Fréttablaðið - 13.07.2011, Blaðsíða 6

13. júlí 2011 MIÐVIKUDAGUR6
kynning
fimmtudaginn 14. júlí milli kl. 14 og 17
20% afsláttur af vítamínunum.
Mest seldu vítamínin í Bretlandi
Austurbæjarapóteki
Ögurhvarfi
STÓRBRUNI VIÐ SUNDAHÖFN
LANGÞRÁÐ HVÍLD Það getur tekið sinn toll að sinna slökkvistörfum klukkustundum saman. Þessir slökkviliðsmenn voru því
hvíldinni fegnir þegar þeir tylltu sér í nálæga brekku og fengu sér nesti. Það á svo eftir að koma í ljós hvort eiturgufurnar frá
eldinum valda þeim beinlínis veikindum, eins og raunin varð eftir eldsvoðann 2004.
Upptaka úr öryggismyndavél við
fyrirtækið Hringrás við Kletta-
garða virðist sýna að hópur manna
hafi í sameiningu kveikt í stórum
dekkjahaug á lóð fyrirtækisins á
þriðja tímanum aðfaranótt þriðju-
dags. Engan sakaði í eldsvoðanum.
Allt tiltækt slökkvilið á höfuð-
borgarsvæðinu og aukamann-
skapur var kallaður út til að berj-
ast við eldinn og tókst loksins að
ráða niðurlögum hans um klukkan
átta í morgun.
Lögreglan fór yfir upptökur úr
öryggismyndavélum í kjölfarið
ásamt forsvarsmönnum Hringrás-
ar. Samkvæmt heimildum Frétta-
blaðsins sést á þeim hvar bílar
koma akandi upp að girðingunni
umhverfis lóðina og nokkrir menn
stíga út. Þeir aðhafast þar eitthvað
í nokkra stund áður en einhverju
sést kastað yfir girðinguna og í
dekkjahauginn. Talið er að þar
hafi verið um bensínsprengju að
ræða. Mennirnir aka svo á brott í
snatri og skömmu síðar er tilkynnt
um eldinn.
Það sem þykir renna stoðum
undir að mennirnir hafi verið
með eldfiman vökva meðferðis er
að á grasbletti utan við girðinguna
er sviðin jörð. Þar hefur einnig
kviknað í, að því er talið er vegna
þess að eldfimi vökvinn helltist
niður.
Mennirnir voru ófundnir í gær-
kvöldi.
Stórbruni varð í dekkjahrúgu á
sömu lóð árið 2004. Slökkvistarf-
ið nú gekk talsvert betur. „Því
miður fór reynslan frá því síð-
ast í bankann, það hefði nú verið
ágætt að vera laus við hana. En
hún nýtist okkur núna,“ sagði Jón
Viðar Matthíasson slökkviliðs-
stjóri þegar Fréttablaðið náði tali
af honum á vettvangi í fyrrinótt.
„Svo er líka búið að gera
ákveðnar lagfæringar á svæð-
inu, steypa veggi sem hólfa þetta
aðeins og það hjálpar til,“ segir
Jón Viðar. Skilyrði fyrir því
hversu mikið magn dekkja mátti
geyma á lóðinni hafi alltaf verið
fyrir hendi og nú hafi þau verið
virt, en það sama var ekki uppi á
teningnum 2004.
Það varð íbúum í hverfinu til
happs að vindáttin í fyrrinótt var
hagstæð. Vindur úr suð-suðaustri
gerði það að verkum að reykinn
lagði á haf út, ólíkt því sem var
árið 2004 þegar reykinn lagði að
hluta yfir íbúðabyggð og rýma
þurfti fjölda húsa.
„Það væri skelfilegt ef mökk-
urinn færi yfir íbúðahverfi, að ég
tali nú ekki um yfir á dvalarheim-
ilið [Hrafnistu],“ sagði Jón Viðar
á vettvangi. Reykurinn hafi að
geyma eiturgufur sem fari mjög
illa í fólk. „Það er hrikalega mik-
ill skítur sem kemur úr þessum
reyk. 2004 voru menn lengi að ná
sér, voru að hósta þessu úr sér og
voru veikir, bæði hjá okkur og lög-
reglunni, og voru frá í töluverðan
tíma.“
Hann sagði jafnframt að á tíma-
bili hefði verið hætta á að eldurinn
bærist í nærliggjandi skemmur.
Þótt eldurinn hafi verið slökktur
í gærmorgun var slökkvilið þar að
störfum í allan gærdag og var með
vakt fram eftir gærkvöldinu enda
þarf ekki miklar glæður til að eldur
komi upp að nýju í erfiðum eldsmat
eins og dekkjum og dekkjakurli.
Við þetta má bæta að eldsvoðinn
raskaði starfsemi nokkurra fyrir-
tækja við Sundahöfn í gær, meðal
annars Eimskips, vegna mengunar.
stigur@frettabladid.is
thorunn@frettabladid.is
Lögregla leitar að brennuvörgum
Lögregla rannsakar nú hvort hópur manna hafi tekið sig saman um að kveikja í dekkjahaug Hringrásar með bensínsprengju eins og
ráða má af upptöku úr öryggismyndavél. Hagstæð vindátt varð íbúum í nágrenni Sundahafnar til happs því að reykinn lagði á haf út.
MÆDDUR SLÖKKVILIÐSSTJÓRI Jón Viðar
Matthíasson vill helst ekki þurfa að
mæta nokkru sinni aftur í Hringrás.
Gríðarlegur bruni árið 2004 leiddi til lagabreytinga
Bruninn mikli í Hringrás í nóvember 2004 var gríðar-
legur. Tvo daga tók að slökkva eldinn, sem kviknaði í
dekkjahaug sem var miklum mun stærri en sá sem nú
varð eldi að bráð.
Á þriðja hundrað manns komu að slökkvi- og björg-
unarstarfinu og á sjötta hundrað íbúum í nágrenninu
var gert að yfirgefa heimili sín tímabundið, enda lagði
eitraðan reykinn yfir hverfið og barst inn um allar
glufur.
Athuganir leiddu fljótlega í ljós að kviknað hefði í út
frá hleðslutæki fyrir lyftara, sem geymt var í ósam-
þykktu húsnæði á lóðinni. Þá kom líka í ljós að eftirlits-
aðilar höfðu varað forsvarsmenn Hringrásar sterklega
við hættunni af of stórum dekkjahaugnum á lóðinni án
þess að brugðist hefði verið við. Þrátt fyrir það endur-
nýjaði Heilbrigðiseftirlitið starfsleyfi fyrirtækisins eftir
brunann að þröngum skilyrðum uppfylltum.
Umhverfisráðherra kallaði í kjölfarið eftir sérstakri
úttekt Brunamálastofnunar á málinu og tillögum til
úrbóta til að tryggja að eitthvað þvílíkt endurtæki sig
ekki. Þetta leiddi til þess að lögum um brunavarnir var
breytt og heimildir eftirlitsaðila auknar.
LAGT Á ELDHAFIÐ Stórvirkar vinnuvélar voru notaðar til að dreifa dekkjunum í haugnum svo auðveldara væri að slökkva eldinn. Fjöldi fólks kom að slökkvistarfinu, þótt það
hafi ekki verið eins torsótt og í brunanum árið 2004. FRÉTTABLAÐIÐ/VILHELM