Morgunblaðið - 06.03.2009, Blaðsíða 23

Fermingar 23
Eftir Maríu Ólafsdóttur
maria@mbl.is
É
g fermdist hinn 5. apríl og dag-
urinn var náttúrlega hátíðlegur
og einstaklega skemmtilegur þótt
maður hafi nú kannski ekkert
verið sérlega móttækilegur á
þessum aldri. Alls hef ég verið prestur í 36
ár, þar af þrjú ár hér í Hallgrímskirkju í
Reykjavík, og hef fermt allmörg börn í
gegnum tíðina. Fyrstu þrjú árin var ég
sóknarprestur á Siglufirði þar sem voru 50
börn í árganginum sem öll fermdust og síð-
an í Mosfellssveitinni þar sem var mikill og
blómlegur barnafjöldi. Það hefur verið
gaman að vera á hinum ýmsu stöðum en
börnin eru náttúrlega alltaf eins og ung-
lingar í raun mjög skemmtilegur hópur.
Þótt þeir séu stundum erfiðir þá er það
mjög ögrandi verkefni að vinna með ung-
lingum og heldur manni sjálfum ungum,“
segir Birgir.
Opin, leitandi og gagnrýnin
Birgir segir langbest að nálgast börnin
sem félaga sína og með því að brjóta námið
upp með ferðalögum sé hægt að spjalla við
unglingana á þeirra grundvelli og þannig
komist á nýtt samband við þá. „Þetta sam-
band þróast síðan lengi og oft hitti ég full-
orðið fólk sem minnir á fermingarárið sitt
og er gaman að því. Gegnumsneitt þá
gengur fermingarfræðslan vel og krakk-
arnir eru opin, forvitin, gagnrýnin og leit-
andi. Þau vita að þau geta hætt hvenær
sem er og ákveðið hvort þau fermist eða
ekki. Fræðslan gengur út á það að veita
þeim upplýsingar um trúna, hvað það þýðir
að vera skírður og fermdur og gefa þeim
yfirsýn í þennan heim trúarinnar sem er
ekki bara eitthvað uppi í himninum heldur
mjög jarðneskt í rauninni,“ segir Birgir.
Gegna hlutverki í messu
Auk þess að fræða fermingarbörnin um
trúna er reynt að hafa fræðsluna þver-
skurð af þeim vandamálum og gleðistund-
um sem tengjast lífinu almennt, fjölskyldu
og vinahópnum. Þá segir Birgir börn í dag
mjög opin fyrir því sjónræna og þannig sé
reynt að brjóta fræðsluna upp með því til
dæmis að sýna kvikmynd og notast við
powerpoint-glærur. Þá er hópnum kynnt
helgihaldið en Birgir segir að hann hafi
aldrei sett tölu um það hversu oft krakk-
arnir ættu að mæta í messu. Samkomulag
hafi orðið um það í Hallgrímskirkju að
krakkarnir kæmu eins oft og þau vildu og
gætu en þau eru hins vegar látin hafa verk-
efni sem hvetja þau til þess að koma. Þau
taka þá að sér hlutverk messuþjóns sem
felur í sér að vera í móttöku, flytja almenna
kirkjubæn, lesa texta og svo framvegis.
Fermingarfræðslan í Hallgrímskirkju fer
fram allan veturinn einu sinni í viku auk
þess sem hist er nokkrum sinnum á svo-
kölluðum löngum laugardögum.
Jafnvægi og aðhald
„Mér finnst börn í dag vera orðin djarf-
ari að spyrja heldur en var og það er
skemmtilegt. Við höfum hvatt krakkana til
að spyrja og mér þótti það skemmtilegt um
daginn að einni stúlkunni var mikið niðri
fyrir og fór að spyrja en ég að svara. Þá
segir einn strákanna, þar sem hún var dá-
lítið áköf: „Hvað er þetta manneskja, hann
er að svara þér, láttu ekki svona.“ En þá
segir hún: „Já, en hann leyfir mér að
spyrja,“ og það fannst mér fínt. Tíminn
byrjar á því að þau fá djús og kex á meðan
þau tínast inn og tíminn byrjar á almennu
spjalli sem er góður aðdragandi og þau eru
farin að tala við okkur eins og einn úr fjöl-
skyldunni. Við prestarnir í Hallgríms-
kirkju reynum alltaf að vera tveir eða tvö
með þau, sem skapar ákveðið jafnvægi og
aðhald enda er skemmtilegra að kenna
þegar vel gengur að halda utan um hóp-
inn,“ segir Birgir.
Fræðsla á netinu
Um tíma starfaði Birgir sem prestur í
Danmörku og Svíþjóð þar sem hann sinnti
Íslendingum búsettum þar. Hann segir
námsmenn oft hafa þann háttinn á að börn
þeirra gangi til spurninga hjá prestinum á
staðnum, íslenskum sé hann til staðar en
annars þeim presti sem sér um sóknina, og
síðan fermist börnin heima á Íslandi. „Fyr-
ir einum tíu árum hafði ég líka barn til
spurninga á netinu en stúlkan bjó úti á Jót-
landi og við bara skrifuðumst á. Það var
gaman að geta nýtt tæknina á þennan
hátt,“ segir Birgir.
Trúin, lífið og tilveran
Í Hallgrímskirkju fermast í ár
23 börn sem nú mæta viku-
lega í fermingarfræðslu þar
sem þau læra um trúna og
rabba við prestana um lífið
og tilveruna. Birgir Ásgeirs-
son prestur segir ögrandi en
skemmtilegt að vinna með
unglingum.
Morgunblaðið/Ómar
Opin og gagnrýnin Birgir segir langbest að nálgast börnin sem félaga sína.
Ferðaævintýri
í fermingargjöf
HOLTAGÖRÐUM GLÆSIBÆ KRINGLUNNI SMÁRALIND SÍMI 545 1500
Mikið úrval af svefnpokum
Verð frá 9.990 kr.
Landsins mesta úrval af bakpokum
Dagpokar
Verð frá 5.990 kr.
Stærri bakpokar
Verð frá 12.990 kr.
Tjöld
Verð frá 8.990 kr.
Sjónaukar, göngustafir, áttavitar
og margt fleira
ÍS
L
E
N
S
K
A
/S
IA
.I
S
/U
T
I
45
41
5
03
/0
9