Starfsmannablað Reykjavíkur - 01.07.1938, Page 21

STARFSMANNABLAÐ REYKJAVlKUR
13
Sta rfsmannafélagið.
Þœttir um stofnun þess og starf.
Eftir Ágúst Jósefsson.
Mér þykir hlýða, að í fyrsta blaði
félagsins sé að nokkru minnst aðdrag-
andans að stofnun þess. Mörg félög
harma það mjög, að engar skriflegar
upplýsingar liggja fyrir frá stofnendum
þeirra, og ekki eftir þeim leitað meðan
þeir menn voru enn á lífi, sem frá þessu
gátu sagt.
Á árunum 1920—1925 barst það oft
í tal meðal fastra starfsmanna bæjar-
ins, að stofna félag, svo mönnum gæfist
færi á að kynnast hvor öðrum og ræða
áhugamál sín. Ég átti tal um þetta við
ýmsa menn, en undirtektir voru mjög
á reiki, og töldu sumir slíkt óþarfiegt,
en aðrir sögðust mundu verða með, ef
hafizt yrði handa um félagsstofnunina.
Fáir voru þá ákveðnir fylgjendur þess-
arar hugmyndar, en þó nógu margir til
þess, að málið hélzt vakandi. Við Erling-
ur Pálsson, Jón Egilsson í Gasstöðinni
og Karl Ó. Bjarnason brunavörður átt-
um oft tal um þetta mál, en ekki varð
þó neitt úr framkvæmdum fyrr en á
síðari hluta ársins 1925. Hafði nokkru
áður komið til tals meðal lögregluþjóna
að stofna félag (stéttarfélag), til þess
að reyna að fá bætt launakjör sín, og
einkanlega að fá komið á föstu skipu-
lagi um eftirlaun lögreglumanna, sem
létu af störfum fyrir aldurs sakir. Eng-
ar reglur voru til um greiðslur eftir-
launa, en þau veitt af náð bæjarstjórnar
í hvert sinn. Bæjarfulltrúar voru líka
raunar óánægðir með þetta fyrirkomu-
lag, en þó var engin breyting á þessu
gerð fyrr en Starfsmannafélagið tók
málið til meðferðar, eins og síðar segir.
Ekki varð þó neitt úr þessari félags-
stofnun lögregluþjónanna, og mun það
hafa valdið, að þeir hafi hallazt fremur
að skoðun Erlings og okkar hinna, að
félagsskapur allra starfsmanna bæjar-
ins myndi verða áhrifameiri í samning-
um við borgarstjóra og bæjarstjórn.
I ársbyrjun 1920 gekk í gildi sam-
þykkt bæjarstjórnar um laun starfs-
manna bæjarins, og er sú samþykkt enn
í gildi, þótt lítt hafi verið eftir henni
farið hin síðustu ár. En margir voru
þá þegar óánægðir með samþykktina af
ýmsum ástæðurn, en einkanlega flokka-
skipun og launakjör.
Snemma í nóvember 1925 hittumst
við Erlingur á götu og ræddum enn um
félagsstofnunina. Ákváðum við þá að
hef jast handa í málinu, og komum okk-
ur saman um, að hvor um sig skyldi
tala við tilnefnda menn af starfsmanna-
liði bæjarins um félagssamtökin.
Að lokinni þessari rannsókn var svo
loks hafizt handa um að boða fund með
þeim mönnum, sem við töldum fullkom-
lega hlynnta félagsstofnuninni, og var
sá fundur haldinn í Iðnó, uppi, og