Morgunblaðið - 06.03.2009, Síða 35

Fermingar 35
Eftir Svanhvíti Ljósbjörgu
svanhvit@mbl.is
Þ
að eru um 275 börn sem fermast
í Grafarvogssókn í ár. Síðastliðin
20 ár hafa því alls 4.149 börn
fermst í Grafarvogssókn en
sóknin á einmitt 20 ára afmæli
um þessar mundir. Séra Vigfús Þór Árna-
son, sóknarprestur í Grafarvogskirkju,
segir að það hafi ansi margt breyst á þess-
um 20 árum. „Þegar við byrjuðum starfið
var bara einn prestur hér. Þá voru rúmlega
3.000 manns í sókninni og þeim hefur fjölg-
að um 100 sóknarbörn hvern einasta mán-
uð í 19 ár þannig að þau eru að nálgast tutt-
ugu þúsund. Núna erum við fjórir prestar
sem störfum við sóknina og hver prestur
tekur þrjá til fjóra bekki í ferming-
arfræðslu. Ég kenni svo öllum bekkjum
eitthvað svo þau finni glöggt að þetta er ein
kirkja og ein sókn.“
Stór sókn
Vigfús talar um að það sé mjög ánægju-
legt að vera með svona stóra sókn. „Starfið
verður óneitanlega mjög fjölþætt. Það sem
er skemmtilegt við þessa sókn er að fjórir
prestar fá að vinna saman. Þetta er því
teymisvinna sem er einmitt svo vinsæl í
dag,“ segir Vigfús og hlær. „Það eru mikil
forréttindi að fá að vera í svona hópvinnu
og starfa með öðrum prestum sem og öðru
starfsfólki hér. En þótt það séu svona
mörg börn að fermast í Grafarvogssókn þá
fer fermingarfræðslan mjög svipað fram.
Þetta er því bara eins og hjá öðrum nema
fleiri bekkir, fleiri tímar og fleiri prestar en
kennslan er sams konar. Hvert barn fer
því í fræðslu með sínum bekkjarfélögum.“
Ekki gjafanna vegna
Vigfús viðurkennir að honum finnist allt-
af sem fermingarbörnin séu áfram ferm-
ingarbörnin hans, þótt þetta sé jafnvel orð-
ið gift fólk og komið á fimmtugsaldur. „Svo
eru fermingarbörn í dag betur að sér um
allt en þegar ég fermdist. Það gerir nátt-
úrlega sjónvarpið, netið og öll fjölmiðlun.
Að sama skapi eru þau miklu þroskaðri og
þau kunna til að mynda ekki að meta þegar
talað er um að þau fermist bara vegna gjaf-
anna enda leggja þau mikla vinnu á sig.
Fermingarfræðslan hefst í ágúst og stend-
ur alveg fram í apríl. Þau fara til dæmis í
Vatnaskóg í þrjá daga í námsferð og svo
þurfa þau að taka lokapróf. Ef þau standa
sig ekki þar fá þau aukatíma,“ segir Vigfús
sem fermir fyrsta hópinn hinn 15. mars.
Morgunblaðið/Árni Sæberg
Fjölmenn sókn Hér má sjá hluta af þeim 275 börnum sem fermast í Grafarvogskirkju í ár ásamt prestum sóknarinnar.
Sr. Vigfús Þór Árnason: „Svo eru ferm-
ingarbörn í dag betur að sér um allt en
þegar ég fermdist.“
Fróðleiksfús fermingarbörn
Grafarvogssókn er tuttugu ára í ár en þar hafa 4.149 börn
fermst undanfarin 20 ár. Séra Vigfúsi Þór Árnasyni finnst allt-
af sem fermingarbörnin séu áfram fermingarbörnin hans,
þótt þetta sé jafnvel orðið gift fólk og komið á fimmtugsaldur.
É
g get varla sagt
að ég hafi verið
mjög ánægð
með ferming-
armyndina mína en ég
hef aldrei alveg gert
mér grein fyrir hvort
það hafi verið ljós-
myndarinn, múnder-
ingin eða þessi trega-
fulli svipur sem ég
þurfti að setja upp. Ég
var nefnilega með teina
á þessum tíma og ljós-
myndarinn tók það ekki
í mál að ég brosti, mátti
ekki einu sinni hugsa
um eitthvað skemmti-
legt. Þannig að þarna er
kominn hinn harmræni ung-
lingur í sinni tærustu mynd
sem ég var nú samt ekki því ég fékk aldrei
unglingaveikina. Fyrir fermingardaginn
fékk ég þetta fína fermingardress, treyju
og mínípils í hvítu með svörtu lakkbelti
við. Þvert yfir treyjuna stóð Japanese
ocean sem þótti mjög smart. Síðan var ég
með slaufu í hárinu en aðalmálið var að
hafa toppinn túperaðan,“ segir Margrét.
Mikill viðburður
Haldin var matarveisla
fyrir um 40 manns heima
hjá Margréti og var mat-
urinn pantaður en mamma
hennar var kasólétt á þess-
um tíma og lét þess vegna
vera að baka fyrir gestina
eins og hún gerði þegar hin
systkinin fermdust. Gjaf-
irnar, voru fermingarrúm
og náttborð og fleira gagnlegt
og gott en líka ljóðasafn með
ljóðum Steins Steinars sem sló í gegn hjá
Margréti. Hún lærði mörg ljóðanna utan
að og þetta hefur líklega verið dýrmæt-
asta gjöfin. Fermingarmyndin er ekki
höfð uppi á vegg heldur í albúmi niðri í
skúffu og stundum dregin fram þegar
maður vill hlæja eða gráta eins og Mar-
grét segir í léttum dúr.
Margrét Sigurðardóttir söng-
kona fermdist 12. apríl árið
1987, mitt í tísku níunda ára-
tugarins. Hún segir daginn
eftirminnilegan en ferming-
armyndin fær ekki að hanga
uppi á vegg.
Harmrænt hamingjubros
Tregafull Ljósmynd-
arinn vildi helst ekki
að Margrét brosti.
Ógleymanlegur Margrét á
góðar minningar frá ferm-
ingardeginum.
Pantaðu í síma5656000eða á www.somi.isFrí heimsending*
FERSKT
EINFALT&
ÞÆGILEGT
PANTAÐU SÓMAVEISLUBAKKA
*Frí heimsending gildir aðeins ef pantaðir eru 4 eða fleiri bakkar.