Faxi - 01.12.1962, Page 47

þessar eru ritaðar í lok nóvember, aðeins 4—5
stunda sigling á miðin.
Eftir að dragnótaveiðin hætti í haust hafa
línuveiðar verið stundaðar og hefir aflast
sæmilega, þegar á sjóinn hefir gefið. Aðal
fisktegundin hefir verið ýsa, og hefir hún
verið flutt til Reykjavíkur, eftir að síldveið-
arnar hófust og seld þar til neyzlu, því flest
öll hraðfrystihúsin starfa nú svo að segja
eingöngu að síldarfrysingu.
Sérleyfisbifreiðir Keflavíkur 20 ára.
Nú í þessum mánuði á eitt af óskabörn-
um Keflavíkur 20 ára afmæli, er hér um að
ræða Sérleyfisbifreiðir Keflavíkur, sem allir
þekkja og flestir að góðu. Þessarar mætu
starfsemi verður ekki nánar getið að þessu
sinni, en í janúarblaðinu verður afmælisins
minnst og Sérleyfisbifreiðirnar dregnar fram
i dagsljósið og getið hins ágæta starfs, sem
þar hefir verið unnið þessi 20 ár.
Verzlunin Faxaborg,
sem var til húsa á íbúðarhæð við Smára-
tún, frá því hún flutti frá Faxabraut 2, er nú
flutt í ný húsakynni við Smáratúnið. Hið
nýja verzlunarhúsnæði er mjög þægilegt og
hentugt. I því er sérstök kæld kartöflu-
geymsla — upphitað „lager“-herbergi fyrir
matvörur, sem ekki þola kulda og lítið eld-
hús, þar sem framleitt er: hamsatólg, kæfa,
rúllupylsa og fleira. Er aðstaða öll til að
veita viðskiptavinum góða þjónustu, miklu
betri í þessum nýju húsakynnum en áður var.
Tveir pöntunarsímar eru til staðar fyrir búð-
ina: 1826 og 1326. Eigandi og verzlunarstjóri
er nú sem fyrr Jakob Sigurðsson.
Bifreiðastöð Keflavíkur.
Á öðrum stað hér í blaðinu er auglýsing
frá Bifreiðastöð Keflavíkur, þar sem stöðin
tilkynnir viðskiptavinum sínum að opnað
hafi verið útibú á Keflavíkurflugvelli í nýj-
um og glæsilegum húsakynnum. Telur for-
stjórinn, Guðni Erlendsson. að með þessu
nýja húsnæði muni storbatna öll þjónusta
stöðvarinnar á flugvellinum, enda hafi það
verið markmiðið með þessum framkvæmdum.
Sími þessa útibús Bifreiðastöðvar Kefla-
víkur er 4141.
AHtaf eitthvað að gerast.
Það var hérna á dögunum er ég lagði leið
mína inn á Aðalstöðina til þess að fá bensín
á bílinn, að ég veitti athygli nokkurri ný-
smíði hjá bensínafgreiðslunni. Og þar sem
forstjórann, Hauk H. Magnússon, bar að rétt
í þessu notaði ég tækifærið og spurðist frétta.
„Hér er alltaf eitthvað að gerast,“ sagði
forstjórinn. „Við vorum tilneyddir að leggja
hér út í byggingarframkvæmdir og stækka
húsnæði bensín- og varahlutaafgreiðslunnar,
vegna stóraukinnar hjólbarða- og varahluta-
sölu á undanförnum mánuðum, sem var al-
veg að sprengja utan af sér húsnæðið, að öðr-
um kosti hefðum við ekki getað sinnt eftir-
rpurn viðskiptavina, sem telja sér hag í því
að skipta við þetta fyrirtæki. Enn fremur
er nú verið að endurnýja öll tæki í smurstöð
félagsins og einnig hefir þar nýskeð verið
bætt við manni, til þess að geta veitt þar
sem allra bezta þjónustu. Við lifum hér í
stórum og vaxandi bæ, þar sem býr athafna-
ramt fólk. Og með tilliti til þess, að þetta
er eina smurstöðin á öllum Suðurnesjum, er
eðlilegt að fólkið leiti hingað til þess að fá
bifreiðir sínar smurðar. Við höfum alltaf talið
það skyldu okkar og lagt á það áherzlu, að
veita viðskiptavinum okkar sem fullkomnasta
þjónustu, jafnt á þessu sviði sem öðrum, enda
teljum við heill og framtíð Aðalstöðvarinnar
þannig bezt borgið.
En fyrst þú ert að spyrja, þá vil ég gjarna
láta þess hér getið, að nú um áramótin munu
talstöðvar verða settar í flestar, ef ekki allar
bifreiðir Aðalstöðvarinnar, sem ég vænti, að
muni mælast vel fyrir, stórbæta þjónustuna
og veita mikið öryggi."
Nýjar bækur í safnið:
Skáldsögur:
London, Jack: Sonur sólarinnar.
— Snædrottningin, 1.
Bögenæs, Evi: Jóladansleikur.
Burgess, Alan: Sjö menn við sólarupprás.
Söderholm: Það vorar að Furulundi.
Ingibjörg Jónsdóttir: Ást í myrkri.
Ingibjörg Sigurðardóttir: Heimasætan a
Stóra-Felli.
Lidman, Sara: Sonur minn og ég.
Jökull Jakobsson: Næturheimsókn.
Tsjekov, Anton: Maður í hulstri.
Björn Blöndal: Lundurinn helgi.
Charles, Th.: Tvísýnn leikur.
Stefán Jónsson: Mínir menn.
Maclean, Alistair: Ódysseifur.
Guðmundur L. Friðfinnsson: Baksvipur
mannsins.
Hill, Anne: Hulin fortíð.
Overs, Knud: Sunddrottningin.
Hörlyck, Helene: Fríða á Súmötru.
Cavling, Henrik: Herragarðurinn.
Barnabækur:
Eysteinn ungi: Tói í borginni við flóann.
Blyton, Enid: Fimm í útilegu.
Roland, Sid: Pipp fer í skóla, III.
Lindgren, Astrid: Alltaf gaman í Ólátagarði.
Lobin, Gerd: Fjórir á fleka.
Blaine, John: Hvískurkassinn.
Gestur Hansson: Strákar og heljarmenni.
Fcrðasögur og ævisögur:
Mikkelsen, Ejnar: Af hundavakt á hudna-
sleða.
Victor, Paul-Emile: Upp á líf og dauða.
Sigurður Ólafsson: Sigur um síðir.
Pétur Sigfússon: Enginn ræður sínum
næturstað.
Jónas Árnason: Syndin er lævís og lipur.
Því gleymi ég aldrei.
Orgland, Ivar: Stefán frá Hvítadal, I.
Lúðvík Kristjánsson: Úr heimsborg í
Grjótaþorp.
Augustínus: Játningar.
Þorbjörn Björnsson: Að kveldi.
Buck, Frank: Á villidýraveiðum.
Vilhjálmur Stefánsson: Hetjur og landa-
fundir.
Jón Helgason: Islenzkt mannlíf, IV.
Sigurður A. Magnússon: Við elda Indlands.
Jónas Guðmundsson: Sextíu ár á sjó.
Valtýr Stefánsson: Með Valtý Stefánssyni.
Bækur uni ýmislcgt:
Ævar Kvaran: Fólk og forlög.
Árni Óla: Þúsund ára sveitaþorp.
Kristján Eldjárn: Hundrað ár í Þjóðminja-
safni.
Rasmussen, A. H.: Söngur hafsins.
Breinholst, Willy: Vandinn að vera pabbi.
Jóhann Sveinsson: Vísnasafn, I—II.
Bifreiðastöð
Keflavíkur.

[
FAXI — 207