Sameiningin - 01.09.1950, Blaðsíða 11

Sameiningin
121
Hvaðanæfa
Eftir séra GUTTORM GUTTORMSSON
Kommúnistar hafa „blátt áfram haslað heimsfriðnum
völl“ með árásinni á Suður-Kóreu, segir stjórnarnefnd
kirkna-sambandsins ameríska, Federal Council of Churches.
Nefndin hælir Bandaþjóðunum fyrir „skjótt og röggsam-
legt viðnám“ í þeim ófriði.
-----☆------
Annar félagsskapur, sem kallar sig „Samneyti til sátta-
gjörðar” — Fellowship of Reconciliation — lítur öðruvísi
á þær sakir. Félagið hefir útbýtt til undirskrifta mótmæl-
um gegn þátttöku Vesturheimsmanna í þessu stríði. Hér
er Trumans kenningin að verki, segja félagsmenn; og hún
reynist alls enginn friðarvegur; hún hefir leitt til þess, að
Rússar og Bandaríkjamenn etjast nú við um heimsvöldin
og láta hart mæta hörðu. Kennimenn ýmsir hafa skrifað
undir skjalið.
-----☆------
Trúboðshreyfing mótmælenda hér í álfu heldur enn
áfram, og með býsna góðum árangri. Sjö þúsund söfnuðir
Baptista suðvestanvert í Bandaríkjunum bættu við sig
hundrað og tuttugu þúsund meðlimum í vor á einum mán-
uði. Tuttugu þúsundir bættust á fáum vikum í hópinn hjá
Meþodistum í Indiana. Þrír af hverjum fimm í þeim liðs-
auka höfðu aldrei verið í söfnuði áður, eða borið fram
kristna játningu.
-----☆------
Evangelíska kirkjan lúterska — Norska kirkjan öðru
nafni — hefir í síðastliðin fimm ár stofnað nýjan söfnuð
á hverjum átján dögum. Heimatrúboðsnefndin lánar ung-
um söfnuðum alt það fé sem þeir þurfa til kirkjubyggingar;
en eldri söfnuðir veðsetja sínar kirkjur til arðs fyrir þann
hjálparsjóð. Þar er unnið af áhuga, heldur en ekki.
------------
Litlar fréttir berast af Mindszenty kardinála, sem
kommúnistar á Ungverjalandi sökuðu um landráð í fyrra