Musica - 01.04.1948, Page 5

bætandi áhrif á músíkkennslu hér í framtíðinni. Enn
fremur er í hyggju að hafa þyngra nám og sérstök
próf, heldur en tíðkazt hefur hingað til, fyrir þá, sem
ástæður hafa til að stunda tónlistarnám eingöngu, og
er það mjög ákjósanlegt, því hér ber á miklum og
prýðilegum tónlistabhæfileikum, sem ekki geta fengið
að njóta sín til fullnustu, sökum þess að viðkomandi
persónur þurfa að sinna öðrum störfum samtímis.“
„Hvað er helzta og þýðingarmesta málið á íslenzk-
um tónlistarvettvangi núna?“
„Það er stofnun fyrsta flokks sinfóníuhljómsveitar.
Eins og minnzt hefur verið á í dagblöðum bæjarins
nýlega, hefur mál þetta verið rætt á Alþingi og hefur
fengið ágætar undirtektir. Ætlunin er, að þetta verði
50 manna hljómsveit, en það er minnsta stærð af
fyrsta flokks sinfóníuhljómsveitum, og er þá farið
eftir heimsmælikvarða. I henni verða margir af kenn-
urum Tónlistarskólans auk annarra tónlistarmanna.
En það verður nauðsynlegt að fá nokkra erlenda tón-
listarmenn til viðbótar. Slíkt tíðkast alls staðar meðal
menningar- og músíkþjóða, og er ekkert sérstakt
fyrirbrigði hér. Einnig verður þörf á að fá nokkur
hljóðfæri erlendis frá til viðbótar, 'því að, sem eðlilegt
er, þá höfum við ekki hljóðfærasafn fyrir heila sin-
fóníuhljómsveit, þar eð slíkt hefur verið óþarft til
þessa.“
„Þá fyrst, er við höfum fengið slíka hljómsveit, get-
um við farið að flytja öll stórverk meistaranna á sóma-
samlegan hátt, og með því skapast möguleiki til að
vekja betur eftirtekt fólks á æðri tónlist og þroska
smekk þess. Hér hefur það ekki átt kost á að hlusta
á æðri tónlist flutta af fyrsta flokks sinfóníuhljóm-
sveit, nema í útvarpi, og ef til vill kvikmyndum, en
þá er hætt við, að eftirtekt manna sé ekki ajvinlega
eins óskipt og í persónulegri návist hljómsveitar á
hljómleikum."
„Hljómsveit þessi verður auk þess skipuð tónlistar-
mönnum, sem ekki munu stunda aðra atvinnu og
geta þá helgað sig tónlistinni og hljómsveitaræfingum
algerlega, og nær þá staffið tilætluðum árangri."
„Sennilega munu menn finna, hve klassíska tón-
listin verður meira lifandi, þegar hún er flutt af slíkri
hljómsveit í persónulegri návist áheyrenda, og er þá
ekki ólíklegt, að smekkur fólks og mat þess á klass-
ískri músík taki breytingum til batnaðar. Vonandi
mun ekki líða á löngu, þar til við Islendingar eigum
kost á þess konar tónlistartúikun á svipaðan hátt og
aðrar menningarþjóðir.“
„Að lokum, Páll, getur ekki starfsemi slíkrar hljóm-
sveitar haft áhrif á tónsmíð hér á landi ?“
Henry Holsfr
kemur fril Íslands
Henry Holst, hinn frægi danski fiðlusnillingur, hef-
ur verið ráðinn hingað í hljómleikaför á vegum Tón-
listarfélagsins.
Er koma Holst til Islands mikiil fengur íslenzkum
hljómlistarunnendum og á Tónlistarfélagið þakkir
skilið fyrir ráðninguna.
Henry Holst fæddist í Sæby í Danmörku 25. júlí
1899 og byrjaði fiðlunám 6 ára gamall hjá fiðlukenn-
ara þorpsins. Er hann hafði verið hjá honum um
tíma, fór hann til hins þekkta fiðlukennara frú Bundt-
gaard-Jensen, og varð hann að fara /2 tíma járnbraut-
arferð til að komast í tíma.
Er Holst var 13 ára, varð hann fyrir því happi, að
Peder Möller, 'fiðlusnillingurinn frægi, heyrði hann
leika.
Möller varð stórhrifinn af leik Holsts og tók að sér
að kenna honum, og hafði Holst mikið gagn af veru
sinni hjá honum, þó hún yrði skömm, þar eð Möller
fékk taugaáfall og lézt af völdum þess skömmu síðar.
En hann varð skömmu síðar svo heppirin að kom-
ast á Tónlistarskólann og fékk að stunda þar nám sér
að kostnaðarlausu. Lauk hann þaðan prófi árið 1917.
Nú hefði hann getað hafið kennslu í heimabæ
sínum og fengið stöðu við hljómsveitina þar, en það
var ekki ætlun hans. Vonir hans stóðu miklu hærra.
Heppnin, er hingað til hafði fylgt honum, kom aft-
ur til skjalanna, er Emil Telmanyi hlustaði á leik
hans. Telmanyi varð stórhrifinn og bauð Holst að
taka að sér kennslu hans.
Eftir eins árs nám hjá Telmanyi hélt Holst fyrsta
hljómleik sinn og fékk rnjög góða dóma, einnig fékk
hann styrk til framhaldsnáms erlendis, og eftir enn
(Frh. á bls. 8.)
„Jú, vissulega. Það eru einmitt miklar líkur fyrir
því, að starf hljómsveitarinnar geti haft uppörvandi
áhrif á tónskáld okkar og það gæti orðið mikilvægt
fyrir músík- og menningarlíf þjóðarinnar innan lands
og utan.“
A. K.
MUSICA 5