Nýtt kvennablað - 01.03.1950, Síða 7

Nýtt kvennablað - 01.03.1950, Síða 7
Nokkur minningarorð um Guðrúnu Sigurbjörgu Jónsdöttur frá Fjallseii „Til Óðins allir ganga þá einu og sömu brú.“ M. J. . Fá konunöfn munu hafa verið þekktari hér á Héraði fyrir og um síðulstu aldamót og allt fram yfir 1930 en nafn Guðrúnar Jónsdóttur eða Guðrúnar ráðskonu. Ævisaga hennar var að mörgu leyti sérstæð og eft- irtektarverð. Guðrún sáluga var fædd að Fjallseli í Fellum 8. júlí 1874. Voru foreldrar hennar, hjónin Sigríður Björnsdóttir og Jón Þorkelsson, en er Guðrún var enn í bernsku dó móðir hennar, en faðir hennar hjó áfram og var rnóðir hans fyrir húinu og annaðist börnin eftir beztu getu, en heldur mun nú hagur heimilisins hafa verið þröngur. Systkinin voru 4 og fæddust öll upp heima. Snemma í æsku þótti hera á því, að Guð- rún væri afbragð annarra kvenna á margan hátt, mjög fríð og glæsileg í allri framgöngu, ljúf og skemmtileg í öllum viðræðum, orðheppin, svo seint mun gleymast þeim, er til þekktu. Á þeim árum voru ekki háværar raddir um menntun eða frelsi kvenna, en um það bil, sem hún er að komast á þroskaár eru fyrstu kvennaskólarnir að komast á fót, og ung að árum réðist svo fyrir henni, að hún fór á kvennaskólann á Ytri-Ey og dvali hún þar í tvo vetur, og átti hún óskipta vináttu og virðingu kennara og skólastýru, er hún lauk námi þar. Og áfram stefndi hún, því að næst dreif hún sig í að læra fatasaum og varð hún vel að sér í því starfi og stundaði það af og til, meðan kraftar leyfðu. Og svo er hússtjórnarskóli var reistur í Reykjavík stundaði hún nám þar, og mun frú Elín Briem hafa hvatt hana til þess, því að á þeim árum var ekki auðgert fyrir fátækar stúlkur að mennta sig svo mikið sem þetta, og svo erfið öll ferðalög. Um þetta bil eru búnaðarhættir eitthvað að breytast, þá fara sunnlenzku bændurnir að reisa fyrstu rjóma- búin, 1901 er rjómabúið í Birtingaholti stofnað, og er þá þessi unga, austfirzka stúlka fengin til þess að sigla til Danmerkur og læra mjólkurmeðferð og varð hún síðan rjómabústýra í Birtingaholti í mörg ár, en oft og tíðum var hún hér eystra að vetrinum, því faðir hennar var á lífi háaldraður, og unni hún hon- um alla tíð og hlynnti að honum eftir því, sem föng framast leyfðu. Á síðustu árum Jónasar Eiríkssonar, Gu'örún S. Jónsdóttir. — Myndin tekin, er hún var 68 nra. skólastjóra á Eiðum, verður Guðrún ráðskona við bún- aðarskólann á Eiðum, í mörg ár eða flest öll árin, þar til hann hætti og var lagður niður. En svo verður sú breyting, að eftir nokkur ár, eða 1919, er settur á stofn Alþýðuskóli á Eiðum, og fvrsti skólastjóri hans er Ásmundur Guðmundsson prófessor. Hann var öllum ókunnugur hér, en nú þurfti ekki sízt á góðri ráðskonu að halda og var það víst einróma álit skólanefndar að fá Guðrúnu til þess að taka starf- ann að sér. Varð hún þá við tilmælum skólastjórans, og flest árin, sem Ásmundur Guðmundsson var skóla- stjóri var hún þar húsmóðir á stóru. og umfangsmiklu lieimili, og mjög rómaði hún bæði hjónin fyrir allt samstarf við þau og reyndust þau henni sannir vinir, bæði þá, og allt til hinztu stundar. Síðustu ár ævi sinnar átti hún við vanheilsu að stríða, en oft og tíðum, einkum fyrstu árin eftir að hún hætti bústjórninni á Eiðum, var hún við sauma hjá kunn- ingjum sínum og dvaldi oft hjá frændfólki og vinum, því kraftarnir þverruðu óðum, enda dagurinn orðinn langur og annasamur. Atvikin höguðu því nú þann- ig, að síðustu geislar hverfandi dags féllu yfir liana á Eiðum, á heimilinu, sem hún hafði stjórnað svo lengi, lúðst og hvílst, glaðst og hryggst og séð vonir bæði lifna og deyja. Hún andaðist 4. apríl 1946 og var jarðsett að Hofi í Fellum. Þar hafði hún um langt tímabil verið til heimilis og þangað fylgdu vinir og sveitungar henni til grafar. Þetta eru nú stóru drættirnir úr ævistörfum hennar, en svo var svo margt fleira, sem hún starfaði að. Hún var einn aðalhvatamanna að stofnun kvenfélagsins „Dagsbrúnar“ og er það með elztu kvenfélögum hér eystra, og ég minnist þess frá bernsku- og æskuárum mínum, að hvar sem von var til að margt fólk kæmi saman, við hvaða tækifæri sem var, var Guðrún jafn- framt sjálfsögð að sjá um allan undirbúning og fram- reiðslu og fórst henni það ævinlega með prýði. NÝTT KVENNABLAÐ 5

x

Nýtt kvennablað

Beinleiðis leinki

Hvis du vil linke til denne avis/magasin, skal du bruge disse links:

Link til denne avis/magasin: Nýtt kvennablað
https://timarit.is/publication/767

Link til dette eksemplar:

Link til denne side:

Link til denne artikel:

Venligst ikke link direkte til billeder eller PDfs på Timarit.is, da sådanne webadresser kan ændres uden advarsel. Brug venligst de angivne webadresser for at linke til sitet.