf-
lega átti aðeins að vera stór hring-
ur en síðan ákváðum við að búa til
minni útgáfu þar sem langömmur
og langafar eru í ysta hring,“ segir
Albert en viðtökurnar hafa verið
frábærar að hans sögn. „Ég hef til
dæmis gert töluvert af hringum í
skírnargjafir sem er skemmtilegt
því oft er ég sá eini sem veit nafn-
ið á barninu fyrir skírnardaginn
fyrir utan foreldrana,“ segir hann
glaðlega en Albert hefur einn-
ig þróað hringi fyrir hjón sem
ætlaðir eru í brúðkaupsgjafir og
brúðkaupsafmæli.
Vinnan við hringina tekur
mislangan tíma. „Það fer eftir því
hve flóknar ættirnar eru. Stundum
er þetta mikil yfirlega,“ segir Albert
sem er með ættfræðiforritið Espól-
ín til hliðsjónar, hefur aðgang að
Oddi Helgasyni ættfræðingi og fær
aðgang hjá fólki að Íslendingabók.
„Stundum eru vegir ættfræðinnar
órannsakanlegir og misræmi milli
grunna. Síðan eru sumir sem vilja
hafa kjörforeldra í stað blóðforeldra
í hringnum. Í mínu tilviki var lang-
amma mín opinberlega Marteins-
dóttir en almannarómur sagði hana
Björgólfsdóttur enda var hún öll í þá
ættina. Ég valdi þá leið að fara eftir
almannarómnum,“ segir Albert sem
finnst gaman að kynnast bæði lif-
andi og horfnu fólki í gegnum starf-
ið. Þá ímyndar hann sér hagi þess út
frá því hvar það bjó og hvað það átti
af börnum. „Áhugi minn á ættfræði
hefur stigmagnast sem kom mér á
óvart því ég hélt að hann gæti ekki
aukist meir,“ segir Albert og hlær
innilega. - sg
FORFEÐUR
saman í hring
Með forfeðrum sínum „Áhugi minn á ættfræði hefur stigmagnast sem kom mér á óvart því ég hélt að hann gæti ekki
aukist meir,“ segir Albert. FRÉTTABLAÐIÐ/GVA
Vera
Einarsdóttir
skrifar
Íslendingar hafa mikinn áhuga á ættfræði og áhuginn fer
aðeins vaxandi að sögn Alberts Eiríkssonar sem stofnaði
fyrirtækið Ættarhringur.is síðastliðið haust.


 

  

    

    
 !"#$
  %& 
' 






()* ++ ',