Morgunblaðið - 18.06.2009, Blaðsíða 8

8 FréttirINNLENT
MORGUNBLAÐIÐ FIMMTUDAGUR 18. JÚNÍ 2009
Eftir Bergþóru Njálu Guðmundsdóttur
ben@mbl.is
SAMNINGAVIÐRÆÐUR vegna
reksturs Egilshallar eru nú á loka-
stigi en með nýjum leigusamningi
vonast borgin til að tryggja áfram-
haldandi íþróttastarfsemi og aðra
þjónustu í húsinu. Frágangur
bílastæðaplans við húsið er skilyrði
borgarinnar fyrir áframhaldandi
leigusamningi.
Viðræður um áframhaldandi leigu
borgarinnar á aðstöðu í Egilshöll
hafa staðið yfir í allan vetur en við-
semjendur hennar eru skiptaráðandi
Nýsis, Landsbankinn og íþrótta-
félagið Fjölnir. Markmiðið er að
tryggja áfram starfsemi í húsinu en
fram kom í svari sem lagt var fram í
umhverfis- og samgönguráði borgar-
innar í síðustu viku við fyrirspurn
Samfylkingar, að allra leiða hefði
verið „leitað til að koma í veg fyrir að
rekstur í húsinu stöðvaðist“.
Þetta staðfestir Kjartan Magnús-
son, formaður íþrótta- og tóm-
stundaráðs, sem er bjartsýnn á nið-
urstöður viðræðnanna fljótlega. „Við
vonumst til að hægt verði að nýta
höllina áfram í þágu íþróttastarfsemi
í Grafarvogi og annarra íþrótta-
félaga í borginni. Eins er önnur mik-
ilvæg starfsemi þarna, t.d. frístunda-
heimili fyrir fötluð börn á vegum
ÍTR. Okkar markmið er að tryggja
að það verði sem minnst rask á þess-
ari starfsemi.“
Hann segir borgina gera það að
kröfu í samningunum um að unnið
verði í lóð Egilshallar. „Það er eitt af
meginmarkmiðum okkar í þessum
málum að það verði sem fyrst gengið
frá henni þannig að til sóma sé.“ Sem
kunnugt er hefur lóðin staðið ófrá-
gengin í allan vetur og hefur verið
bent á slysahættu vegna þess.
Viðræður um rekstur á lokastigi
 Frágangur bílastæðaplans við höllina skilyrði fyrir áfram-
haldandi leigu borgarinnar á aðstöðu í íþróttahúsinu
Morgunblaðið/Eggert
Bílastæðin Ófrágengin lóðin við Egilshöll gæti skapað slysahættu en með
nýjum rekstarsamningi gerir borgin kröfu um að úr því verði bætt.
„VIÐ erum bara að reyna að gera þetta aðeins
huggulegra, við sjáum að þarna verður ekki
byggt í einhvern tíma og ákváðum því að laga
þetta til,“ segir Kolbrún Jónatansdóttir, fram-
kvæmdastjóri Bílastæðasjóðs. Framkvæmdir
hafa staðið yfir í vikunni á svæðinu þar sem áður
stóð til að reisa höfuðstöðvar Landsbankans.
Lóðin hefur verið notuð sem bílastæði og hefur
Bílastæðasjóður því tekið sig til og malbikað.
Óvíst er hversu lengi svæðið verður bílastæði
en að sögn Kolbrúnar munu framkvæmdirnar að
óbreyttu borga sig upp á sex árum.
Morgunblaðið/RAX
HUGGULEG BÍLASTÆÐI Í STAÐ HÖFUÐSTÖÐVA
FRÉTTASKÝRING
Eftir Bergþóru Njálu Guðmundsdóttur
ben@mbl.is
TAP Á REKSTRI sveitarfélaga á
landinu nam um 20 milljörðum króna
í fyrra skv. bráðabirgðaniðurstöðu
ársreikninga þeirra. Þetta er um 68
milljörðum verri afkoma en árið
2007. Við þetta bætist tap á rekstri
þeirra fyrirtækja sveitarfélaganna
sem rekin eru fyrir þjónustugjöld
(sk. B-hluta rekstursins) en þar nem-
ur tapið rúmum 92 milljörðum króna,
samanborið við 5 milljarða árið á
undan.
Tapið má að mestu leyti skýra með
stórauknum fjármagnsgjöldum
vegna erlendrar lántöku auk þess
sem tekjur hafa ekki haldið í við
verðbólgu. Er búist við enn meiri
tekjusamdrætti í ár vegna aukins at-
vinnuleysis og lægri framlaga úr
Jöfnunarsjóði sveitarfélaga.
Kristján Möller, ráðherra sveit-
arstjórnarmála, segir ríkisstjórnina
þegar hafa gripið til ýmissa ráða til
að styðja við bakið á sveitarfélög-
unum. „Sveitarfélögin hafa t.a.m.
fengið að hækka útsvarið og mörg
hafa nýtt sér það. Jafnframt tókst
okkur að tryggja eins milljarðs auka-
framlag í Jöfnunarsjóð, en sam-
komulag um 1,4 milljarða auka-
framlag í sjóðinn átti að renna út um
síðustu áramót.“
Þó er ljóst að framlög úr Jöfn-
unarsjóði munu dragast töluvert
saman vegna samdráttar í tekjum
hins opinbera. Kristján bendir á að á
móti aukist útsvarstekjur vegna út-
tektar fólks á séreignarlífeyris-
sparnaði sínum, auk þess sem hækk-
un skatta muni einnig skila auknum
tekjum í Jöfnunarsjóð. Mikilvægustu
aðgerðir ríkisstjórnarinnar felist
hins vegar í að skapa skilyrði til að
lækka vexti og styrkja gengið.
Halldór Halldórsson, formaður
Sambands íslenskra sveitarfélaga,
tekur undir þetta. „Ef krónan styrk-
ist batnar staðan, ekki bara hjá okk-
ur, heldur öllum,“ segir hann og bæt-
ir því við að vonir standi frekar til
þess en hins gagnstæða. „Ég hef þó
ekki útilokað að það þurfi að aðstoða
einhver sveitarfélög, sérstaklega
varðandi fjármögnun. Maður er
viðbúinn ýmsu en vonar það besta.“
Ekki sátt um fjármálareglur
Slæm staða sveitarfélaganna
vegna erlendra lána vekur spurn-
ingar um hvort ekki þurfi sambæri-
lega lagasetningu hér og á Norð-
ulöndum þar sem sveitarfélögum er
óheimilt að taka lán í erlendri mynt.
Jóhannes Finnur Halldórsson,
sérfræðingur í samgönguráðu-
neytinu, segir illa hafa gengið að
komast að niðurstöðu í nefnd um
fjármálareglur sveitarfélaganna.
Meðal annars hafi verið rætt um há-
marksskuldsetningu miðað við
tekjur, áhættu í skuldsetningu m.a.
varðandi gengistryggingu lána, vöxt
útgjalda, jöfnun hagsveiflna o.s.frv.
„Það er allt undir og við horfum mik-
ið til Norðurlandanna í þessum efn-
um.“ Menn hafi hins vegar ekki kom-
ist að neinni niðurstöðu. „Viðhorfin
gætu þó verið að breytast,“ segir
hann og bætir því við að hann telji að
ekki þurfi að vera svo langt í land
með reglurnar. Áfram verði unnið að
málinu.
Viðbúinn en vonar það besta
 Ársreikningar sveitarfélaga sýna dökka fjárhagsstöðu, ekki síst vegna erlendra
lána  Lækkun vaxta og styrking krónunnar lykilatriði svo að úr rætist
Bráðabirgðaniðurstaða úr árs-
reikningum sveitarfélaga sýnir
dökka stöðu en samhliða því sem
útgjöld fara vaxandi, m.a. vegna
erlendra lána, dragast tekjurnar
saman.
Í HNOTSKURN
»Tekjur sveitarfélaga juk-ust um 2,1% í fyrra en
verðbólgan var 12,4%.
»Mörg sveitarfélög skilarekstrartapi jafnvel áður
en tekið er tillit til fjármagns-
gjalda, sem sýnir slæma stöðu
þeirra fyrir gengishrun.
»Langtímaskuldir hækkaúr 57,9 milljörðum í 106,1
milljarð, eða um 83%.
»Tap sk. B-hluta fyrirtækja(sem rekin eru fyrir þjón-
ustugjöld) vegna fjármagns-
liða er 123 milljarðar, miðað
við tæpa 3 milljarða árið 2007.
Mest munar um fjármagns-
gjöld Orkuveitu Reykjavíkur.
KOSTNAÐUR við byggingu menn-
ingarhúss og kirkju í Mosfellsbæ
getur orðið á bilinu 1.500 til 2.000
milljónir að sögn Haralds Sverr-
issonar bæjarstjóra. Ekkert er þó
fast í hendi enn og segir hann að
eftir sé að ákveða hvernig kostn-
aður deilist milli bæjarins og Mos-
fellsprestakalls. Líklegt er að skipt
verði til helminga eða þar um bil.
„Þetta er ekki verkefni sem verð-
ur hrist fram úr erminni,“ segir
Haraldur en hönnunartillaga sem
nýverið var ákveðið að byggja á
gerir ráð fyrir 6.000 fermetra
byggingu. Haraldur segir að fram-
kvæmdin gæti tekið tíu ár og kostn-
aðurinn muni dreifast á þann tíma.
1,5-2 milljarða
framkvæmd á
tíu ára tímabili
Veglegt Kirkjuskipið í nýrri kirkju
samkvæmt hönnunartillögu.
ÞAÐ horfir ekki til vandræða nú en
gæti orðið áhyggjuefni í haust þeg-
ar skólafólkið hættir að vinna,“
segir Arnar Sigurmundsson, for-
maður Samtaka fiskvinnslustöðva.
Brögð eru að því að illa gangi að fá
starfsfólk til fiskvinnslu. Vandinn
virðist ekki bundinn ákveðnum
landshlutum fremur en öðrum.
Farið var yfir stöðuna á stjórn-
arfundi SF í síðustu viku, í ljósi þess
að stjórnvöld áforma að hækka
tryggingagjald á atvinnurekendur
um allt að eitt og hálft prósent.
Hluti gjaldsins rennur til atvinnu-
leysistryggingasjóðs. Arnar segir
nokkuð sérstakt að erfitt sé að
manna stöður þegar atvinnuleys-
istölur eru eins og raun ber vitni.
Sem dæmi hafi í einu sveitarfélagi
reynst hinn mesti barningur að fá
fjóra starfsmenn. Þar voru áttatíu
manns atvinnulausir.
„Þessi staða er ekki bara uppi í
fiskvinnslu heldur einnig í öðrum
greinum. Við gerum okkur grein
fyrir því að ekki geta allir unnið
hvaða vinnu sem er en teljum engu
að síður vert að benda á þetta.“
halldorath@mbl.is
Barningur að fá fólk
til fiskvinnslu þrátt
fyrir atvinnuleysi