Morgunblaðið - 04.01.2009, Qupperneq 22

22|Morgunblaðið
Eftir Maríu Ólafsdóttur
maria@mbl.is
Námskeiðið er hannað afsálfræðingunum oghjónunum John og JulieGottman sem eru í for-
ystusveit á heimsvísu í rannsóknum
á hjónabandinu, parasamböndum og
fjölskyldunni. Það er byggt á traust-
um vísindalegum grunni þar sem
tveim þriðju námskeiðsins er beint
að parsambandinu og einum þriðja
að þroska barnsins. Námskeiðið
skiptist í nokkra hluta; að verða for-
eldrar, látum töfrana haldast, að
hafa stjórn á streitu og ágreiningi,
börn og foreldar, viðkvæmt sam-
band, tilfinningaleg samskipti og
börn og loks að skapa sameiginlega
arfleifð fjölskyldunnar,“ segir Ólafur
Grétar Gunnarsson fjölskylduráð-
gjafi sem heldur námskeiðið ásamt
kollega sínum, Bjarna Þórarinssyni.
Efling á foreldrahæfni
Samkvæmt upplýsingum frá Hag-
stofu Íslands eru sambandsslit á Ís-
landi flest á fyrstu árunum eftir
barnsburð og ná hámarki um eins
árs aldur barnsins. Í aðgerð-
aráætlun ríkisstjórnarinnar til að
styrkja stöðu barna og ungmenna
kemur fram að foreldrahæfni-
fræðsla ætti að vera almenn og til-
tæk foreldrum, ekki síst þeim sem
eru að eignast sitt fyrsta barn. Fyrir
það fólk ætti að halda slíkt námskeið
án endurgjalds og miða það að þörf-
um feðra. „Það má segja að nám-
skeiðið sé merkilegt fyrir þær sakir
að vera unnið út frá þörfum beggja í
sambandinu. Einnig er lögð áhersla
á parasambandið að miklu leyti því
það er vitað að foreldrar baða börnin
sín upp úr því hvernig þeim líður
saman,“ segir Ólafur Grétar. Í ár eru
100 ár síðan byrjað var að halda for-
eldrafærninámskeið á Vest-
urlöndum en þau hófust fyrst hjá
Rauða krossinum í Bandaríkjunum.
Eins og tíðarandinn var þá voru
námskeiðin aðeins ætluð mæðrum
en í dag kveður við annan tón enda
auknar kröfur gerðar til feðra.
Upphafið mikilvægast
Rannsóknir hafa sýnt að bæði feð-
ur og mæður sem hafa tekið þátt í
námskeiðinu hafa öðlast meira
innsæi í umönnun barna sinna og að
feður finna sig betur í föðurhlutverk-
inu í frumbernsku. Slíkt þýðir meiri
ánægju í parasambandinu sem leiðir
af sér færri tilfelli fæðingarþung-
lyndis hjá móður og föður, auk þess
sem það hefur sýnt sig að við þriggja
mánaða aldur brosa börn foreldra
sem tóku þátt meira en önnur og
sýndu við 12 mánaða aldur minni
streitu, til dæmis við að ná ekki í
leikfang sem er innan seilingar.
Höfundar námskeiðsins telja að
mestu sé hægt að koma til leiðar í
fjölskyldum í upphafi foreldra-
hlutverksins og að grunnurinn að því
hvernig okkur líði og stöndum okkur
í foreldrahlutverkinu sé lagður á
fyrstu árum barnsins.
Kærleikskort
„Í hverjum tíma eru gerðar þrjár
eða fjórar æfingar þar sem parið
snýr sér hvort að öðru og spyr
spurninga sem það hefur ekki spurt
hvort annað áður. Þetta hjálpar
þeim til að búa til ástar- eða
kærleikskort hvort af öðru en rann-
sóknir hafa sýnt að það sem býr til
nánd er að vita sem mest um maka
þinn. „Foreldrarnir eru á öllum aldri
og ekkert sem ég hef gert áður hefur
verið jafnánægjulegt því pörin mæta
svo ákveðin og ekki er óalgengt að
þau séu að fikta í hárinu hvort á öðru
meðan þau gera æfingarnar og leið-
ast síðan heim. Eftir hvern tíma
leggjum við mat á árangurinn og
hefur komið í ljós að pörunum finnst
það sem þau læra nýtast vel,“ segir
Ólafur Grétar.
Notaleg kvöldmatarstund
Það er forvarnar- og framfara-
sjóður Reykjavíkurborgar sem
styrkir námskeiðin. Þess má geta að
VR hefur tekið þátt í undirbúnings-
kostnaði verkefnsins og styrkir það
enn. Námskeiðið er einnig haldið á
vegum Kópavogsbæjar og mun á
nýju ári einnig verða haldið í fleiri
sveitarfélögum svo sem Reykja-
nesbæ. Þá hafa fyrirtækin Maður lif-
andi, Krúska, Á næstu grösum og
Móðir náttúra lagt sitt af mörkum
og séð um kvöldmat sem foreldr-
arnar gæða sér á að námskeiði
loknu. Fyrirtæki Ólafs og Bjarna,
ÓB Ráðgjöf sér um framkvæmd
námskeiðsins og má nálgast allar
frekari upplýsingar á samnefndri
heimasíðu þess.
Samband foreldra mikilvægast
Sonja Þórey Þórsdóttir og Jóhann
Guðbjargarson eiga von á sínu
fyrsta barni í maí. Þeim hefur líkað
vel á námskeiðinu og segja það hafa
vakið sig til umhugsunar um margt
og skerpt á þeim hlutum sem þau
hafi vitað fyrir. Jóhann segir til
dæmis rætt um hvað pabbarnir séu
mikilvægir í uppeldinu og komið inn
á hvað væri mikilvægasta sam-
bandið á heimilinu, á milli móður og
barns, föður og barns eða foreldra.
Þar hefði mátt halda að samband
móður og barns væri mikilvægast en
það sé í raun foreldrasambandið þar
sem foreldrarnir eru fyrir framan
barnið allan tímann.
Börnin næm fyrir rifrildi
Elísabet Björgvinsdóttir og Davíð
Hansson eignuðust sitt fyrsta barn,
soninn Bjarka Frey, fyrir sjö mán-
uðum. Þau segja að áhugavert hafi
verið að fræðast um að besta gjöfin
sem þau geti gefið barninu sé að þau
séu ánægð saman. Komi það fyrir að
þau rífist fyrir framan barnið sé
einnig mjög mikilvægt að sættast
fyrir framan það þar sem börnin séu
næm fyrir slíku og geti annars setið
eftir með vondar tilfinningar. Þau
telja að námskeiðið geti gagnast öll-
um, þó sérstaklega foreldrum með
sitt fyrsta barn þar sem fyrstu tvö
árin geti oft verið mjög erfið þó þau
séu um leið mjög skemmtileg.
Morgunblaðið/Kristinn
Leiðbeinendur Ólafur Grétar ásamt samleiðbeinanda sínum, Bjarna Þórarinssyni.
Verðandi foreldrar Sonja Þórey Þórsdóttir og Jóhann Guðbjargarson eiga
von á sínu fyrsta barni í maí og þeim hefur líkað vel á námskeiðinu.
Hamingja foreldr-
anna mikilvægust
Barnið komið heim er námskeið ætlað til að búa verðandi og nýbak-
aða foreldra undir það mikilvæga verkefni að ala upp barn. Á nám-
skeiðinu er lögð áhersla á leiðir til að efla og viðhalda parasamband-
inu samhliða foreldrahlutverkinu.
Áhugaverð fræðsla Elísabet Björgvinsdóttir og Davíð Hansson með son-
inn Bjarka Frey en þeim fannst námskeiðið gagnlegt.
Original Arctic Root
Ein vinsælasta lækningajurt heims
Original Arctic Root öðru nafni Burnirót er ein vinsælasta lækningajurtin í
heiminum í dag. Klínískar rannsóknir hafa leitt í ljós að hún eflir einbeitingu,
úthald og vinnur gegn streitu og álagi.
Vinnur gegn streitu og álagi
Original Arctic Root er fljótverkandi og þeir sem nota hana finna jákvæða
breytingu á einbeitingu og úthaldi á skömmum tíma. Original Arctic Root hefur
svo sannarlega slegið í gegn á Íslandi og nýtur nú mikilla vinsælda.
Fæst í apótekum og heilsubúðum.
Heilsuvara ársins
í Svíþjóð
2003, 2004 og 2005