Sameiningin - 01.09.1950, Blaðsíða 5

Sameiningin
115
vel. Var hann aðstoðaður af skólakennara frá Hamiota,
Harvey Hedley, hinum ágætasta leiðtoga. Mrs. Lauga Jó-
hannesson hafði hússtjórn með höndum.
Yngri drengir voru fjölmennir og þurfti þar með
hlýjar og kærleiksríkar hendur og hugi ásamt alvöru og
festu. Séra Sigurður Ólafsson hafði þar leiðsögn; var Harvey
Hedly aðstoðarmaður hans einnig. Mrs. S. Sigurgeirson
hafði þar húsmóðurstöðu. Mun óhætt að íullyrða að þessir
þrír leiðtogar voru tilvaldir til að inna af hendi framúr-
skarandi gott verk, og virtust þessir litlu sveinar njóta
sín mjög vel.
Yngri stúlkur komu næst; yfirumsjón höfðu þar til
skiptis þær Mrs. Sigurgeirson og Mrs. Gray. Voru þær að-
stoðaðar af ungri konu frá Selkirk sem starfaði þar í fyrsta
sinn, en hefir töluverða reynslu í þannig löguðu sumar-
starfi, Mrs. Stefán Stephanson. Inntu þessar konur ágæta
þjónustu af hendi með þessum hóp.
Síðasti hópurinn var fjölmennastur; mátti heita að fjórir
svefnskálar væru þar fullskipaðir. — Stúlkur, frá ellefu til
fjórtán ára, una sér vel í sumarbúðum, og eru ávalt fjöl-
mennar þar. Ágætt leiðtogastarf var þar af hendi leyst af
tveimur konum frá Winnipeg: Mrs. H. G. Henrickson og
Mrs. W. Hart, sem báðar eru skólakennarar með mikla
reynslu í því starfi.
Auk þeirra, er nafngreindir hafa verið, voru yngri leið-
togar með hverjum hóp, einnig var sundkennari og lærð
hjúkrunarkona ávalt á staðnum. Á hverjum morgni var
guðræknisstund og kensla í minningarskálanum, er stóð
yfir í fjörutíu og fimm mínútur. Flest kvöld mætir hópur-
inn einnig einn klukkutíma í skólanum til kvöldskemtun-
ar: söngs og myndasýningar; leikir, sund og skemtigöngur
fara fram síðari hluta dagsins. Borðbænir eru lesnar eða
sungnar á undan hverri máltíð. Hverjum degi lýkur með
því að hópurinn safnast saman á vellinum, stendur í hring,
helzt í hendur og syngur:
„Day is done — gone the sun — from the hill — from
the lake — safely rest — all is well — God is nigh“. — Er
svo Faðir vor lesið sameiginlega. Hleypur svo hver einn
til svefnskála síns.
Vel má vera, að þeir séu margir, sem enga virðingu
bera fyrir þessu sumarstarfi og enga trú hafa á árangri þess.