Fréttablaðið - 06.09.2011, Blaðsíða 8

6. september 2011 ÞRIÐJUDAGUR8
Huang Nubo hefur engan
áhuga á pólitík og þykir
leitt að verið sé að tengja
hann við stjórnmálaöfl.
Hann mun afsala sér vatns-
réttindum á Grímsstöðum
og er á móti virkjunum í
Jökulsá. Huang svaraði
spurningum Fréttablaðsins
með tölvupósti í gær.
Hvernig svarar þú þeim sem sett
hafa spurningarmerki við fyrirætl-
anir þínar í sambandi við vaxandi
áhrif Kína á alþjóðamarkaði?
„Mér finnst afar leiðinlegt að
sumir séu að reyna að tengja við-
skiptaáætlanir mínar við pólitík.
Það er ekki sanngjarnt að bendla
viðskipti mín við stjórnmál í ein-
hvers konar kalda stríðssamhengi.
Líf okkar væri mun einfaldara ef
menn hefðu ekki svona miklar
áhyggjur af Kína.“
Hverjar eru fyrirætlanir þínar
varðandi vatnsréttindi á Gríms-
stöðum?
„Ég er félagi í TNC, The Nat-
ure Conservancy, sem eru ein af
stærstu náttúruverndarsamtök-
um heims og ég er mikill nátt-
úruverndarsinni. Ef ég fæ leyfi
frá yfirvöldum til að halda áfram
með verkefni mitt á Grímsstöðum,
verður mitt fyrsta og mikilvæg-
asta verkefni að gera yfirgrips-
mikla áætlun um náttúruvernd á
svæðinu.
Ég hef engan áhuga á vatnsrétt-
indum í Jökulsá á Fjöllum og raun-
ar er ég eindregið á móti virkj-
unum í þessari fallegu á, sem er
ástæða þess að ég ætla að afsala
mér vatnsréttindum.“
Hefur engan áhuga á pólitík
Ert þú virkur í kínverskum stjórn-
málum?
„Ég tek ekki þátt í pólitík, ég
stunda viðskipti. Þar fyrir utan
tek ég þátt í alls kyns alþjóðleg-
um ljóðaviðburðum og góðgerðar-
málum, ásamt því að ganga mikið á
fjöll. Ég hef engan áhuga á pólitík.“
Hvað finnst þér um þá opinberu
umræðu sem hefur átt sér stað á
Íslandi eftir að fyrirætlanir þínar
urðu opinberar?
„Mér fellur ekki að vera bendl-
aður við pólitík á nokkurn hátt, en
ég skil áhyggjur fólks í því sam-
hengi. Kaupsýslumönnum eins og
mér er ekki um að vera blandað
inn í stjórnmálaumræður, en ég
bjóst við þessu vegna þess að það
hefur verið mikill áhugi á alþjóð-
legum vettvangi á viðskiptahegð-
un kínverskra kaupsýslumanna.
En það er alveg ljóst að ég mundi
endurskoða allar fjárfestingar-
hugmyndir mínar á Íslandi ef þær
væru líklegar til að valda pólitískri
sundrung.“
Finnur þú fyrir kynþáttafordóm-
um í umræðunni á Íslandi?
„Ég hef ekki fundið fyrir neinu
slíku.“
Telur þú að umræðan sé sann-
gjörn?
„Ég hef ekki náð að fylgjast með
umræðunni á Íslandi undanfarna
daga nægilega vel þar sem ég hef
verið mikið á ferðalögum. En ég
tel að það sé eðlilegt að almenn-
ingi á Íslandi sé annt um nýtingu
landsins, en þó finnst mér það afar
ósanngjarnt ef umræðan einblín-
ir á kynþátt minn eða þjóðerni.
Ég er bara kaupsýslumaður með
sýn á það hvernig á að þróa ferða-
mannaiðnaðinn í framtíðinni svo
hann verði arðvænn fyrir landið
og ferðamennina sjálfa.
Ég hef töluverðar áhyggjur af
þeirri þróun sem á sér stað þegar
ferðamannastaðir eru þróaðir án
nægilegrar framtíðarsýnar. Það
gæti endað með því að margir af
fallegustu stöðum á jörðinni verði
eyðilagðir. Ég vil því leggja mitt
af mörkum til að varðveita arfleifð
náttúrunnar svo komandi kynslóð-
ir munu geta notið þeirra á sama
hátt og forfeður okkar.“
Hefur þú áhyggjur af því að kín-
versk yfirvöld muni reyna að hafa
áhrif á mögulega fjárfestingu þína
á Grímsstöðum?
„Ég tel að það ætti ekki að vera
nein ástæða fyrir kínversk stjórn-
völd að hafa áhrif á fjárfesting-
ar mínar. Eina ástæðan sem mér
dettur í hug fyrir kínversk stjórn-
völd að koma í veg fyrir kaupin er
sú að þau teldu að þau hefðu slæm
áhrif á Ísland. Ef það gerist þarf
ég að hætta við áætlanir mínar,
vegna þess að gjaldeyrisskipti eru
háð samþykki kínverskra stjórn-
valda og ég mundi þar af leiðandi
ekki geta notað mína kínversku
fjármuni á Íslandi.“
Ferðaþjónusta án hliðstæðu
Hvað ætlast þú fyrir með kaup þín
á Grímsstöðum?
„Þegar ég hef fengið undan-
þáguna frá stjórnvöldum í báðum
löndum, mun ég koma á fót
íslensku fyrirtæki. Þetta fyrirtæki
mun kaupa eignina og reka hana
samkvæmt íslenskum lögum rétt
eins og önnur fyrirtæki í landinu.
Ég get ekki séð hvernig þjóðerni
ætti að skipta þar máli.
Síðan mun ég bjóða umhverfis-
fræðingum frá alþjóðasamtök-
unum TNC til Íslands, þar sem
meðal annars munu vera sérfræð-
ingar á sviði vatnafræði, stað-
fræði, líffræðilegs fjölbreytileika,
umhverfisvæns ferðamannaiðn-
aðar, arkitektúrs og fleira. Þeir
munu skoða aðstæður á Gríms-
stöðum og ráðfæra sig síðan við
íslenska sérfræðinga.
Svo mun ég láta framkvæma
umhverfisáætlun, sem mun skipta
landinu niður eftir svæðum; þeim
sem verða þróuð áfram og þeim
sem verða friðuð og látin ósnortin.
Að því loknu mun ég leita eftir áliti
almennings áður en ég sendi áætl-
anir mínar til íslenskra yfirvalda.
Þegar ég hef fengið samþykki
frá yfirvöldum, munum við byrja
hönnunarvinnu og framkvæmd-
ir, sem ég býst við að muni taka
um það bil tvö ár. Ég ætla mér að
vinna með íslenskum verkfræði-
og byggingafyrirtækjum og ég
býst við því að ferðamannasvæðið
verði tilbúið til reynslu árið 2014.
Við munum byggja 20.000 fer-
metra ferðamannaaðstöðu, þar
á meðal fimm stjörnu hótel með
meira en 100 herbergjum í 10.000
fermetrum. Einnig munum við
gera stórar svítur fyrir fjölskyldur
og litla hópa. Þar fyrir utan ætlum
við að þróa umhverfisvænan golf-
völl, aðstöðu til að stunda hesta-
íþróttir, lítinn flugvöll og útsýnis-
flug með loftbelg.
Á sama tíma munum við einn-
ig fara af stað með þriggja til
tíu daga gönguferðir á svæðinu.
Sunna
Valgerðardóttir
sunna@frettabladid.is
FRÉTTAVIÐTAL: Kínverski kaupsýslumaðurinn Huang Nubo
Vill varðveita arfleifð náttúrunnar
GRÍMSSTAÐIR Á FJÖLLUM Grímsstaðir eru um 300 ferkílómetrar að stærð, sem gerir jörðina að einni stærstu jörð á landinu. MYND/SIGGA HALLGRÍMS
HUANG NUBO Nubo býst við því að heildarkostnaður við framkvæmdir hans á Íslandi nemi tæpum 25 milljörðum króna.
NORDICPHOTOS/AFP
Heildarkostnaður við fram-
kvæmdirnar mun sennilega verða
um 100 milljónir Bandaríkjadala.
Gangi framkvæmdir mínar á
Grímsstöðum eftir mun ég einn-
ig leita eftir staðsetningu innan
Reykjavíkur fyrir fimm stjörnu
hótel með um 300 herbergjum og
skrifstofum fyrir fyrirtæki mitt á
Íslandi. Ég ætla að kaupa tvær til
þrjár litlar flugvélar og koma á fót
fyrirtæki fyrir útsýnisflug.
Heildarkostnaður við þessar
framkvæmdir er áætlaður aðrar
hundrað milljónir Bandaríkjadala
og er búist við því að þeim ljúki
fyrir árið 2014.“
Vill fullt samstarf við íslenska ríkið
Vilt þú eiga Grímsstaði með
íslenska ríkinu? Truflar það ekki
áætlanir þínar á svæðinu?
„Já, ég vil það. Hvert einasta
skref sem ég tek mun verða sam-
kvæmt íslenskum lögum. Og yfir-
völd munu hafa yfirsýn yfir allar
byggingaframkvæmdir sem ég
hyggst ráðast í, til að hafa allt ferl-
ið eins gagnsætt og mögulegt er og
tryggja góðan árangur.“
Ert þú bjartsýnn á að verkefni
þitt á Grímsstöðum skili arði?
„Ég tel að það muni taka um tíu
ár fyrir verkefnin að skila arði,
en þó ekki nóg til að fá fjárfest-
ingarkostnaðinn til baka. Þó mun
það efla samkeppnisstöðu mína í
ferðamannaiðnaðinum á alþjóðleg-
um vettvangi, að Kína meðtöldu,
og þar með auka hagnað minn.“
AFS á Íslandi • Sími 552 5450 • www. afs.is
OPIÐ HÚS
AFS-skiptinemasamtökin á Íslandi verða með
opið hús, miðvikudag, kl. 17-19, í húsakynnum,
samtakanna, Ingólfsstræti 3, Reykjavík. Allir, sem
vilja forvitnast um skiptinemadvöl, sjálfboðaliðadvöl
eða starfsemi okkar almennt, eru hvattir til að líta við
og kynna sér það sem við höfum upp á að bjóða.

Ég hef engan
áhuga á vatnsrétt-
indum í Jökulsá á
Fjöllum og raun-
ar er ég eindregið
á móti virkjunum
í þessari fallegu
á, sem er ástæða
þess að ég ætla að
afsala mér vatns-
réttindum.