Fréttablaðið - 13.07.2011, Blaðsíða 11
MIÐVIKUDAGUR 13. júlí 2011 11
FERÐAMÁL Gera þarf átak í öryggismál-
um ferðamannastaða hér á landi og setja
hverasvæði í sérstakan forgang. Þetta er
niðurstaða starfshóps sem nýverið skilaði
skýrslu til Katrínar Júlíusdóttur iðnaðar-
ráðherra um málefnið.
Meðal tillagna sem settar eru fram í
skýrslunni má nefna að útbúa þurfi leið-
beiningar um öryggismál ferðamanna-
staða og gerð öryggisáætlana. Sums stað-
ar þurfi að bæta mannvirki og merkingar.
Einnig er lagt til að öryggismál vinsæl-
ustu ferðamannastaða landsins verði
rannsökuð nánar af sérfræðingum og í
kjölfarið lagðar fram tillögur til úrbóta.
Starfshópurinn birtir lista yfir um 30
svæði, sem þurfi að vera í forgangi þegar
ráðist verður í aðgerðir. Gert verði hættu-
mat á fjölförnustu svæðunum og viðhlít-
andi ráðstafanir gerðar í kjölfarið.
Lagt er til að hverasvæði fái sérstakan
forgang. Þar á meðal eru Geysissvæðið,
Deildartunguhver, hverir við Námafjall,
Hveragerði, Krýsuvíkursvæðið og Hvera-
vellir. Meðal annarra fjölfarinna ferða-
mannastaða sem taldir eru upp eru Látra-
bjarg, Dettifoss, Dyrhólaey, Víkurfjara,
Reynisfjara, Gullfoss, Esjan, Glymur,
gönguleiðin um Laugaveg, Fimmvörðuháls,
Seljalandsfoss og Helgustaðanáma. - mþl
Bæta þarf öryggi á ferðamannastöðum og gera hættumat samkvæmt nýrri skýrslu fyrir ráðherra:
Hverasvæðin fái sérstakan forgang
FALLEGT EN HÆTTULEGT Hveravellir eru á meðal háhitasvæða
þar sem gera þarf frekari öryggisráðstafanir að mati höfunda
skýrslunnar.
BANDARÍKIN, AP Wrenella Pierre,
sprelllifandi kona í Flórída, segist
hafa lent í margvíslegum fjár-
hagsvandræðum vegna þess að
viðskiptabanki hennar tilkynnti
öðrum fjármálafyrirtækjum að
hún væri látin.
Þetta gerðist í nóvember. Bank-
inn, sem er Chase Bank USA,
sendi einnig samúðarbréf til fjöl-
skyldu hennar og sagði að einhver
frá bankanum myndi hafa sam-
band vegna veðláns, sem hún og
eiginmaður hennar tóku þegar
þau byggðu sér hús árið 2007.
Konan hefur nú kært bankann,
en starfsmenn hans eru að reyna
að finna út úr því hvernig þeim
gátu orðið á þessi mistök. - gb
Kona í vandræðum:
Bankinn segir
hana vera látna
SALERNI BURÐARDÝRA Þannig lítur hin
nýlega aðstaða út.
LÖGREGLUMÁL Tvær breytingar
urðu í starfsemi fíkniefnahóps
rannsóknardeildar lögreglunnar
á Suðurnesjum á síðasta ári.
Nú eru meint burðardýr fíkni-
efna einungis sett í sneiðmynda-
töku á Heilbrigðisstofnun Suður-
nesja í stað röntgenmynda áður.
Þetta þýðir mun betri myndgæði
og að niðurstöður berast oftast í
beinu framhaldi af myndatöku.
Þá hefur það þrívegis komið fyrir
að greinst hafa innanmein hjá
þeim sem leitað hefur verið á.
Hin breytingin felst í nýrri
salernisaðstöðu sem útbúin var á
lögreglustöðinni í Keflavík. - jss
Breytingar á Suðurnesjum:
Burðardýrin
send í sneið-
myndatöku
Of mikið af joði
Matvælastofnun hefur fengið upp-
lýsingar frá matvælaeftirliti Heilbrigð-
iseftirlits Reykjavíkur um stöðvun
sölu og innköllun á fæðubótarefninu
Sunny Green Kelp Nutrient Dense
Algae þar sem í ráðlögðum daglegum
neysluskammti er of mikið af stein-
efninu joði.
HEILBRIGÐISMÁL
Svæði A lokað fyrir veiðar
Svæði A er lokað fyrir strandveiðum
frá og með deginum í dag fram í
byrjun ágúst. Þetta kemur fram í
tilkynningu frá sjávarútvegs- og land-
búnaðarráðuneytinu. Svæðið nær
yfir Snæfellsnes og stærstan hluta
Vestfjarða.
SJÁVARÚTVEGUR
J
Ó
N
S
S
O
N
&
L
E
’M
A
C
K
S
•
jl
.i
s
•
S
ÍA
15. júlí
landsbankinn.is 410 4000Landsbankinn
Sæktu um
skuldalækkun
strax í dag
Skuldalækkun Landsbankans er í boði til
15. júlí. Sæktu strax um að lækka skuldir
þínar áður en frestur rennur út.
Skilmála og nánari upplýsingar um skuldalækkun Landsbankans
Lækkun annarra skulda
LÖGREGLUMÁL Lögreglan leitar enn
manns sem réðst á starfsmann
Samkaupa í Búðardal að kvöldi
5. júlí síðastliðins. Greint er frá
þessu á vef Skessuhorns.
Maðurinn réðst á starfsstúlku
skömmu eftir lokun verslunarinn-
ar og veitti henni áverka með gos-
dós, en höggin ollu því að stúlkan
fór úr kjálkalið. Þá reif hann föt
hennar áður en hann lagði á flótta.
Þeir sem einhverjar upplýsingar
gætu gefið um málið eru beðnir
að hafa samband við lögregluna í
Borgarfirði og Dölum. - kh
Árás í Búðardal:
Enn leitað að
árásarmanni