Faxi - 01.07.1943, Blaðsíða 3

F A X I
3
Jón Tómasson:
Snii«l i |»róll iii
C’
Sesselja Jónsdóttir
Sjómannasunnudagurinn, sem
er fyrsti sunnudagur í júní, er
helgaður sjömönnunum nær því
um land allt. Hátíðahöld eru í
bæjum og þorpum, prestar pré-
dika og aðrir fróðir menn halda
fyrirlestra. Flest það, sem er
sagt og skrifað, er til fróðleiks
og uppörfunar þeim, er heyja
hið þrotlausa stríð á hafinu.
Af hátíðahöldunum verður
nokkur ágóði. Hann rennur á
einhvern hátt til styrktar sjó-
mönnunum.
Hér í Keflavík er ágóðanum
varið á nokkurn annan hátt en
annars staðar tíðkast. Fé það,
sem áskotnast, rennur til sund-
kennslu. Á frumlegan hátt er
hér stígið rétt spor.
Sundíþróttin er fögur og holl
íþrótt, og hún er meira, hún er
sú öryggisbót, sem ætti að krefj-
ast af hverjum sjómanni.
Þau dæmi eru óteljandi, að
sjómenn hafa bjargað lífi sínu
og félaga sinna með sundi, er
þeir hafa fallið fyrir borð úti á
rúmsjó, eða karlmennska og
fórnfýsi þeirra manna, sem hafa
varpað sér út af strönduðum
skipum sínum, út í hafrótið, með
þann drengilega ásetning að
brjótast í gegnum brimlöðrið og
bjarga þannig lífi skipshafnar-
innar — eða láta lífið ella, —
hefur yfir sér töfraljóma hetju-
skaparins. Dáð þeirra lifir.
Og það eru fleiri en sjómenn-
irnir, sem ættu að vera syndir.
Það er ekki svo fátítt að menn
falli út af bryggjum eða annars
staðar, þar sem drukknun er yf-
irvofandi, ef ekki berst bráð
hjálp. Undir þeim kringumstæð-
um getur vel syndur maður orð-
ið að liði, þó að sundið sé ann-
ars aðeins íþrótt fyrir honum.
Sundkennsla sú, sem fram hef-
ur farið hér í Keflavík á undan-
förnum árum, hefur þegar borið
glæsilegan árangur.
Að minnsta kosti tvö keflvízk
ungmenni hafa bjargað börnum
frá drukknun. Sesselja Jóns-
dóttir dvaldi síðastliðið sumar á
Seyðisfirði. Þar tókst henni að
bjarga tveimur börnum, sem
fallði höfðu í sjóinn út af
bryggjum. Annað þeirra var með
fullri rænu, þegar hún náði því,
en hitt hafði drukkið mikið af
sjó og var rænulaust. Sesselja
„helti“ úr. því sjónum og brátt
færðist líf í barnið, sem var þó
svo þjakað, að það áttaði sig
ekki á því, sem gerst hafði, fyrr
en það var komið upp í rúm.
Fyrir nokkrum árum bjargaði
Gunnar Þorsteinsson dreng, er
féll út af bryggju hér í Kefla-
vík. Drengurinn hafði legið í
sjónum nokkra stund og var al-
gerlega meðvitundarlaus. Gunn-
ar hafði lært lífgun úr dauða-
dái, auk þess sem hann var skáti
og því viðbúinn að gera það
bezta á hverjum tíma. Hann hóf
því lífgunarstarfið jafnframt því
að hann sá um að læknir var
sóttur.
Um þessi vasklegu afrek höf-
um við bæði heyrt og séð í blöð-
um og útvarpi, hvort á sínum
tíma. Og það hlýtur að vekja á-
nægju og öryggiskennd að vita,
að með hverju sumri sem líður,
eru ungir og gamlir, í tugatali,
að læra þessa skemmtilegu og
þörfu íþrótt.
Gunnar Þorsteinsson
í dag eða á morgun get ég eða
þú þurft á því að halda, að vera
syndur. — Lærum því öll að
synda! — Því fyrr, því betra —
og öruggara.
Skípulag Keilavíkur
Að tilhlutun byggingarnefndar
Keflavíkur hefur skipulagsnefnd bæja
og kauptúna nú nýlega endurskoðað
skipulagsuppdrátt Keflavíkur og gert
tillögur um ýmsar breytingar og við-
auka.
Hefur það undanfarið háð mjög
starfi byggingarnefndar, að skipulag
hefur ekki verið fastákveðið á ýmsum
stöðum, og hafa jafnvel verið gerðar
á því tíðar breytingar. Tillögunum er
ekki að fullu lokið og eiga síðan eftir
að ræðast í bygginganefnd, og hrepps-
nefnd, áður en þær verða staðfestar.
Virðast þær horfa til bóta og verður
að vænta þess, að mál þessi komist
bráðlega í betra horf en verið hefur.
í tillögum þessum er gert ráð fyrir
allstóru íþróttasvæði utan Hringbraut-
ar fyrir ofan Félagsgarða. Þá er gert
ráð fyrir barnaskóla við Tjarnargötu
og sjúkrahúsi við Skólaveg, en milli
þessara bygginga verði skrúðgarður og
skemmtistaður. Er það núverandi leik-
völlur og brekkan upp að húsunum við
Suðurg. Þá er gert ráð fyrir að Skóla-
vegur verði framlengdur niður að
Sundlaug. Til þess að það. væri hægt,
varð að stöðva byggingu, sem byrjað
var á og búið var að veita leyfi til,
skv. eldra skipulagi. Ennfremur er
Hringbrautinni breytt og hefur hún nú
verið lögð skv. því„ af setuliðinu.
G. M.