Fréttablaðið - 06.09.2011, Blaðsíða 6
6. september 2011 ÞRIÐJUDAGUR6
Starfsmöguleikar:
Innkaupastjóri
Útlitsráðgjafi
Stílisti
Verslunarstjóri
1. Önn 2. Önn
Fatastíll
Fatasamsetning
Textill
UPPLÝSINGAR OG SKRÁNING Í SÍMA 533-5101
Erna, stílisti
Ég hef unnið við förðun á
Stöð 2 í 6 ár, þar á meðal
við förðun keppenda í Idol
og annarra sjónvarpsþátta
hjá 365. Einnig vinn ég við
auglýsingar, mynbönd og myndatökur. Það er
óhætt að segja að námið hefur hjálpað mér
mikið í starfi mínu í förðun og stíliseringu.
Skjöldur Mio,
tískuráðgjafi
Ég taldi mig vita flest
allt um tísku og útlit
áður en ég fór í skólann.
En annað kom á daginn.
Ég hef lært heilmikið um fatasamsetningu,
textil, litafræði, líkamsbyggingu og flest allt um
útlit. Námið nýtist mér frábærlega í því sem ég
er að gera.
Ú T L I S T - O G F Ö R Ð U N A R S K Ó L I
w w w . u t l i t . i s
VILTU VERÐA STÍLISTI?
The Academy of Colour and Style er skóli sem kennir útlitsráðgjöf. Námið byggir á
helstu atriðum útlitshönnunar og er meðal annars tekið fyrir litgreining, fatastíll og
textill. Eftir nám fá nemendur diplóma í útlitsráðgjöf (fashion consultant).
Starfsmöguleikar eftir nám eru margir og spennandi og geta nýst á ýmsum sviðum og
atvinnugreinum.
Hver önn tekur þrjá mánuði og fylgja öll kennslugögn með náminu.
Kennsla fer fram í Tækniskólanum einu sinni í viku frá 18-22.
Litgreining
Förðun út frá litgreiningu
Litasamsetning
FRÉTTASKÝRING
Hvað kemur fram í skýrslu ESB um
landbúnaðarmál og dreifbýlisþróun
á Íslandi og hvaða áhrif hefur það á
aðildarviðræður Íslands?
Íslensk stjórnvöld verða að setja
fram áætlun um hvernig landbún-
aðarkerfið verður lagað að kerfi
Evrópusambandsins áður en hægt
verður að ræða frekar um landbún-
aðarmál í aðildarviðræðum Íslands
við bandalagið.
Í bréfi frá pólskum stjórnvöldum,
sem fara með formennsku í ráð-
herraráði ESB, segir að slík áætlun
verði jafnframt að hljóta samþykki
allra aðildarríkjanna 27 áður en sá
hluti aðildarviðræðna sem snýr að
landbúnaðarmálum getur haldið
áfram. Bréfið fylgir rýniskýrslu
frá framkvæmdastjórn ESB um
landbúnað og dreifbýlisþróun á
Íslandi sem gerð var opinber í gær.
Augljóslega getur tekið talsverð-
an tíma að fá samþykki allra aðild-
arríkjanna, og ljóst að viðræður
um landbúnaðarmál tefjast vegna
þessa.
Þetta setur íslensk stjórnvöld í
nokkurn vanda þar sem formaður
samningahóps Íslands um land-
búnaðarmál fullyrðir að hópurinn
hafi ekki umboð Jóns Bjarnason-
ar, sjávarútvegs- og landbúnaðar-
ráðherra, til að vinna að áætlun-
argerð. Þessi afstaða hans kemur
fram í fundargerð frá fundi samn-
inganefndar Íslands sem fram fór
19. maí síðastliðinn og Fréttablaðið
hefur sagt frá.
Í yfirlýsingu Jóns, sem send var
fjölmiðlum í gær, segir hann að
ekki sé sjálfgefið að lögð sé fram
áætlun um verkefni sem samnings-
aðilar hafi ekki rætt um eða komist
að samkomulagi um.
Þetta er í beinni andstöðu við
minnisblað sem Össur Skarphéð-
insson utanríkisráðherra kynnti í
ríkisstjórn 21. janúar síðastliðinn.
Þar segir að fulltrúar samnings-
hóps í landbúnaðarmálum þurfi að
hafa umboð til að gera áætlanir og
undirbúa lagabreytingar.
Í yfirlýsingu sem gefin var
munnlega á rýnifundi um landbún-
aðarmál 27. janúar segir enn frem-
ur að hluti af þeirri undirbúnings-
vinnu sem inna þurfi af hendi sé að
byggja upp þekkingu innan stjórn-
sýslunnar til að bregðast hratt við
gerð laga- og stjórnsýslubreytinga
svo „allt verði til reiðu frá gildis-
töku aðildar“.
Vinna þarf áætlunina í sjávarút-
vegs- og landbúnaðarráðuneytinu,
en það hefur væntanlega ekki farið
framhjá mörgum að ráðherra mála-
flokksins er andvígur aðild Íslands
að ESB.
Íslensk stjórnvöld hafa gefið út
þá stefnu að íslenska landbúnaðar-
kerfið verði á engan hátt lagað að
kerfi ESB fyrr en ef til þess komi
að íslenska þjóðin samþykki aðild í
þjóðaratkvæðagreiðslu.
Í bréfi ráðherraráðsins er sér-
staklega tekið fram að í áætlun
Íslands eigi að taka tillit til sér-
stakra aðstæðna sem landbúnað-
urinn á Íslandi búi við.
Í skýrslunni kemur meðal ann-
ars fram það mat framkvæmda-
stjórnar ESB að Ísland hafi enga
heildstæða byggðastefnu. Þar segir
að vissulega séu til ýmsir vísar að
slíkri stefnu, en heildræna for-
gangsröðun og skipulagningu
skorti, sem og leiðir til að hrinda
stefnunni í framkvæmd.
Til að Ísland geti fallið undir
landbúnaðarstefnu ESB þarf að
setja upp heildstæða byggðastefnu
Aðildarviðræður tefjast
Gera verður áætlun um hvernig laga eigi íslenska landbúnaðarkerfið að kerfi ESB áður en aðildarviðræður
um landbúnaðarmál hefjast. ESB segir að taka eigi tillit til sérstakra aðstæðna í landbúnaðarmálum á Íslandi.
Sérfræðingar landbúnaðarráðuneytisins og und-
irstofnana þess þurfa að vinna þá áætlun sem
Evrópusambandið fer fram á að verði unnin
áður en aðildarviðræður um landbúnaðarmál
halda áfram, segir Össur Skarphéðinsson utan-
ríkisráðherra.
Hann segist reikna með því að sú vinna
hefjist strax, nú þegar rýniskýrsla framkvæmda-
stjórnarinnar um landbúnaðarmál hefur verið
gerð opinber. Össur segir formann íslenska
samningahópsins hafa skýrt umboð ríkis-
stjórnarinnar til að vinna að áætluninni.
„Ég lít svo á að landbúnaðarráðherra hafi sagt það
mjög skýrt við okkur að þegar landbúnaðarskýrslan
er komin muni þeir í landbúnaðarráðuneytinu taka til
óspilltra málanna við þetta. Ef annað kemur í ljós væru
menn að vinna gegn bæði samþykktum Alþingis og ríkis-
stjórnar, og það gera jafnvel ekki einu sinni þeir sem eru
andstæðingar Evrópusambandsins,“ segir Össur.
Í skýrslu framkvæmdastjórnarinnar segir einnig að
Ísland verði að koma sér upp heildstæðri byggðastefnu,
sem sé einfaldlega ekki til staðar á Íslandi í dag. Össur
segir þá áætlunargerð í gangi núna.
Almennt segir Össur skýrsluna jákvæða, en þó veki
þar tvennt sérstaka athygli. „Í fyrsta lagi vegna
umræðunnar hér heima að Evrópusam-
bandið gerir enga athugasemd við að Ísland
ætli sér ekki að fara í aðlögun fyrr en eftir
þjóðaratkvæðagreiðslu, heldur bendir á það án
athugasemda að Ísland hafi valið þessa leið.
Í öðru lagi er það algerlega skýrt [...] að það
verði samið út frá séríslenskum aðstæðum,
og margítrekað að taka verði tillit til sérstöðu
Íslands,“ segir Össur.
„Þetta er mikill sigur fyrir Ísland að öðlast
þessa viðurkenningu,“ segir Össur.
Hann segir mikilvægt að sjá í samhengi annars vegar
það sem framkvæmdastjórn ESB segi um landbúnaðinn
í þessari skýrslu og hins vegar það sem hún hafi áður
sagt um sjávarútvegsmál.
„Þá liggur það fyrir svart á hvítu að ESB er búið að
segja um tvo erfiðustu málaflokkana sem við þurfum
að semja um, að það þurfi að taka tillit til íslenskra
aðstæðna og það þurfi að semja með þeim hætti að
reglur sambandsins kunni að breytast. Það sýnir blóð-
hrátt að Ísland þarf ekki að taka upp óbreyttar reglur,
heldur er viðurkennt bæði með fiskinn og landbúnaðinn
að það verði samið út frá íslenskum aðstæðum.”
Segir aðlögunaráætlun verða unna í landbúnaðarráðuneytinu
ÁSTEYTINGARSTEINN Þar sem íslensk stjórnvöld ætla ekki að laga stjórnsýslu
landbúnaðarins að kerfi ESB verður að leggja fram áætlun um hvernig það verði
gert, samþykki þjóðin ESB-aðild, áður en viðræður um landbúnaðarmál fara fram.
FRÉTTABLAÐIÐ/VILHELM
í samræmi við reglur sambandsins,
segir enn fremur í skýrslunni. Slík
stefna mun þegar vera í vinnslu
hjá byggðahópi samninganefndar
Íslands.
Í skýrslu framkvæmdastjórnar-
innar er vikið að hlutverki Bænda-
samtaka Íslands í stjórnsýslu
tengdri landbúnaði. Þar segir að
áður en Ísland geti gerst aðili að
ESB þurfi að setja á laggirnar
stofnun sem haldi utan um stjórn-
sýslu tengda landbúnaðinum.
Framkvæmdastjórnin telur þó
mögulegt að slík stofnun láti öðrum
eftir ákveðna hluta stjórnsýslu
tengdri landbúnaði. Þó er skýrt
að ekki yrði heimilt að láta öðrum
eftir að sjá um útdeilingu styrkja
frá ESB.
brjann@frettabladid.is
Fulltrúar Evrópusambandsins
þurfa að skýra með fullnægjandi
og tæmandi hætti hvað átt er við
með þeim
skilyrðum sem
fram koma
í erindi ESB,
segir í yfirlýs-
ingu frá Jóni
Bjarnasyni,
sjávarútvegs-
og landbún-
aðarráðherra.
Í yfirlýs-
ingunni segir
að Jón telji að liggja þurfi ljósar
fyrir að sú áætlunargerð sem ESB
krefjist „feli ekki í sér aðlögun né
breytingar á lögum eða regluverki,
áður en aðild hefur verið sam-
þykkt“. Þá sé ekki sjálfgefið að
lögð sé fram áætlun um verkefni
sem samningsaðilar hafi ekki rætt
um eða komist að samkomulagi
um hvort henti Íslandi.
Jón gaf Fréttablaðinu ekki kost á
viðtali vegna málsins í gær.
Vill skýringar ESB
JÓN BJARNASON
ÖSSUR SKARPHÉÐ-
INSSON
ALÞINGI Árni
Páll Árnason,
efnahags- og
viðskiptaráð-
herra , segir
samninga um
viðskiptafrelsi
ekki ná tak-
marki sínu ef
tollkvótum er
beitt með þeim
hætti að varan
sé dýrari á kvótunum en utan
þeirra. Slíkt geti ekki verið mark-
mið samninga af slíku tagi.
Þetta kom fram í svari Árna Páls
við fyrirspurn
Þorgerðar K.
Gunnarsdóttur,
þingmanns Sjálf-
stæðisflokks-
ins, á Alþingi í
gær. Tilefnið var
umræða um tolla
á innfluttar land-
búnaðarvörur.
Líkt og greint
hefur verið frá
urðu breytingar á tollunum árið 2009
þegar teknir voru upp verðtollar í
stað magntolla. Þorgerður vitnaði til
GATT-samningsins, en þar var komið
á fót tollkvótum á búvörur með það
fyrir augum að tryggja samkeppni og
lægra vöruverð. Raunin er sú að í ein-
hverjum tilvikum eru vörur dýrari á
tollkvótunum en utan þeirra.
Árni Páll segir þetta brjóta í
bága við markmið samninganna.
Hann segir það geta verið sjálfstætt
markmið að loka fyrir innflutning á
ákveðnum vörum. Það sé hins vegar
til vansa fyrir íslenskt samfélag og
loki á útflutning sömu vara.
„Það er afskaplega vanhugsað að
íslensk landbúnaðarframleiðsla fái
ekki notið þeirra vaxtarsprota sem
útflutningur býður upp á.“ - kóp
Efnahags- og viðskiptaráðherra talar um ofurtolla á landbúnaðarvörum:
Árni Páll segir tolla loka á útflutning
ÁRNI PÁLL
ÁRNASON
ÞORGERÐUR K.
GUNNARSDÓTTIR
JEMEN, AP Jemenskar orrustu-
þotur gerðu loftárásir á bæinn
Jaar í suðurhluta landsins í gær.
Bærinn er undir stjórn íslamskra
uppreisnarmanna, sem yfirvöld
segja að hafi tengsl við Al-Kaída.
Yfirvöld segja að tugir hafi
látið lífið í loftárásunum, en stað-
fest er að minnst sjö manns hafi
látist.
Varnarmálaráðherra landsins
hafði greint frá því á sunnudag
að sautján Al-Kaída liðar hefðu
verið drepnir í loftárásum annars
staðar í suðurhluta landsins. - þeb
Jemenskar hersveitir:
Gerðu loftárás-
ir og drápu sjö
ALÞINGI Guðríður Lilja Grétars-
dóttir, þingmaður Vinstrihreyf-
ingarinnar - græns framboðs,
segir fyrir-
huguð kaup
Kínverjans
Huangs Nubo á
Grímsstöðum á
Fjöllum brjóta
í bága við lög.
Hún vill ekki
að iðnaðar-
ráðherra veiti
honum undan-
þágu á meðan
endurskoðun
hefur ekki farið fram á lögum
um auðlindir og almannaréttur
tryggður.
Þetta kom fram í fyrirspurn-
artíma á Alþingi í gær. Katrín
Júlíusdóttir iðnaðarráðherra
sagði endurskoðun í fullum
gangi. „Ég tek undir það að við
þurfum að styrkja almannarétt-
inn enn frekar,“ sagði Katrín.
- kóp
Landakaup Huangs Nubo:
Guðfríður gegn
undanþágunni
GUÐFRÍÐUR LILJA
GRÉTARSDÓTTIR
Styður þú byggingu hátækni-
sjúkrahúss í miðbænum?
Já 26,3%
Nei 73,7%
SPURNING DAGSINS Í DAG:
Telur þú eðlilegt að fá erlendan
þjálfara fyrir íslenska landsliðið
í knattspyrnu?
Segðu þína skoðun á Vísir.is
Skildu barnið eftir í bílnum
Ungbarn var skilið eftir í bíl fyrir utan
veitingahúsið Rána í Reykjanesbæ
síðdegis í gær. Samkvæmt frétt Víkur-
frétta var barnið kófsveitt og rautt í
andliti þegar lögreglumenn bar að
garði. Barnið var mikið klætt. Foreldr-
arnir voru inni á veitingahúsinu að
fá sér borða. Málið er komið á borð
barnaverndaryfirvalda í Reykjanesbæ.
REYKJANESBÆR
KJÖRKASSINN