Fréttablaðið - 06.09.2011, Blaðsíða 38

6. september 2011 ÞRIÐJUDAGUR30
HÁRIÐ
Sýningin sem gat ekki hætt
fer að hætta!
SILFUR TUNGLIÐ
„Algjör snilld“
Júlíus Júlíusson, Mbl. Miðasala á harid.is
Fim. 8. sept. kl. 19
Lau. 10. sept. kl. 19
Sun. 11. sept. kl. 19
Fös. 23. sept. kl. 19
Allra síð
ustu sýn
ingar!
BESTI BITINN Í BÆNUM
„Það er Saffran Express og
Spari Naanwich sem slær öll
met. Það er gert grín að mér
í vinnunni því ég fer svo oft
þangað.“
Lilja Katrín Gunnarsdóttir, leikkona og
nýráðinn ritstjóri Séð & heyrt.
„Ég ætla að kenna hitabylgjunni
um þetta, ég er bara að bíða eftir
djúpri haustlægð og þá kemur
aðsóknin,“ segir Hafsteinn Gunnar
Sigurðsson kvikmyndaleikstjóri.
Fyrsta myndin hans, Á annan
veg, var frumsýnd um helgina.
Hún fékk prýðilega dóma, fjórar
stjörnur í Fréttablaðinu, þrjár í
Fréttatímanum og fína umsögn í
Morgunblaðinu.
En dómarnir virðast ekki hafa
hreyft við fólki, aðeins 159 gest-
ir greiddu sig inn á myndina um
helgina samkvæmt lista frá Smáís.
Og það verður að teljast heldur
dræm aðsókn. Mikil veðurblíða
lék við höfuðborgarbúa bæði laug-
ardag og sunnudag og því viðbúið
að margir hafi haft öðrum hnöpp-
um að hneppa en að skella sér í bíó.
Hafsteinn er hins vegar nokkuð
brattur þrátt fyrir brösótta byrj-
un, segir myndina spyrjast vel
út. „Ég er líka óþekktur, þetta er
mín fyrsta mynd og þá eru leikar-
arnir tiltölulega óþekktir. Þetta er
mynd sem hvíslar á meðan stóru
Hollywood-poppkornssmellirnir
öskra,“ segir Hafsteinn en hann
vildi hvetja fólk til að skella sér í
bíó til að kynna sér það ferskasta í
íslenskri kvikmyndagerð.
Guðmundur Breiðfjörð, mark-
aðsstjóri hjá Senu sem dreifir
myndinni, segir myndina eiga
eftir að ná sér á skrið. „Þetta er
þannig mynd að hún verður lengi
í gang,“ segir Guðmundur og rifj-
ar upp velgengni Nóa albínóa. Hún
hafi farið hægt af stað í byrjun og
raunar benti ekkert til þess fyrstu
sýningarvikuna að myndin myndi
njóta mikilla vinsælda. „Þetta eru
bara þrír dagar, svona mynd þarf
alveg viku til tíu daga. Markhóp-
ur hennar þarf tíma, hann þarf að
skipuleggja sig, finna barnapíu og
annað slíkt. Þessi mynd á alveg
heilan helling inni,“ segir Guð-
mundur.
Á annan veg segir frá tveimur
afar ólíkum mönnum sem vinna
saman við vegavinnu á Vestfjörð-
um; annar ætlar í framhaldsnám í
þýsku en hinn er með kynlíf á heil-
anum. Aðalleikarar myndarinnar
eru tveir, þeir Hilmar Guðjónsson
og Sveinn Ólafur Gunnarsson, en
auk þess bregður Þorsteini Bach-
mann fyrir í litlu hlutverki. Mynd-
in er sýnd bæði í Háskólabíói og
Smárabíói. freyrgigja@frettabladid.is
HAFSTEINN GUNNAR SIGURÐSSON: HITABYLGJUNNI UM AÐ KENNA
Bíð eftir djúpri haustlægð
til að aðsóknin taki við sér
ENGIN UPPGJÖF Hafsteinn Gunnar Sigurðsson, til hægri, segist sannfærður um að aðsóknin á myndina eigi eftir að aukast, sér-
staklega þegar djúpar haustlægðir fara að gera vart við sig. Leikstjórinn er hér með aðalleikurum myndarinnar, Hilmari Guðjóns-
syni og Sveini Ólafi Gunnarssyni. FRÉTTABLAÐIÐ/GVA
„Hann er ótrúlegur snillingur, þessi strákur,“ segir
leikstjórinn Ólafur Jóhannesson.
Kvikmyndin Borgríki eftir Ólaf verður frumsýnd
14. október. Tónlistarmaðurinn Zack Hemsey semur
tónlistina í nýjum stiklum fyrir myndina, en hann
samdi einnig tónlistina í stiklum kvikmyndanna
Inception, The Town og Robin Hood eftir Ridley
Scott. „Hann er búinn að gera heilan helling,“ segir
Ólafur og bætir við að það hafi verið sáraeinfalt að
hafa uppi á honum. „Ég fann náungann á netinu og
talaði við hann. Hann vildi fyrst fá ógurlegar formú-
ur fyrir verkið, svo benti ég honum á að ég væri á
Íslandi, sem væri eins og lítið Disneyland – mjög
lítill markaður. Þá fékk ég þetta frekar ódýrt. Hann
gaf afslátt út á Ísland, það er bara málið.“
Ólafur er mikill stiklumaður og segist vera búinn
að sjá miklu fleiri stiklur en kvikmyndir. Hann
segir tónlistina í stiklunni skipta sköpum enda sé
hún frímerki fyrir myndina. „Ef fólk ætlar að sjá
myndina skoðar það treilerinn og því þarf hann að
vera eins flottur og mögulegt er,“ segir hann.
Ágústa Eva Erlendsdóttir, Ingvar E. Sigurðsson,
Sigurður Sigurjónsson og hinn serbneski Zlatko
Krickic fara með aðalhlutverkin í myndinni.
Ólafur fór óhefðbundnar leiðir við fjármögnun
myndarinnar og bauðst fólki meðal annars að
styrkja myndina með frjálsum framlögum.
Nú þegar hann sér fyrir endann á vinnunni
við myndina segir hann að það sé hálfgerður
gerviléttir. „Þegar eitt klárast byrjar annað,“
segir hann. „Ég er hættur að trúa á spennuföll,
þau eru yfirleitt haugalygi. Englarnir koma
með nýja verkefnaskrá þegar maður
klárar eitthvað.“
Nánari upplýsingar má finna á vef-
síðu myndarinnar, borgriki.is. - afb
Gaf afslátt út á Ísland
ÍSLENSKUR AFSLÁTTUR Zack Hemsey
gerði tónlistina í stiklum mynda
á borð við Inception og The
Town. Hann gaf Ólafi
afslátt af tónlist-
inni fyrir stiklur
Borgríkis vegna
smæðar Íslands.
„Við urðum að breyta nafninu og
komumst að þessari niðurstöðu
ásamt dreifingaraðilanum í Dan-
mörku. Ætli þetta sé ekki auðveld-
asta breytingin,“ segir Kristján
Geir Gunnarsson, framkvæmda-
stjóri markaðs- og sölusviðs Nóa
Síríus.
Íslenski sælgætisframleiðand-
inn þurfti að breyta Ópal í Obal
til að geta selt sælgætið frændum
okkar í Danmörku. Íslendingar
í Danmörku hafa rekið upp stór
augu í Tiger-búðum þar í landi
þar sem pakkar af íslenska sæl-
gætinu standa í hrönnum en bók-
stafnum P er skipt út fyrir B.
Útlitið á pökkunum er hið sama
og hér heima.
Ástæðan er sú að danskur sæl-
gætisframleiðandi var þegar
búinn að tryggja sér réttinn á
nafninu. „Sumir framleiðendur
gera þetta, tryggja sér rétt á nöfn-
um án þess að nota þau. Þegar sóst
var eftir að selja Ópal í Danmörku
þurftu við því að breyta nafninu
til að geta selt það,“ segir Kristján
en rúmt ár síðan íslenska sælgæt-
ið fór í sölu í Danmörku.
Pakkinn kostar 10 krónur
danskar sem er um 220 íslenskar
krónur. Til samanburðar er vert
að geta að Ópal pakkinn hér heima
kostar einnig frá 220 krónum og
upp úr. „Þetta er að verða vin-
sælt núna og Danirnir að komast
á bragðið,“ segir Kristján Geir. - áp
Ópal er Obal í Danmörku
OBAL Í DANMÖRKU Útlitið á sælgætis-
pökkunum er alveg eins en nafnið er
öðruvísi hjá Dönunum sem eru að
komast á bragðið.