Morgunblaðið - 04.11.2009, Page 7

Fréttir 7INNLENT
MORGUNBLAÐIÐ MIÐVIKUDAGUR 4. NÓVEMBER 2009
HÉRAÐSDÓMARINN Sigríður
Ingvarsdóttir hefur vikið sæti í máli
Guðmundar Kristjánssonar gegn
Árna M. Mathiesen og íslenska rík-
inu. Málið snýr að skipan Þorsteins
Davíðssonar í embætti héraðsdómara
en Guðmundur taldi fram hjá sér
gengið við skipunina, enda hefði hann
verið metinn hæfari af sérstakri dóm-
nefnd til að gegna starfinu. Hann
höfðaði því mál, í mars sl., gegn Árna
sem var settur dómsmálaráðherra og
skipaði Þorstein.
Féllst á rök lögmanns Árna
Sigríður veitti viðtal á Morgunvakt
Ríkisútvarpsins í janúar á síðasta ári
og laut það að téðri dómaraskipan.
Lögmaður Árna og ríkisins taldi ljóst
að viðtalið ylli því að fyrir hendi væru
atvik fallin til þess að draga óhlut-
drægni dómara í efa og fór fram á að
Sigríður viki sæti.
Þó svo Sigríður hefði ekki fallist á
að ummæli sín í viðtalinu væru til þess
fallin að draga mætti óhlutdrægni
hennar sem dómara í efa gæti sú stað-
reynd að hún hefði tekið þátt í op-
inberri umfjöllun um hina umdeildu
dómaraskipan gert það.
Dómari vék sér úr sæti
ÓLÖGRÁÐA börn, sem voru stofn-
fjáreigendur í sparisjóðnum Byr og
höfðu fengið lán frá Glitni til stofn-
fjárkaupa, fengu 86 milljónir í arð af
stofnfjárbréfum sínum í fyrra. Arð-
greiðslurnar runnu beint til greiðslu
lánanna vegna stofnfjárkaupanna
sem tekin voru að frumkvæði for-
eldra barnanna, samkvæmt upplýs-
ingum frá Íslandsbanka. Samkvæmt
upplýsingum Morgunblaðsins er um
tíu börn að ræða.
Að sögn bankans kveða lögræðis-
lög á um að ógildum löggerningi af
þessu tagi skuli snúið til baka eins og
samningur hafi aldrei verið gerður.
Samkvæmt því eigi samningsaðilar
að skila því sem þeir hafi móttekið.
Lántakendur sem hér um ræðir eigi
því að skila Byr stofnfjárhlutunum.
Byr muni á móti skila þeim kaup-
verði stofnfjárhlutanna og foreldrar
ólögráða barnanna eigi að skila lán-
inu til baka til Glitnis eða í þessu til-
viki Íslandsbanka. Arðgreiðslur sem
þegar hafa runnið til greiðslu lán-
anna koma til frádráttar.
Gert er ráð fyrir að Íslandsbanki
muni taka að sér að skila stofnfjár-
hlutunum fyrir hönd lántakenda,
samkvæmt upplýsingum frá bankan-
um. Jafnframt muni börnin, sem
voru ólögráða við kaupin, framselja
bankanum kröfu sína um kaupverð á
hendur Byr og verða þannig laus
allra mála. Eftir það á staða allra
málsaðila að verða eins og gerning-
urinn hafi aldrei átt sér stað.
Samkvæmt heimildum Morgun-
blaðsins munu skilmálar á umrædd-
um lánum hafa kveðið á um að þau
yrðu greidd í tvennu lagi, með arð-
greiðslum í júní 2008 og 2009. Ís-
landsbanki mun hafa frestað síðari
greiðslu höfuðstóls og vaxta um eitt
ár vegna óvissunnar sem ríkir um
virði bréfanna.
Aðalfundur sparisjóðsins Byrs 9.
apríl 2008 ákvað að greiða stofnfjár-
eigendum 44% arð vegna ársins
2007. Arðgreiðslurnar námu samtals
um 13,5 milljörðum króna. Aðalfund-
ur 2009 hinn 13. maí sl. ákvað að eng-
inn arður yrði greiddur af stofnfé
vegna síðasta árs. gudni@mbl.is
Börnin borguðu
86 milljónir inn
á bankalánin
Stofnfjárkaupum
og lántökum barna
verður snúið við
Morgunblaðið/G. Rúnar
Arður Ólögráða börn fengu 86 millj-
ónir í arð af stofnfé sínu í Byr 2008.
ROSABAUGUR um tungl vakti eftirtekt fólks í Húna-
þingi í fyrrakvöld. „Það var ótrúlegt að sjá þetta,“
sagði Höskuldur Erlingsson á Blönduósi við Morg-
unblaðið. Ljósbaugar sjást helst þegar tungl er fullt og
bjart en einkum bregður þeim fyrir um sólina og eru þá
stundum taldir fyrirboðar breytinga í veðráttu.
Ljósmynd/Höskuldur Erlingsson
HVERS VEGNA VELUR ÞÚ ICELANDAIR?
• 70% erlendra ferðamanna sem koma til Íslands fljúga með Icelandair.
• Í ár nema gjaldeyristekjur vegna erlendra ferðamanna, sem fljúga
til Íslands með Icelandair, 98 milljörðum króna.
• Mörg þúsund störf um verða til um allt land í þjónustu við þessa ferðamenn.
HUGURINN BER ÞIG AÐEINS HÁLFA LEIÐ
BERÐU SAMAN VERÐ OG ÞJÓNUSTU
– OG ÁVINNING FYRIR ÍSLENSKT SAMFÉLAG –
NÆST ÞEGAR ÞÚ FLÝGUR