Fréttablaðið - 08.07.2011, Blaðsíða 2

8. júlí 2011 FÖSTUDAGUR2
Það hefur sést til lítilla
barna jafnvel reiðandi
önnur börn sem er vitaskuld
bannað, þá keyra margir á
þessu úti á götum, og jafnvel
án hjálms.
EINAR MAGNÚS MAGNÚSSON
UPPLÝSINGAFULLTRÚI UMFERÐARSTOFU
SAMGÖNGUR Litlar rafmagns-
vespur hafa á skömmum tíma orðið
algengur fararskjóti meðal barna
og unglinga á höfuðborgarsvæð-
inu. Óvissa er um réttarstöðu bæði
ökumanna og gangandi vegfarenda
verði vespuslys.
Alma R. R. Thorarensen laga-
nemi birti grein í Fréttablaðinu
í gær um þá réttaróvissu sem er
um þessar litlu rafmagnsvespur í
umferðinni.
„Ég hef undanfarið séð þessar
vespur víða innan um gangandi
vegfarendur og kannaði í kjöl farið
hvort það væri einfaldlega í lagi
að vera á þessum farartækjum á
til dæmis göngustígum,“ segir
Alma og bætir við: „Það reyndist
vera þar sem vespurnar eru skil-
greindar sem reiðhjól. Þær eru því
ekki skráningarskyld ökutæki og
þar með ekki heldur vátrygginga-
skyldar.“
Í kjölfarið segist Alma hafa
farið að velta fyrir sér réttarstöðu
gangandi vegfaranda sem kynnu
að slasast kæmi til áreksturs. „Og
raunar jafnframt réttarstöðu öku-
mannsins því fjölskyldutrygging-
ar taka ekki til tjóns sem orsakast
af vélknúnum ökutækjum. Því er í
raun óljóst hvort bótaskylda væri
til staðar því það má bæði færa rök
fyrir því að um vélknúið ökutæki
sé að ræða og því að þetta sé ekki
vélknúið ökutæki,“ segir Alma.
Litlar rafmagnsvespur komu á
markað á Íslandi í fyrravor. Vesp-
urnar sem um ræðir eru ekki
skráningarskyldar og því flokk-
aðar sem reiðhjól þó ökumönn-
um þeirra sé óheimilt að keyra á
vegum. Vespurnar mega vera allt
að 60 kílóa þungar og komast á
mest 25 kílómetra hraða á klukku-
stund.
Einar Magnús Magnússon, upp-
lýsingafulltrúi Umferðarstofu,
segir menn þar á bæ hafa áhyggj-
ur af rafknúnum reiðhjólum og
vespum. Bæði Umferðarstofu og
lögreglu sé orðið ljóst að það sé
full ástæða til að skoða þetta mjög
gaumgæfilega og reyna að fyrir-
byggja að það hljótist af þessu slys,
segir Einar Magnús.
„Það er verið að vinna í þessu en
þetta er því miður bara ekki einfalt
mál. Ég vænti þess og vona að þetta
verði skýrt þegar ný umferðar lög
taka gildi,“ bætir Einar við.
Loks segir Einar að margar
ábendingar hafi borist Umferðar-
stofu um ökumenn rafmagns-
vespna sem virði ekki þau lög sem
þó eru til staðar. „Það hefur sést til
lítilla barna jafnvel reiðandi önnur
börn sem er vitaskuld bannað, þá
keyra margir á þessu úti á götum,
og jafnvel án hjálms en börn yngri
en fimmtán ára verða að nota
hjálm. Þetta þarf einnig að koma
í veg fyrir,“ segir Einar.
magnusl@frettabladid.is
SPURNING DAGSINS
Ólafur, finnst þér að ein báran
hafi ekki verið stök?
„Nei, enda höfum við sett borð fyrir
báru.“
Ólafur William Hand er upplýsingafulltrúi
Eimskips, sem hefur beðið fjölmiðla og
aðra um að láta af „óvæginni gagnrýni“ á
ferðir Herjólfs í Landeyjahöfn.
EVRÓPUMÁL Framkvæmdastjórn Evrópusambandsins
hyggst leggja til að fiskveiðikvótar verði fyrir fram
ákveðnir til nokkurra ára í senn og jafnframt verði
framsal kvóta leyfilegt, líkt og tíðkast hefur hér á
landi.
Þetta er meðal þeirra hugmynda, sem að sögn
Reuters fréttastofunnar er að finna í drögum að
nýrri fiskveiðistefnu Evrópusambandsins. Tillög-
urnar verða kynntar og afgreiddar á fundi fram-
kvæmdastjórnarinnar á miðvikudag í næstu viku.
Markmið breytinganna er að koma í veg fyrir
ofveiði, sem hefur verið mikil í sjávarútvegi
Evrópu sambandsríkjanna. Stefnt er að því að
útrýma ofveiði á næstu fjórum árum. Eftir það
verði fiskveiðarnar sjálfbærar.
Meðal annars hafa verið viðraðar þær hugmyndir
að útgerðarmenn þurfi að sýna fram á ábyrgð sína
áður en þeir fá aðgang að miðunum.
Eftir að framkvæmdastjórnin hefur sent frá sér
endanlega útgáfu tillagnanna fara þær til umfjöll-
unar bæði hjá Evrópuþinginu og ráðherraráði
Evrópu sambandsins.
Endurskoðun fiskveiðistjórnunarkerfis Evrópu-
sambandsins hefur nú staðið yfir í nokkur ár og
hafa meðal annars Íslendingar verið hafðir með í
ráðum. - gb
Styttist í að framkvæmdastjórn ESB afgreiði tillögur sínar um nýja fiskveiðistefnu:
Stefnt að sjálfbærum veiðum
FRANSKIR SJÓMENN SPJALLA Kvótaframsal að íslenskri fyrir-
mynd er í drögum nýju stefnunnar. NORDICPHOTOS/AFP
NÁTTÚRA Mjög mikið hefur verið
af frjókornum í lofti í Reykjavík
það sem af er sumri, segir Mar-
grét Hallsdóttir, jarðfræðingur
hjá Náttúrufræðistofnun Íslands.
Mjög lítið hefur aftur á móti verið
af frjókornum á Akureyri.
„Það hefur verið alveg ótrúlega
mikið af frjókornum hér í Reykja-
vík alveg síðan í maí,“ segir Mar-
grét. Sérstaklega hafi verið mikið
um birkifrjó. „Það hefur bæði verið
óvanalega mikið og langvarandi
tímabil. Yfirleitt er birkitíminn
ekki nema tvær til þrjá vikur en nú
hefur hann staðið yfir allan júní og
var tíu daga af maí líka.“
Sjaldan hafa frjó tölur verið
hærri, en þær voru einnig mjög
háar í fyrra. Margrét segir að það
sem af er sumri á Akureyri hafi
almennt mælst mjög lítið af frjó-
kornum.
„Mér sýnist að heildarmagnið af
birkifrjóum nái að vera í meðallagi,
en grasfrjóin alls ekki.“ Hún seg-
ist þó telja að margir sem þjáist af
frjókornaofnæmi séu mjög fegnir
að lítið sé af frjókornum, jafnvel þó
að ástæðan sé slæmt veðurfar. - þeb
Mjög lítið mælist af frjókornum á Akureyri en mjög mikið í Reykjavík:
Óvenjulega mikið af birkifrjói
Á KLAMBRATÚNI Mikið er af grasfrjóum
í loftinu í Reykjavík en nánast ekkert
fyrir norðan. FRÉTTABLAÐIÐ/VILHELM
Ótryggðum vespum
beint á göngustíga
Óljóst er hvort bótaskylda er til staðar komi til þess að gangandi vegfarandi
slasist í rafmagnsvespuslysi. Upplýsingafulltrúi Umferðarstofu segir að þar á bæ
hafi menn áhyggjur af vespunum og vonast til þess að þetta verði brátt skýrt.
RAFMAGNSVESPA Litlar rafmagnsvespur voru settar á markað á Íslandi í fyrravor.
Vespurnar eru skilgreindar sem reiðhjól samkvæmt umferðarlögum. FRÉTTABLAÐIÐ/HAG
VIÐSKIPTI Söluferli á starfsemi Ice-
landic Group (IG) í Bandaríkjun-
um og tengdri starfsemi í Kína er
formlega hafið.
Bandaríski bankinn Bank of
America Merrill Lynch sér um
söluna og tengsl við áhugasama
kaupendur. Alþjóðlegir fjárfestar
og fyrirtæki í sjávarútvegi hafa
sýnt áhuga á eignum Icelandic
Group ytra, samkvæmt upplýsing-
um frá Icelandic Group.
Hópur fjárfesta undir forystu
sjávarútvegsfyrirtækisins Paci-
fic Andes frá Hong Kong keypti
starfsemi Icelandic Group í
Þýskalandi og Frakklandi í síðasta
mánuði. - jab
Söluferli IG hafið vestanhafs:
Margir fjárfest-
ar áhugasamir
FISKIFINGUR Á FÆRIBANDI Framtaks-
sjóður Íslands, eigandi Icelandic Group,
hefur unnið að sölu eigna fyrirtækisins
upp á síðkastið.
UTANRÍKISMÁL Angela Merkel
Þýskalandskanslari hefur boðið
Jóhönnu Sig-
urðardóttur
forsætisráð-
herra til fundar
við sig í næstu
viku. Jóhanna
heldur utan
til fundarins
eftir helgi.
Þetta staðfestir
Hrannar Björn
Arnarsson,
aðstoðarmaður
ráðherrans.
Hrannar segir að þær Jóhanna
og Merkel muni eiga tvíhliða
fund í Berlín á mánudag og muni
þar ræða ýmis sameiginleg mál-
efni landanna, án þess að vilja
fara nánar út í það.
Þýskaland er eitt helsta við-
skiptaríki Íslands í Evrópu, hefur
mikil ítök í Evrópusamband-
inu og auk þess verður Ísland
heiðursgestur á bókamessunni í
Frankfurt í haust. - sh
Jóhanna heldur utan:
Til fundar við
Merkel í Berlín
JÓHANNA
SIGURÐARDÓTTIR
SVEITARSTJÓRNARMÁL Menningar-
nótt í Reykjavík verður haldin
í sextánda sinn 20. ágúst næst-
komandi. Þema hátíðarinnar er
„Gakktu í bæinn!“
Þemað er sagt vísa til gestgjafa-
hlutverks miðborgarinnar þennan
dag um leið og gestir séu hvattir
til að ganga í bæinn.
„Reykjavíkurborg býður systur-
borg sinni Seattle að vera gesta-
sveitarfélag Menningarnætur í ár
og fjölbreytt dagskrá frá Seattle
verður í Ráðhúsi Reykjavíkur,“
segir í tilkynningu. - óká
Sextánda Menningarnóttin:
Yfirskriftin er
Gakktu í bæinn
DANMÖRK Níu ungir menn hafa
verið handteknir vegna skot-
og stunguárásar á Norðurbrú í
Kaupmannahöfn.
Árásin átti sér stað í bakaríi á
þriðjudag. Fórnarlambið, 26 ára
karlmaður, var skotinn þremur
skotum í rass, læri og ökkla. Þá
var hann stunginn í brjóstkassa.
Hann lifði árásina af og er á spít-
ala.
Talið er að árásin sé hluti af
gengjastríðum í Kaupmanna-
höfn. Bíll sem flúið var á eftir
árásina fannst á miðvikudags-
morgun. Hann stóð þá í ljós-
um logum ásamt fötum af þeim
grunuðu. - þeb
Níu handteknir á Norðurbrú:
Lifði skot- og
stunguárás af EFNAHAGSMÁL Evrópski seðla-
bankinn hækkaði stýrivexti um
0,25 prósentustig í gær og fara
vextir við það í 1,5 prósent. Þetta
er önnur vaxtahækkun seðla-
bankans síðan í apríl.
Hækkunin er í takt við vænt-
ingar greiningaraðila upp á síð-
kastið enda hefur verðbólga og
peningamagn í umferð aukist á
evrusvæðinu.
Ráðgjafafyrirtækið IFS Grein-
ing segir vaxtahækkunina ekki
koma á besta tíma, efnahagsbati
í Evrópu sé á mjög viðkvæmu
stigi og megi ekki við miklum
áföllum. Þá geti hækkunin komið
Evrópu ríkjum í skuldavanda illa
ef vaxtastig hækkar. - jab
Vextir hækka á evrusvæðinu:
Getur komið
evruríkjum illa