Sameiningin - 01.06.1944, Síða 14

92
fært honum alt eignaverð sitt: Ekki hefir þú logið að
mönnum, heldur að Guði (Post.s. 5). Öll undanbrögð eru
því gagnvart Guði.
Maður nokkur hafði það að vana, að kaupa gamla
útlifaða hesta; ól þá þar til þeir komust í gott stand, og
gaf þeim örfandi lyf, og seldi þá svo með miklum ágóða,
en illa reyndust hestar þessir.
Kaupmaður nokkur sagði við búðarstúlkuna sína, um
leið og hann yfirgaf búðina um stund: “Passaðu það, að
ef vigta eftirlitsmaðurinn kemur meðan eg er burtu, að
kippa litla miðanum út úr reizlunni án þess hann sjái.
Mann þekki eg, sem hrósaði sér af því, að hafa tekið
við fé frá hvorutveggja málsaðilum, sem sóttu um kosningar.
Ekki gat hann þess hvora hliðina hann hefði svikið,
en aðra hvora hefir hann blekkt.
Við þessu og ótal fleiru þarf að vara unglingana, sem
eru reynslulausir að leggja út í heiminn. Það þarf að
skapast hjá þeim það innræti, sem fær leitt þá farsællega
fram hjá öllum þessum háska og hættum.
Þeir foheldrar, sem vanrækja skyldu sína í þessu,
mega búast við að heyra hina hræðilegu ásökun, sem féll í
hlut móður nokkurrar.
Sonur hennar stálpaður, var staðinn að morði og
dæmdur til að aflífast. Þegar móðir hans frétti þetta, varð
hún örvita af sorg, og fékk að sjá son sinn í dyblísunni.
Þegar hún sá hann, sagði hann:
“Eg stend nú í nálægri návist við gálgann. Þú átt
mikla sök á því. Hefðir þú sett ofan í við mig 1 hvert
sinn er eg gerði mig sekann í einhverju lymskubragði, í
staðinn fyrir að mæla upp í mér hrekki og undanbrögð,
má vera eg hefði gætt mín í tíma. Þú laukst aftur augum
fyrir öllum heimskupörum mínum, og lést mig óátalinn
um alt sem eg hafðist að; enda jókst mér óskammfeilni
með árum; nú er eg hingað kominn. Þú áttir að búa mig
undir lífið; þú bjóst mig undir gálgann.”
Hvernig er þá hægt að gróðursetja það innræti, sem á
að vera fylgjandi um alla æfi?
Fyrsta hugsunin, eftir að hugsana ferill barnsins er
bvrjaður á að vera um Guð.
Barnslegt ímyndunarafl er þess eðlis, að því er eðli-
legt að samrýmast yfirnáttúrlegum hlutum. Þannig berast
unglingnum sannindi, sem þeir eldri grípa með skilnmgn-
um. Dyr barnshjartans standa opnar starfsemi heiiags