Morgunblaðið - 29.05.2009, Page 15

Fréttir 15INNLENT
MORGUNBLAÐIÐ FÖSTUDAGUR 29. MAÍ 2009
Eftir Ágúst Inga Jónsson
aij@mbl.is
MIKLAR skemmdir urðu á bryggjunni á
Gjögri í aftakaveðri í nóvember. Bryggjan er
flokkuð sem ferjubryggja og er á forræði
sveitarfélagsins Árneshrepps. Þetta fámenna
sveitarfélag á Ströndum hefur ekki bolmagn
til að gera við bryggjuna, sem skiptir hins
vegar miklu máli vegna öryggis íbúa og sæ-
farenda, auk þess sem trillukarlar hafa lagt
þar upp á sumrin.
Oddný Þórðardóttir oddviti segir að sveit-
arfélagið hafi sent neyðarsendingu á fjár-
laganefnd og óskað eftir fjármagni til að gera
við bryggjuna. Vilyrði hafi fengist fyrir 2,5
milljónum króna, en ljóst sé að það dugi eng-
an veginn fyrir viðgerðunum þó svo endanleg
kostnaðaráætlun liggi ekki fyrir.
Trillukarlar róa frá Gjögri
„Þetta er mikilvæg öryggishöfn fyrir okk-
ur,“ segir Oddný. „Ef hafís kemur að landi þá
fyllist Norðurfjörðurinn, en bátar kæmust
inn á Gjögur. Það skiptir líka máli fyrir fólkið
í Djúpuvík að hafa þessa höfn ef landleiðin
lokast í langan tíma. Þá hafa nokkrir trillu-
karlar gert út frá Gjögri á sumrin og einnig
stundað rauðmaga á vorin,“ segir Oddný.
Hún segir að Viðlagatrygging borgi ekki
tjónið eins og gert hefði verið ef tjón hefði
orðið á höfninni í Norðurfirði.
Garðar Jónsson, sem dvelur á hverju
sumri á Gjögri, segir að bátar geti ekki lagst
lengur að bryggjunni til að landa. Lönd-
unarkrani á bryggjuhausnum sé einskis nýt-
ur því skarð í bryggjuna skilur hann frá
landi.
Byrjar að hryggja frammi á firði
Garðar segir að veðrið sem skall á í nóv-
ember og olli tjóninu hafi verið mikill hvellur.
„Brimið hefði getað orðið enn meira og valdið
tjóni á húsum hér ef það hefði verið stór-
streymt,“ segir Garðar. „Hann var á norð-
austan og þá getur brimið komið vaðandi
hérna inn. Sver alda byrjar að hryggja
frammi á miðjum firði og veður síðan upp að
landinu,“ segir Garðar og leggur ríka áherslu
á að gert verði við bryggjuna.
Þess má geta að Gjögur er fornfræg veiði-
stöð við norðanvert mynni Reykjarfjarðar.
Hákarlaveiðar voru stundaðar frá Gjögri í
miklum mæli áður fyrr og þar voru fjölmarg-
ar verbúðir. Á 19. öld voru um tíma gerð út
18 skip samtímis frá Gjögri og voru 7-11
menn í hverri áhöfn.
Fyrri hluta 20. aldarinnar voru einnig tals-
verð umsvif á Gjögri en nú býr þar enginn
lengur allan ársins hring. Húsin á Gjögri eru
hins vegar öll nýtt á sumrin. Flugvöllur er á
Gjögri, en yfir hávetrartímann er flugið eina
samgönguæðin til og frá sveitinni. Flug-
félagið Ernir er með áætlæunarflug þangað.
Gjögurbryggja
tæpast nothæf
 Skemmdist í aftakaveðri í nóvember  Tjón
hefði orðið enn meira í stórstraumi  Mikilvæg
öryggishöfn fyrir Árneshrepp og viðgerð brýn
Ónýt Löndunarkraninn er til lítils gagns fremst á bryggjuhausnum og ekki greiðfært að honum.
Skammt frá flugvellinum á Gjögri, fyrir norðan
vitann á Gjögursnesi, þar sem heitir í Hákarla-
vogi, er jarðhiti og heitar uppsprettur í klett-
um við sjávarkambinn. Sannkölluð perla í
náttúrunni. Þar steyptu heimamenn vegg
landmegin við laugarnar og útbjuggu þannig
heitan pott sem talsvert hefur verið notaður.
Í briminu sem eyðilagði bryggjuna gaf þessi
steypti veggur eftir þannig að enginn er leng-
ur potturinn til að safna í heitu vatni. Til
stendur að endurgera pottinn í sumar og nota
þá járnbindingu í vegginn, en eitthvað mun
hafa skort á slíkt.
Heimamenn, sem dvelja á Gjögri á sumrin,
hafa beðið aðkomumenn að nota þessar laug-
ar ekki til baða og hafa bent á laugina í Kross-
nesi. Garðar Jónsson, sem dvalið hefur á
Gjögri á hverju sumri í 22 ár, segir að þessi
beiðni sé fram sett af illri nauðsyn, því um-
gengni hafi oft á tíðum verið mjög slæm.
„Þessi staður þarna við fjörusandinn er ein-
faldlega of fallegur og okkur of dýrmætur til
að fólk leyfi sér að ganga illa um hann. Auk
þess getur fólk farið sér að voða þarna því
laugin er 46 gráða heit á góðum degi. Meiri-
hluti fólksins er hins vegar til fyrirmyndar og
ekki ástæða til að amast við þessu ef allir
hegðuðu sér á þann hátt,“ segir Garðar.
Heiti potturinn eyðilagðist í briminu
Ljósmynd/Ólafur Thorarensen