Útvarpsblaðið - 03.06.1951, Page 3
Sjómanna-
dagurinn
3» r r
. )um
Sjómannadagurinn, sA fjórtándi í röðinni,
verður haldinn hátíðlegur í Reykjavík og í
kaupstöðum og sjávarþorpum víðsvegar um
land, sunnudaginn 3. júní. í Reykjavík verða
hátíðahöldin með líku sniði og síðastliðin
ár; kl. 14 hefst minningarathöfn við Austur-
völl, þar sem biskupinn yfir íslandi flytur
minningarorð um látna sjómenn, en síðan
hefjast ávörp siglingamálaráðherra og full-
trúa sjómanna, en að því búnu afhendir for-
maður sjómannadagsráðs verðlaun sjó-
mannadagsins; lúðrasveit leikur milli atriða
og að lokum verður þjóðsöngurinn leikinn.
Kvölddagskrá útvarpsins verður helguð sjó-
mannadeginum, og verður þar meðal annars
flutt erindi um dvalarlieimili aldraðra sjó-
manna. '
Árið 1939 var ákveðið að tekjum af hátíða-
höldum sjómannadagsins hér skyldi varið til
byggingar dvalarheimilis fyrir aldraða sjó-
menn og nemur byggingarsjóður nú hálfri
þriðju milljón króna. Þá hefur og dvalar-
heimilinu verið valinn staður, norðvestan í
Laugarásnum í Langholti. Er þaðan víðsýnt
mjög, sézt vestur yfir höfnina, út á
flóann, yfir Kollafjörð og Sund.
Myndirnar eru frá hátíðahöldum
sjómannadagsins í Reykjavík. Á efri
myndinni getur að líta stakkasunds-
menn, en á þeirri neðri sést Henry
Hálfdánarson, sem verið hefur for-
maður sjómannadagsráðs frá byrjun
afhenda konu lifrarbræðslumanns
verðlaunabikar, sem maður hennar
hefur hlotið fyrir bezta hagnýtingu
lifrar,
ÚTVARPSBLABH)
3