Skinfaxi - 01.05.2011, Qupperneq 3

SKINFAXI – tímarit Ungmennafélags Íslands 3
Um verslunarmannahelgina verður 14. Ung-
lingalandsmót Ungmennafélags Íslands hald-
ið á Egilsstöðum í umsjón Ungmenna- og
íþróttasambands Austurlands og Fljótsdals-
héraðs.
Unglingalandsmót Ungmennafélags
Íslands er sá viðburður á Íslandi sem er hvað
vinsælast að sækja um verslunarmannahelg-
ina. Fyrsta Unglingalandsmótið var haldið á
Dalvík 1992 og síðan var haldið mót þriðja
hvert ár þar til árið 2000 þegar mótið var hald-
ið í fyrsta skipti um verslunarmannahelgina
á Bíldudal og Tálknafirði. Sú ákvörðun að
halda mótið árlega um verslunarmannahelgi
var tilraun til að láta á það reyna hvort hægt
væri að halda vímuefnalaust íþróttamót um
þessa mestu ferða-og útivistarhelgi lands-
manna. Fáum leist vel á þessa hugmynd í
upphafi og flestir töldu hana vonlausa.
Verslunarmannahelgin væri í hugum lands-
manna skemmtihelgi þar sem Bakkus væri
kærkominn ferðafélagi. Ungmennafélagar
ákváðu hins vegar að leggja allt undir og láta
reyna á þátttökuna sem fór fram úr björtustu
vonum og að loknu fyrsta verslunarmanna-
helgarmótinu var ljóst að í framtíðinni yrðu
mótin haldin á hverju ári um þessa helgi.
Unglingalandsmótin eru fjölbreytt og
skemmtileg fjölskyldu-, íþrótta- og forvarna-
hátíð þar sem keppendur eru á aldrinum
11–18 ára og stórfjölskyldan getur tekið þátt
í fjölbreyttri dagskrá.
Segja má að hið uppeldislega gildi Ung-
lingalandsmótanna, þar sem öllum börnum
og unglingum á aldrinum 11–18 ára er gert
kleift að taka þátt, óháð fyrri afrekum á
íþróttasviðinu, sé í því fólgið að leggja áherslu
á að árangur í íþróttum verði ekki eingöngu
mældur í afrekum heldur að í þátttökunni
felist einnig heilsuefling og forvörn. Fjöldi
rannsókna sýnir að þátttaka í íþróttum eykur
sjálfstraust, hún eflir vitund einstaklingsins
um sjálfan sig, aflar honum virðingar annarra
og ýtir undir tengslamyndun og traust. Hún
minnkar líkurnar á neyslu áfengis og annarra
vímuefna. Hún skapar líka sameiginlega
hagsmuni og gildi og kennir félagslega færni
sem er nauðsynleg í lýðræðissamfélagi.
Það er því til mikils að vinna og Unglinga-
landsmótin eru það lóð á vogarskálina sem
ungmennafélagshreyfingin vill leggja til að
ná fram þessum markmiðum.
Samvera fólks er einn af áhrifamestu þátt-
um Unglingalandsmótanna. Fjölmargar rann-
sóknir hafa ítrekað sýnt fram á tengsl upp-
byggilegrar samveru, umhyggju og hlýju frá
fjölskyldunni, við forvarnir í uppvexti barna
og unglinga. Samverustundir fjölskyldna
skila sér ekki aðeins í innihaldsríkara fjöl-
skyldulífi og betri líðan barna heima og að
heiman. Börn úr samheldnum fjölskyldum
eru mun ólíklegri en önnur börn til að ánetj-
ast áfengi eða öðrum vímuefnum eða lenda
í slæmum félagsskap.
Sá mikli fjöldi fólks sem sækir Unglinga-
landsmótin á hverju ári er sammála hreyfing-
unni um að hægt sé að halda áfengis- og
vímuefnalausa hátíð um verslunarmanna-
helgina. Tilraunin, sem lagt var af stað með í
upphafi árið 2000, hefur því heppnast full-
komlega.
Einn ávinningur af Landsmótum og Ung-
lingalandsmótum UMFÍ er bætt íþróttaaðstaða
sem verður til á þeim stöðum þar sem þau
eru haldin hverju sinni. Í öllum landsfjórðung-
um hafa verið byggð upp mannvirki í tengsl-
um við mótin. Mannvirki sem nýtast íbúum
og öðrum landsmönnum til keppni og heilsu-
eflingar til framtíðar að mótunum loknum.
Glæsileg íþróttamannvirki eru á Egilsstöð-
Tilraun sem heppnaðist fullkomlega
um. Íþróttaleikvangurinn er vel staðsettur og
skammt frá honum eru sundlaug og íþrótta-
hús. Önnur íþróttamannvirki eru í næsta
nágrenni. Tjaldsvæði eru inni í bænum og
gönguleiðir greiðfærar til og frá keppnis-
svæðunum og allri þjónustu. Á Egilsstöðum
er góð þjónusta í boði, úrval verslana, veit-
ingastaðir, hótel og gististaðir. Á Fljótsdals-
héraði og í nágrannasveitarfélögum eru ein-
stakar náttúruperlur og sögustaðir sem vert
og gaman er að heimsækja.
Undirbúningur og framkvæmd Unglinga-
landsmótsins er mikið verkefni fyrir móts-
haldara. Stór hópur sjálfboðaliða kemur að
mótinu sem gerir alla undirbúningsvinnu og
framkvæmd þess mögulega. Þetta fórnfúsa
og mikla starf sjálfboðaliða og starfsmanna,
með góðu samstarfi við sveitarfélagið og
öflugum stuðningi styrktaraðila, gerir það
að verkum að öll umgjörð og undirbúningur
mótsins verður eins glæst og raun ber vitni.
Ríkisvaldið hefur stutt vel við uppbyggingu
og framkvæmd á Unglingalandsmótunum
frá upphafi og fyrir þann góða stuðning,
ásamt stuðningi frá styrktaraðilum mótsins,
er hreyfingin ákaflega þakklát.
14. Unglingalandsmót UMFÍ á Egilsstöð-
um er góður valkostur fyrir alla og því um að
gera að skella sér á mótið því að þar finna
allir aldurshópar eitthvað við sitt hæfi. Látum
ekki umræðu um hátt eldsneytisverð draga
úr þátttöku. Forgangsröðum og gefum okk-
ur tækifæri til að upplifa einstaka skemmtun
í góðra vina hópi þar sem ungmennafélags-
andinn ræður för. Verið öll hjartanlega vel-
komin á Unglingalandsmót og njótið þess
að taka þátt í skemmtilegri og fjölbreyttri
dagskrá. Það verður tekið vel á móti þér og
við hlökkum til að sjá þig.
Íslandi allt!
Helga Guðrún
Guðjónsdóttir,
formaður UMFÍ.
Helga Guðrún Guðjónsdóttir, formaður UMFÍ:
Skrifað undir samninga vegna 15. Unglingalandsmóts UMFÍ á Selfossi
Skrifað var undir samninga vegna 15. Ung-
lingalandsmóts UMFÍ, sem haldið verður
á Selfossi 2012, í Selinu á Selfossi 9. maí sl.
Samningar voru undirritaðir annars vegar
á milli UMFÍ og HSK og unglingalands-
mótsnefndarinnar og Árborgar hins vegar.
Glæsileg íþróttamannvirki eru nú þegar
til staðar á Selfossi og öll aðstaða því til fyrir-
myndar.
Á Unglingalandsmótinu á Selfossi verð-
ur m.a. keppt í dansi, fimleikum, glímu,
golfi, hestaíþróttum, íþróttum fatlaðra,
knattspyrnu, körfuknattleik, mótokross,
skák, sundi og teakwondo.
Sérgreinastjórar hafa nú þegar verið
ráðnir í flestar greinar mótsins.
Skrifað undir í Selinu á Selfossi.
Frá vinstri: Þórir Haraldsson, formaður fram-
kvæmdanefndar Landsmóta á Selfossi, Ásta
Stefánsdóttir, framkvæmdastjóri Árborgar,
Helga Guðrún Guðjónsdóttir, formaður UMFÍ,
og Guðríður Aadnegard, formaður HSK.