Fréttablaðið - 21.03.2011, Side 16

21. mars 2011 MÁNUDAGUR16
timamot@frettabladid.is
ROSIE O’DONNELL, LEIKKONA OG ÞÁTTASTJÓRNANDI, er 49 ára í dag
„Þegar þú þegir þá ertu eiginlega að ljúga.“
Merkisatburðir 21. mars
1413 Hinrik V. tekur við konungdómi í Englandi.
1734 Jarðskjálftar verða á Suðurlandi, með þeim afleiðingum
að sjö eða átta menn farast og tíu bæir hrynja til grunna
en um 60 bæir skemmast, flestir í Ölfusi, Flóa og Gríms-
nesi.
1857 Jarðskjálfti í Tókýó í Japan varð yfir 100.000 manns að
bana.
1881 Frost mælist 40°C á Akureyri og er það met þennan vetur,
sem er mikill frostavetur. Metið er ekki viðurkennt.
1968 Í Vestmannaeyjum mælist 90 sentimetra djúpur snjór og
þekkjast ekki önnur dæmi slíks þar.
1970 Dana, írsk söngkona, sigrar í 15. Söngvakeppni evrópskra
sjónvarpsstöðva, sem haldin var í Amsterdam, með laginu
All Kinds of Everything.
2010 Eldgos hefst í Fimmvörðuhálsi við Eyjafjallajökul.
„Þetta var mjög skemmtilegt og kom
ekki í ljós fyrr en í tveggja liða úrslit-
um hvort við hrepptum silfur eða gull,“
segir Aldís Guðný Sigurðardóttir, fyrir-
liði liðs Háskólans í Reykjavík í samn-
ingatækni, sem gerði sér lítið fyrir og
lenti í öðru sæti í alþjóðlegri keppni
háskóla í samningatækni í Leipzig í
Þýskalandi um síðustu helgi. Liðið er
skipað þremur nemendum Háskólans
í Reykjavík, en auk Aldísar eru þau
Helen Neely og Steingrímur Árnason í
liðinu, sem Aðalsteinn Leifsson, lektor
í viðskiptadeild, valdi saman og þjálfar.
Keppninni var komið á fót af Har-
vard-háskóla og háskólanum í Leipzig
og er árlegur viðburður. „Það voru þrjá-
tíu lið sem sóttu um að fá að taka þátt í
keppninni en einungis tólf lið komust að
og við vorum í þeim hópi,“ segir Aldís.
„Keppnin felst í því að þriggja manna
lið nemenda setja sig inn í aðstæður þar
sem tveir eða fleiri aðilar semja um við-
skipti eða lausn deilumála og reyna að
ná sem hagstæðastri niðurstöðu. Fylgst
er með liðunum allan tímann og þeim er
gefin einkunn fyrir frammistöðu meðal
annars á grunni þess hversu vel þeim
gengur að tryggja sínum sjónarmiðum
brautargengi og hversu hagstæð niður-
staðan er fyrir báða aðila og áframhald-
andi samskipti þeirra.“
Aldís segir keppnina hafa verið mjög
harða en á endanum stóðu eftir tvö lið,
lið HR sem var með flest stigin og lið
háskóla frá Varsjá. „Þetta hefði getað
farið á hvorn veginn sem er,“ segir
Aldís. „En lokaverkefnið snerist um
bestun og það verður bara að segjast
eins og er að það er ekki okkar sterk-
asta hlið. Hefði verkefnið verið á ein-
hverju öðru sviði er allt eins líklegt
að við hefðum sigrað. Þetta var mjög
jafnt.“
„Annars held ég að þessi árangur
sé nú fyrst og fremst vitnisburður um
gæði meistaranámsins við HR. Þarna
fengum við tækifæri til að skerpa
enn frekar á því sem við höfum lært í
alþjóðlegu umhverfi. Vissulega krefj-
andi en algerlega þess virði,“ skýtur
Steingrímur, liðsfélagi Aldísar, inn í.
Og Helen bætir við. „Það var eiginlega
merkilegt hvað okkur tókst að hemja
keppnisskapið á þjálfunartímanum. Við
komum frekar yfirveguð inn í keppn-
ina og það hjálpaði mjög við að skapa
traust gagnaðilanna sem á endanum
réði úrslitum um þennan ánægjulega
árangur.“ fridrikab@frettabladid.is
LIÐ HR Í SAMNINGATÆKNI: LANDAÐI SILFRINU Í ALÞJÓÐLEGRI KEPPNI Í LEIPZIG
Hefðu eins getað hreppt gullið
MEÐ BIKARINN Aldís Guðný Sigurðardóttir, Steingrímur Árnason og Helen Neely eru að vonum í sjöunda himni yfir árangrinum í Leipzig.
FRÉTTABLAÐIÐ/GVA
Í síðasta þætti þáttaraðarinnar Dallas á
tímabilinu 1979-80, sem sendur var út 21. mars
1980, var skúrkurinn J.R. skotinn af óþekktum
aðila. Tilræðið vakti gífurlega athygli og sjón-
varpsstöðin CBS greip boltann á lofti og notaði
frasann „Hver skaut J.R.?“ til að auglýsa komandi
þáttaröð. Frasinn náði feykilegri útbreiðslu og
meðal annars notuðu kosningastjórar Ronalds
Reagans í forsetakosningunum 1980 slagorðið
„Það var demókrati sem skaut J.R.“ til að klekkja
á andstæðingnum. Veðbankar um allan heim
tóku við veðmálum um það hver hinna tíu af
aðalpersónunum væri líklegust til að hafa tekið
í gikkinn og tyrkneska þingið frestaði þingfundi
svo þingmenn gætu farið heim og horft á þennan
fræga þátt þegar hann var loks sýndur í Tyrklandi.
Vegna verkfalls leikara urðu aðdáendur að bíða
til hausts 1980 eftir því að ljósi yrði varpað á málið
og þeir fengju að vita bæði hver skaut og hvort
J.R. hefði lifað tilræðið af. Það var svo loks í þætti
sem sýndur var 21. nóvember 1980 sem í ljós kom
að sú sem skaut var Kristin Shepard, mágkona og
hjákona J.R. sem hleypti skotinu af í bræðikasti.
ÞETTA GERÐIST: 21. MARS 1980
J.R. skotinn í Dallas
Neistanum styrktarfélagi hjartveikra barna og Umsjón-
arfélagi einhverfra bárust á dögunum góðir styrkir, en
hvort félag fyrir sig hlaut 152.444 krónur. Aðdragand-
inn var sá að síðastliðið haust var haldið stórskemmti-
legt góðgerðahnefaleikamót í Vodafonehöllinni sem þeir
Hilmir Hjálmarsson og Stefán Gaukur Rafnsson stóðu
fyrir ásamt Hnefaleikamiðstöðinni og Sveinsbakaríi
gagngert í þeim tilgangi að safna fé til styrktar þessum
félögum. Við afhendingu fjárins höfðu þeir Hilmir og
Stefán meðferðis þessar skemmtilegu tertur frá Sveins-
bakaríi sem viðstaddir gæddu sér á eftir afhendinguna.
- fsb
Hnefaleikamót til
styrktar hjartveikum
og einhverfum börnum
EINHVERFIR Sigrún Birgisdóttir, framkvæmdastjóri Umsjónarfélags
einhverfra, ásamt dóttur sinni, veitir peningunum viðtöku frá Hilmi
Hjálmarssyni og Hjálmari Hilmissyni.
NEISTINN Guðrún Bergmann Franzdóttir formaður Neistans,
ásamt dóttur sinni Anneyju Birtu Jóhannesdóttur, veitir pening-
unum viðtöku frá Stefáni Gauki Rafnssyni.
Innilegar þakkir sendum við öllum
þeim sem sýndu okkur samúð og hlýju
við andlát og útför elskulegrar móður
okkar, tengdamóður, ömmu og
langömmu,
Eddu Bragadóttur
hjúkrunarfræðings, Frostafold 6,
Reykjavík.
Bjarni Hermann Sverrisson Erla Vignisdóttir
Lana Kolbrún Eddudóttir Jóhanna Björg Pálsdóttir
Ingibergur Bragi Ingibergsson
Magnús Grétar Ingibergsson
og fjölskyldur.
Elskuleg systir mín,
Ágústa Jónsdóttir
Lorenzini
lést á heimili sínu í New York þann 16.03.11. í faðmi
fjölskyldu sinnar þar. Minningarathöfn um hana
verður haldin í Fossvogskapellu þann 22.03.11
kl. 13.00.
Guðmundur Kristinn Jónsson Anna Eyþórsdóttir Jónsson
Edda Björk Ragnarsdóttir
og aðrir ástvinir.
Innilegar þakkir sendum við öllum
þeim sem sýndu okkur samúð og hlýhug
við andlát og útför ástkærs eiginmanns,
föður og afa
Davíðs Þjóðleifssonar
Sérstakar þakkir eru færðar starfsfólki heima-
hlynningar Karitas, Grensásdeildar og Líknardeildar
Landakots fyrir einstaka umönnun og þjónustu.
Guðbjörg Elín Ásgeirsdóttir
Jón Davíð Davíðsson
Anna Sólveig Davíðsdóttir
Bjarki Steinar Daðason
49