Jazzblaðið - 01.02.1948, Qupperneq 6

buðu þeir honum svo til Englands og fór
hann í sumarfríinu sínu. Hlustaði hann
þá á enskar hljómsveitir eins og tækifæri
gafst til og heyrði og sá hljómsveit Ted
Heath, sem er sú bezta þar.
Björn hlustar talsvert á plötur og af
amerískum trombónleikurum var hann
hrifnastur af Lou McGarrity en núna er
það Bill Harris, sem er af nýja skólan-
um. Stan Kenton er uppáhalds hljómsveit-
in hans, einnig er hann hrifinn af Elling-
ton, Basie, Goodman og Glenn heitnum
Miller.
Fyrir rúmum tveim árum stofnaði Björn
danshljómsveit, en hann hafði þá í dálít-
inn tíma fengist við að leika jazzmúsik.
Meðlimir hennar voru Haraldur Guðmunds-
son trompet, Gunnar Egils klarinett, Axel
Kristjánsson guitar, Guðmundur bróðir
Björns með trommur og að lokum Árni
ísleifs píanó. Hljómsveitin hefur ekkert
breyzt að undanskildu píanóleikarasætinu,
en þar hefur Björn verið hálf óheppinn
með menn.
Árni var í hljómsveitinni í ár og hætti
svo, þá tók við Carl Billich og svo Árni
Björnsson í smátíma, síðan Kristján Magn-
ússon og er hann nýhættur, en við tók
ungur og efnilegur píanóleikari að nafni
Árni Elvar.
Klarinettleikarinn Gunnar Egils hefur
ekki leikið með hljómsveitinni síðan í ágúst
í fyrra, er hann fór til tónlistanáms í
U.S.A. Hans er von bráðlega og mun hann
Æft undir
berum himni
taka sitt gamla sæti í hljómsveitinni. Þeir
félagar byrjuðu fyrst að leika í Lista-
mannaskálanum, en fóru þaðan í Breið-
firðingabúð, þar sem þeir eru enn. Fyrst
framan af lögðu þeir mesta áherzlu á að
leika léttan Dixieland stíl, en hafa nú
mikið til lagt hann niður og leika nú mest-
megnis útsetta músik, þar sem meira kem-
ur fram geta hljómsveitarinnar í heild
heldur en einstakra sólóista. „Þetta verður
samt aldrei verulega gott“, segir Björn,
„fyrr en við getum bætt við kontrabassa
og tenór-saxafón, en því miður er skemmt-
analífið hér í bæ ekki nógu almennt til
þess að stórar hljómsveitir beri sig, en von-
andi er að úr þessu rætist á næstu árum,
því alltaf er jazzáhuginn að aukast hjá
fólki“.
Björn hefur gert sér far um að taka til
greina skoðanir hinna meðlima hljómsveit-
arinnar, um hitt og þetta henni viðvíkj-
andi, jafnt sem sínar eigin og hefur þar
með lagt grundvöllinn að góðu samstarfi
innan hljómsveitarinnar, sem er ein af
höfuð ástæðunum fyrir hversu
góð hún er.
Síðasta árið hefur Björn sung-
ið með hljómsveitinni og hefur
því verið tekið alveg sérstak-
lega vel, og hefur hann þar eins
og í hljómsveitarstjórastöðunni
unnið hjörtu manna með hinni
látlausu framkomu sinni og
háttprýði. — H. S.
6 JazztUiÍ
Sundmaðurinn Björn