Morgunblaðið - 18.10.2009, Page 24

24 Ópera
MORGUNBLAÐIÐ SUNNUDAGUR 18. OKTÓBER 2009
Þ
að var mikið líf í kjallara
Íslensku óperunnar
seinnipart fimmtudags-
ins, rétt fyrir æfingu á
Ástardrykknum eftir
Donizetti sem frumsýndur verður
næstu helgi. Kjallarinn er ekki
stór, þar er lágt til lofts og mikið
um ranghala en einmitt það ljær
honum nánast áþreifanlegan
sjarma og skapar stemningu sem
erfitt er að koma í orð. Söngvarar
í fullum skrúða sátu í förð-
unarstólum eða gengu um, raul-
andi lagstúfa, og væri ferðinni
heitið milli herbergja þurftu þeir
að beygja sig í lágri gættinni. Hár-
greiðslukonur komu vandlega fyrir
gervistráum í hári sumra söngv-
aranna, enda gerist óperan í sveit,
og einbeitt saumakona, vopnuð nál
og tvinna, gerði lagfæringar þar
sem þeirra var þörf. Erfitt er að
ímynda sér að í stærra og nútíma-
legra húsnæði fengi maður það
jafnsterkt á tilfinninguna að eitt-
hvað töfrum líkast væri að fara að
eiga sér stað.
Ví ví, ja ja og jú jú
Meðan beðið var eftir að æfingin
hæfist sátu margir hverjir, sem
búnir voru í förðun og komnir í
búningana, inni á lítilli kaffistofu
og spjölluðu saman. Sumir notuðu
tækifærið og fengu sér í svanginn
og aðrir rauluðu lög úr óperunni.
Þegar styttist í að æfingin hæfist
var kominn tími til að hita upp.
Inn í einu herbergjanna stendur
gamalt píanó upp við vegginn og
þangað inn tíndust söngvararnir,
einn af öðrum, og hófu að syngja
saman skala. Spilaðir voru hljómar
upp og niður tónstigann og sungið
ýmist „ví ví ví ví“, „ja ja ja ja“ eða
„jú jú jú jú“ milli þess sem píanó-
leikarinn skipaði þeim að syngja
hærra eða mýkra.
Þegar blaðamaður stóð í gætt-
inni og fylgdist með söngvurunum
purra í kór, líkt og þau væru í
bílaleik við börnin sín, gekk Bjarni
Thor Kristinsson bassasöngvari
framhjá og sagði kersknislega með
sinni djúpu rödd: „Þetta er ekki
geðveikrahæli, þetta er í óp-
erunni.“ Svo skyndilega var upp-
hitunaræfingunum lokið, söngv-
ararnir tíndust fram og einn og
einn kíkti í stóru speglana við
förðunarstólana til að laga sig til.
Æfingin var að byrja. ylfa@mbl.is
Þetta er ekki geðv
þetta er í óperunn
Stjórnar hljómsveitinni Daníel Bjarnason hljómsveitarstjóri er einbeittur á svip í litlu gryfjunni við sviðið. Upphitun Skömmu áður en söngvararnir stíga á svið koma þeir saman inn í einu herb
Í kórnum Skarphéðinn Hjartarson spjallar viPrjóna Þóra Björnsdóttir og Jóhanna Ósk Valsdóttir stytta sér stundir.
Æfir sig Antonía Hevesi, píanóleikari Óperunnar, æfir sig fyrir kvöldið. Leg
Í miðasölunni Ævintýrið í Íslensku óperunni hefst hjá Ingibjörgu
Sigurðardóttur, starfsmanni miðasölunnar.
Morgunblaðið/Ómar
Morgunblaðið/Ómar
Morgunblaðið/Kristinn
Morgunblaðið/Kristinn