Straumar - 01.08.1927, Qupperneq 9

STRAUMAR
119
virðist hafa sagt Jesú elzta soninn fæddan í hjónabandi
þeirra Maríu og Jósefs. Þa.mig bendi ýmislegt til þess,
að upphaflega hafi verið litið svo á í kristinni, að Jesús
hafl verið getinn og fæddur með venjulegum, eðlilegum
hætti.
Nú sýni kirkjusagan oss, að þessi skilningurinn („get-
inn af heilögum anda“) á guðssonarheitinu hafi orðið of-
an á í kirkjunni og komist inn í trúarjátninguna. Upp-
haflega hafi hann verið andstæður fortilveru-kenningunni,
en síðar einmitt runnið saman við hana. Til þess að hinn
guðdómlegi andinn, hin himneska veran, saurgaðist ekki
af líkamanum, hafi menn haldið, að sá líkami hlyti að
hafa verið orðinn til með yfirnáttúrlegum hætti.
I augum nútíðarmanna sé sérhver barnsfæðing und-
ursamleg og þau lögmál dásamleg, sem ráða þróun fóst-
ursins. „Þurfti Guð að rjúfa þau lög til þess að láta Jesú
fæðast inn í mannheiminn?u
Ekki kvaðst hann sjálfur neita meyjarl'æðingunni;
hún væri hugsanleg. En sammála væri hann þeim biblíu-
fræðingum, er teldu langsennilegast, að höfundar N. tm.
hafi talið Jesú vera Jósefsson. Vísaði hann til skoðana
þeirra, er hann hefði sett fram í þessum efnum í 4 prent-
uðum ræðum. Þær skoðanir sínar væru enn óbreyttar.
Hann kvaðst aðliyllast þriðja skilninginn, trúa því
með Páli og Jóhannesi, að Jesús hafi átt fortilveru, að
hann hann hafi komið úr guðlegri dýrð, oss til hjálpár
og frelsunar.
En það kvað hann mikinn misskilning að halda, að
trúna á fortilveru Jesú hafi hann (H. N.) fengið frá guð-
spekingum eða spíritistum, eins og höf. ritlingsins „Dæma-
laus kirkjau fullyrðir. Nei, hana hefði hann frá N. tm. og
frá trúfræðiskennara sínum við Kaupmannahafnar-háskóla,
Peder Madsen (þá prófessor, síðar Sjálandsbiskup). Það
tók hann fram, að sér fyndist fjórði skilningurinn (getinn
af heilögum anda) geta samrýmst honum, ef sú kenning
væri ekki gerð of efnishyggjukend. En sú kenning hlyti
alt af að vera auka-atriði í kristindóminum og snerti ekki
meginkjarna vorrar kristnu trúar.