Sameiningin - 01.07.1919, Qupperneq 13

135
ur frjálsræðið að verða sú meinsemd, sem leiðir hann fjær
sannleikanum og réttlætinu, en jafnvel þrældómurinn sjálf-
ur mundi gjöra.
Kirkjan þarf stöðugt að halda því á lofti og fyrir aug-
um þjóða og einstaklinga, sem Kristur og postular hans
segja um frelsi, og hvernig það frelsi er, sem Drottinn
Jesús leggur áherzlu á, og líka hvernig það frjálsræði er,
sem vér þurfum að forðast.
Jesús segir: “Ef þér standið stöðugir i orði mínu, þá
munuð þér þekkja sannleikann, og sannleikurinn mun gjöra
yður frjálsa” (Jóh. 8, 32). Og Páll postuli (sjálfsagt með
þessi orð Krists í huganum) segir: “Til frelsis frelsaði
Kristur oss; standið því fastir” (Fil. 4, 1). (Standið fastir
í því frelsi sem Kristur gjörði yður frjálsa með). Hér er
nú víst áreiðanlega grundvöllurinn í þessu máli; sá grund-
völlur, sem Kristur sjálfur leggur undir frelsi mannanna.
pað er grundvöllurinn, sem kirkjan þarf að benda þjóðun-
um og einstaklingunum á.
Eftir engu frjálsræði megum vér sækjast, sem ekki á
rætur sínar í sannleikanum og réttlætinu. Ekki megum
vér sækjast eftir því frjálsræði, að geta etið og drukkið og"
verið glaðir, og um leið verið lausir við takmörk trúarinnar
og siðferðisins. því ef vér ætlum að virða að vettugi þau
takmörk, sem kristna trúin og siðalærdómurinn setja, þá
er lífi voru búin hin stærsta hætta, og þá hljótum vér með
því frjálsræði, er vér þannig eignum oss, að brjóta mjög
móti rétti bræðra vorra. Vér þurfum að leita þess frelsis,
sem grundvallast á hinum guðdómlega sannleika í Jesú
Kristi frelsara vorum, — þess frelsis, sem á upptök sín í
ríkinu, sem ekki er með höndum gjört, og komið er frá hon-
um, sem er vegurinn, sannleikurinn og lífið. — Læra þurf-
um vér að leita þess frelsis, sem ekki á uppruna sinn í kon-
ungahöllum þessa heims, heldur í hjörtum sjálfra vor, upp-
lýstum af Guðs sannleika og helguðum af hans náð. Menn
þurfa að skilja, að þannig á frelsið að fæðast í sál manns
sjálfs fyrir samfélag hennar við heilagan Guð, en ekki að
vera tilreitt utan vébanda lífs vors, eins og einhver vara,
sem oss er færð uppbundin í pökkum. Og þetta þarf kirkj-
an umfram alt að skilja vel; því svo helzt getur hún hjálpað
einstaklingunum í vanda þeirra út af frelsisleitinni, og leitt
þá frá ímynduðu og skaðlegu útvortis frjálsræði, inn í
frelsandi sannleik Drottins Jesú Krists, þar sem menn verða
frjálsir í raun og veru.