Faxi - 01.12.1962, Blaðsíða 10

um Hákoti, Stapakoti, Tjarnarkoti, Móa-
koti og Hólmfastskoti og 6 kúgildum 17.
febrúar 1790 fyrir 752 ríkisdali.
I fógetareikningum á 16. öldinni er
margoft getið um Kirkju-Njarðvík og þar
talin tvö kirkjukúgildi. Þó verður það
ekki talin sönnun þess að þar hafi verið
kirkja á þessu tímabili. Er hitt talið senni-
legra, að kirkjan hafi legið niðri að mestu
á þessu tímabili. Er og vitað að konungar
reyndu að leggja af kirkjur á jörðum sín-
um, þar sem þaer voru honum til þyngsla
vegna viðhalds.
Arið 1670 fær Jón Halldórsson leyfi
Jóhans Klein til þeses að byggja upp
Njarðvíkurkirkju og vígði hana séra Rafn
Olafsson í Grindavík 13. nóv. það ár.
Lagði biskup til kirkjusóknar bæina Ytri-
Njarðvík og Narfakot. Kirkjunni mun
hafa verið þjónað frá Hvalsnesi, unz hún
með konungsbréfi 26. apríl 1815 er lögð
til Kálfatjarnarprestakalls. Með presta-
kallaskipunarlögunum 1907, er hún lögð
til Utskála. En það mun ekki hafa komið
til framkvæmda, því kirkjan lagðist niður
1916, eða þrem árum áður en Kálfatjarnar-
kall hvarf úr sögu. Sú kirkja, sem nú
stendur, var vígð 18. júlí 1885 af sr. Þór-
arni Böðvarssyni prófasti í Görðum.
Njarðvíkursókn er tekin upp að nýju
með stjórnarbr. 7. febrúar 1944 og kirkja
þar endurreist og vígð 24. sept 1944 af
biskupnum yfir Íslandi, Sigurgeir Sigurðs-
syni og er þá þjónað frá Utskálum. Með
lögum 1952 er Keflavík gerð að sérstöku
prestakalli og Innri-Njarðvíkurkirkja varð
þá útkirkja þaðan og hefur svo haldizt.
—• Hafðu hlýja þökk fyrir þessar fróð-
legu og greinargóðu upplýsingar. — En
nú langar mig til, — um leið og ég árna
þér allrar blessunar, er þú stendur á sjón-
arhóli hálfrar aldar — og þakka þér af
alhug störf þín og órofa tryggð í kirkj-
unnar garð, — að spyrja þig lítillar for-
vitnisspurningar. — Hvað var það, sem
þið Geir voruð að tala um áðan, þegar
þið komuð ofan af söngloftinu. Þið voruð
bersýnilega báðir jafn brennandi áhuga-
samir?
— Við vorum auðvitað að tala um nýja
orgelið, þ. e. a. s. orgelið, sem í ráði er
að kaupa. Það er pípuorgel, sem við höf-
um augastað á. Og er þegar hafin fjár-
söfnun í því skyni.
— Þið eruð bjartsýnir í meira lagi, þykir
mér. Verður slíkt Grettistak ekki ofraun
fyrir þennan fámenna söfnuð hér?
— Já, við erum bjartsýn — og ekki að
ástæðulausu. Söfnunin hefir þegar fengið
mjög góðar undirtektir. Og við treystum
drengilegum stuðningi margra, þegar til
þeirra verður leitað. En fyrst og síðast
treystum við því, að Guð gefi góðu mál-
efni sigur.
— Mæl þú allra manna heilastur. —
Mætti íslenzka kirkjan eignast sem flesta
þína líka. ----------------
Það skyggir óðum. Þarna stendur
kirkjan sveipuð rökkurhjúpi. Þarna mun
hún óbifuð standa um aldir, sem talandi
tákn fámenns safnaðar, er sýndi það í
verkinu, að hann unni kirkjunni sinni —
og þorði að treysta Guði.
Við Guðmundur göngum þögulir út
stéttina, hlið við hlið. Ef til vill falla hugs-
anir okkar í sama farveg á þessari stundu,
— farveg, sem gæti fundið sér útrás í
þessum fornu orðum íslenzks kirkju-
manns: „Kirkjan mín, — Drottinn minn!“
Bj. J.
Keflvíkingar!
Singer saumavélar
Singer prjónavélar
Kitchen Aid hrærivélar
Ideal Mixer hrærivélar
Westinghouse kæliskápar
Gram kæliskápar
Holland Electra ryksugur
Brauðristar . Vöfflujárn
Straujárn.
★
Baðvogir . Búrvogir
Thermos-hitakönnur
Matarstell . Kaffistell
Stakir bollar . Stakir diskar
Hnífapör í gjafakössum
Gjafavörur
★
LEIKFÖNG:
Dúkkur
Bangsar
Margskonar dýr
Dúkkustell
Dúkkuhúsgögn
Eldavélar
Þvottavélar
Kubbakassar, margar gerðir.
Upptrektir bílar
Sjálftrekktir bílar
Plastbílar
Trébílar
Dúkkuvagnar úr tré o. m. fl.
Komið — Sjáið
Kaupið
Kaupfélag
Suðurnesja
Búsáhaldadeild
+■——------------——+
170 — F A XI