Sameiningin - 01.07.1919, Blaðsíða 10

132
ómetanlegrar blessunar fyrir þá sem að því yinna og þess
njóta. Guð blessi ykkur, bræður og systur, þenna kirkju-
vígsludag ykkar, og gefi að hann megi verða ykkur öllum
helgunardagur, svo að þið megið uppskera sem mesta
blessun af því, sem þið hafið lagt fram til að reisa þetta
guðshús, og að það megi um langan aldur verða ykkur og
niðjum ykkar kær samkomustaður, þar sem trúarlífið
glæðist, kærleikurinn eflist, áhuginn fyrir öllu góðu aukist
og gleði ykkar margfaldist, fyrir áhrif Guðs orðs og sakra-
menta hans.
Og í dag söfnumst vér saman hér til þess að halda
kirkjuþing. Guðsþjónustan í byrjun kirkjuþingsins á að
tákna það, að það eru Guði helgaðir menn og konur, sem
koma saman til þess að ráða ráðum sínum í nafni hans,
hvernig þeir geti bezt unnið að málefnum ríkis hans. Og
hún táknar líka það, að vér viljum ganga að því verki, ekki
í trausti til eigin hyggmda og krafta, heldur með bæn um
hjálp hans, — að hann vilji af náð sinni gjöra okkur æ
hæfari til að þjóna sér, og nota okkur til þeirrar þjónustu,
er geti orðið honum til dýrðar og mönnunum til blessunar.
Fyrsta skilyrðið fyrir því, að vera góður kirkjuþingsmað-
ur er það, að vera vel kristinn maður, innilega trúaður og
fús til þess að leggja fram krafta sína í þjónustu Guðs.
pess vegna göngum vér upp að altari Guðs og krjúpum
þar í auðmýkt frammi fyrir honum, áður en vér göngum
að kirkjuþingsstörfum. Aðalerindi okkar að altarinu er
það að þiggja, — þiggja í auðmýkt þær gjafir guðlegrar
náðar, sem okkar blessaði frelsari gefur þar trúuðum læri-
sveinum. En altarisgangan er líka trúarathöfn af okkar
hendi. Með henni berum vér fram trúarjáningu í verki,
játum hátíðlega trú okkar á Jesúm Krist og hjálpræði hans,
og hollustu okkar við hann, sem konung okkar, og málefnið,
sem hann hefir trúað okkur fyrir. Með altarisgöngunni
helgum vér okljur á ný konungi kirkjunnar, til þess að
vera trúir þjónar hans og þjónustukonur í öllu lífi okkar
og starfi, og sérstaklega í því starfi, sem nú liggur fyrir
okkur á þessu kirkjuþingi. — Krjúpum þá, vinir, við náð-
arborð Guðs í dag í þeim anda og með þá bæn í hjörtum
vorum. Berum okkur sjálf fram fyrir heilagan Guð sem
lifandi fórn; biðjum hann um að hreinsa okkur af allri
synd og helga okkur sér til heilags samlífs og þjónustu.
pá verður þessi dagur okkur blessunardagur og þetta þing
gott kirkjuþing. —