Sameiningin - 01.04.1942, Blaðsíða 14

60
um sjálfstæði, kjark og fórnarlund hins lúterska erkibiskups
Eivind Berggrev, og samherja hans í þjóðkirkju Norð-
manna. —V. J. E.
Páfinn í vanda átaddur
Páfaríkið í Vatican City hefir nú í seinni tíð vakið
töluvert umtal í blöðum og tímaritum ýmsra þjóða. Nýlega
komu þær furðulegu fréttir frá Berlín og Róm að Stalin
hinn rússneski hefði skrifað hinum heilaga föður langt
bréf. Um innihald bréfs þessa fara engar sögur, en Öxul-
ríkin voru ekki sein á sér að geta sér til um efnið og ieggja
það út á þann hátt, sem þeim fanst bezt við eiga.
Það er í sjálfu sér ekkert tiltökumál þó að Stalin skrifi
páfanum eins og sakir standa nú. Fyrir nokkrum árum
hefði honum að líkindum þótt það hlægilegt ef einhver
hefði spáð því að sá tími mundi koma að hann settist niður
til að skrifa formanni einnar stærstu deildar kristinnar
kirkju. En nú er öldin önnur, og um að gjöra og sitja við
þann eldinn sem bezt brennur, og aka seglum eftir þeim
vindi, sem að landi ber. Soviet stjórnin gjörir sér nú far
um að stofna til og efla sambönd við ríki, sem hún áður
veitti enga athygli eða vildi ekki viðurkenna. Páfaríkið er
nú eitt þeirra ríkja, sem Moskva vill ekki lengur láta af-
skiftalaust, og páfinn er æðsti maður þess ríkis.
Öxulríkin láta það skiljast í blöðum sínum, er um þetta
mál ræðir, að með þessu móti sé Stalin af ásettu ráði að
steypa páfastólnum í hinn mesta vanda; tilgangur hans sé
hvorki meira ná minna en það, að gjöra embætti páfans og
persónuleg áhrif hans að engu. Gefa þau nú hinum heilaga
föður mörg heilnæm ráð um að láta ekki flekast af fagur-
gala kommúnismans, og selja þannig hinn andlega frum-
burðarétt sinn sem honum ber, að dómi kaþólskra, um fram
alla aðra leiðtoga kristinnar kirkju.
Þessi umhyggja Öxulríkjanna fyrir framtíð páfastólsins
verður ef til vill skiljanlegri þegar þess er minst að Japanir
hafa nú skipað sendiherra við hirð páfans. Sagt er að
frumvarp um skipun þessa embættismanns hafi iengi legið
fyrir þingi Japana, en að seinlega- hafi gengið með af-
greiðslu þess, unz þar kom að Matsúóka, fyrrum forsætis-
ráðherra, sem sjálfur er talinn kaþólskur, beitti sér fyrir