Fréttablaðið - 24.12.2010, Blaðsíða 39
FÖSTUDAGUR 24. desember 2010 35
FÓTBOLTI Eins og ávallt í ensku
úrvalsdeildinni er mikið um annir
hjá liðum deildarinnar um hátíð-
arnar. Fram undan eru fjórar
umferðir sem fara fram á aðeins
tólf dögum en ballið byrjar með
níu leikjum á sunnudag, öðrum
degi jóla.
Þó að liðin séu að meðaltali búin
að spila sautján leiki til þessa í
deildinni í haust hefur engu liði
tekist að vinna meira en tíu leiki.
Öflugustu lið deildarinnar hafa
misstigið sig óvenjumikið í haust
og hafa öll tapað minnst fjórum
leikjum. Undantekningin er topp-
lið Manchester United sem er enn
taplaust en hefur gert sjö jafntefli
í sextán leikjum.
United hefur þó verið á góðu
skriði að undanförnu og unnið
sex af síðustu átta leikjum sínum.
Liðið er í góðri stöðu, með 34 stig
á toppnum og tveggja stiga forystu
á næstu lið. United á þar að auki
leik til góða.
„Markmið mitt er að reyna að
halda toppsætinu eftir 4. janúar,“
sagði Sir Alex Ferguson, stjóri
United, en liðið á leik gegn Stoke
á þeim degi. „Ef það tekst höfum
við staðið okkur vel. Toppbarátt-
an í deildinni mun taka á sig sterk-
ari mynd um hátíðarnar – ef veður
leyfir,“ bætti hann við.
Reyndar telur Nani, leikmað-
ur United, að baráttan um enska
meistaratitilinn standi aðeins á
milli tveggja félaga – United og
Chelsea. Síðarnefnda liðið er í
fjórða sæti deildarinnar, þremur
á eftir United. Á milli þeirra eru
Arsenal og Manchester City, bæði
með 32 stig.
„Ég á ekki lengur von á öðru en
að annaðhvort Manchester United
eða Chelsea verði enskur meistari í
vor. Vonandi verður það United.“
Arsene Wenger, stjóri Arsen-
al, var ekki ánægður með þessi
ummæli en hann stefnir nú að því
að vinna titil með félaginu í fyrsta
sinn í fimm ár. „Allir hafa sína
skoðun og enginn er fullkominn,“
sagði Wenger. „Við búum í samfé-
lagi þar sem allir vita allt og það
er skömm að segja: „Ég veit það
ekki.“ Sjálfur veit ég ekki hver
mun standa eftir sem sigurvegari
og hef ég stýrt mínum liðum í alls
1.600 leikjum á ferlinum. Ef Nani
veit það þá hlýtur hann að vera
1.600 sinnum gáfaðri en ég.“
Af risunum í Englandi hefur
engum gengið jafn illa í haust og
Liverpool en liðið er í níunda sæti
deildarinnar, tólf stigum frá toppn-
um. Roy Hodgson tók við liðinu í
sumar og hefur gengið á ýmsu í
haust en til að mynda var skipt um
eigendur eftir mikið fjölmiðlafár
og mikla óvissu um fjárhagslega
framtíð félagsins.
Liðið virtist hafa náð sér á strik
í byrjun nóvember er það lagði
þáverandi topplið Chelsea, 2-0, og
vann þá sinn þriðja deildarleik í
röð. En síðan þá hefur lítið gengið
og liðið tapað og unnið á víxl.
Góðu fréttirnar fyrir Liver-
pool eru þær að Steven Gerrard
og Daniel Agger eru klárir í slag-
inn eftir meiðsli og geta því spil-
að þegar liðið mætir Blackpool á
sunnudag. „Þetta er mikill styrkur
fyrir okkur þar sem næstu dagar
geta breytt öllu fyrir hvert einasta
lið í deildinni,“ sagði Hodgson.
Arsenal og Chelsea mætast svo
á mánudagskvöldið en síðarnefnda
liðið mun þá freista þess að vinna
sinn fyrsta deildarleik síðan 10.
nóvember.
eirikur@frettabladid.is
Allt lagt undir
um hátíðarnar
Búast má við því að línur taki að skýrast enn betur
í ensku úrvalsdeildinni um hátíðarnar en þá verða
fjörutíu leikir á tólf dögum, þar af níu á sunnudag.
TEKIÐ Á ÞVÍ Wayne Rooney í baráttu við Laurent Koscielny í leik Manchester United
og Arsenal á dögunum. NORDIC PHOTOS/GETTY
KÖRFUBOLTI NBA-deildin býður að venju
upp á körfuboltaveislu á jóladag en fimm
leikir milli margra af skemmtilegustu
liðum deildarinnar fara þá fram. Stórleik-
ur kvöldsins er þegar NBA-meistarar Los
Angeles Lakers fá lið Miami Heat í heim-
sókn og verður þetta fyrsti leikur Heat-
liðsins á móti Lakers síðan LeBron James
og Chris Bosh gengu til liðs við Dwyane
Wade og mynduðu Sólstrandargæja NBA-
deildarinnar.
Kobe mætti LeBron á jólunum í fyrra og
þurfti að sætta sig við 87-102 tap. James
hefur spilað undanfarin þrjú tímabil á jóla-
degi og hefur fagnað sigri í öll þrjú skiptin.
Bryant hefur aftur á móti þurft að sætta
sig við tap í 6 af síðustu 8 leikjum sínum á
þessum degi, þar af þrisvar sinnum á móti
Dwyane Wade og félögum í Miami.
Leikur Lakers og Miami hefst klukk-
an tíu og verður í beinni á Stöð 2 Sport. Á
undan mætast hin sjóðheitu lið New York
Knicks og Chicago Bulls í Madison Square
Garden í New York og þá tekur hið nýja
samsetta lið Orlando Magic á móti Boston
Celtics. Seinna mætast síðan Oklahoma
City Thunder-Denver Nuggets og Golden
State Warriors-Portland Trail Blazers.
Phil Jackson, þjálfari Los Angeles
Lakers, kvartaði yfir því í fjölmiðlum í
vikunni að þurfa að spila á jóla-
dag en fáir hafa þurft að eyða
jafnmörgum jólum á NBA-leik
en einmitt hann. Jackson
spilaði sjálfur tíu sinn-
um á jóladegi þegar
hann var leikmaður
í NBA og hefur stýrt
liðum sínum sautj-
án sinnum á jóladegi
síðan hann gerðist
þjálfari.
Gömlu vinirn-
ir Kobe Bryant og
Shaquille O’Neal
munu jafna met í ár þegar
þeir spila í þrettánda sinn
á jóladegi en þeir munu
þá deila metinu með Dolph
Schayes og Earl Monroe.
Kobe Bryant nálgast
fleiri met á jóladegi,
því hann hefur
skorað 304 stig í
12 leikjum á þess-
um degi (25,3 í
leik) og er í öðru
sæti á eftir Oscar
Robertson (377
stig). - óój
Fimm NBA-leikir fara fram á jóladag og stórleikur NBA-meistara Los Angeles Lakers og Miami Heat verður í beinni á Stöð 2 Sport:
Enn ein körfuboltajólin hjá Kobe, Shaq og Phil Jackson