Organistablaðið - 01.12.1970, Blaðsíða 10

Organistablaðið - 01.12.1970, Blaðsíða 10
ÁRNI THORSTEINSON tónskáld, 100 ára afmæli Þann 15. október síðastliðinn voru 100 ár liðin frá fæðingu Árna Thorsteinsonar tónskálds, en hann fæddist í Reykjavík 15. október 1870. Árni «tundaði nám við Lærða skólann 1884—1890. Að loknu námi þar sigldi hann til Kaup- mannahafnar og innritaðist í lögfra;ðinám, en hann segir sjálf- ur svo frá: „Þegar fram liðu stundir hafði músikin gagntekið mig svo, að ég tapaði öllum áhuga fyrir frekara námi í lög- fræðinni." Hann stundaði alltaf tónlistarnám jafnframt öðru námi og fór snemma að fást við tónsmíðar. Hann tók virkan þátt í félagslífi stúdenta og var iþó sérstaklega áhugasamur, þegar um tón- listarmál var að ræða. Árni nam ljósmyndafræði í Kaupmannahöfn árið 1897. Sama ár stofnaði hann ljósmyndasiofu í Reykjavík og rak hana til ársins 1918. Svo sem kunnugt er eru mörg lög Árna á vörum allra landsmanna, ef svo má segja. Hann samdi ekki mikið aE kirkjumúsik, en eitt laga hans „Friður á jörðu" er oft notað í kirkjum landsins. Kona Árna var Helga Einarsdóttir, þau eignuðust 4 börn. Endurminningar Árna skrifaði Ingólfur Kristjánsson árið 1955. Rókin heitir Harpa minninganna og er gefin út hjá ísafoldarprent- smiðju. Þar er, ásamt helztu æviatriðum, prentuð skrá yfir tónverk hans og vísast því tíl bókarinnar um nánari frásögn af starfi hans og tónsmíðum. Árni lézt í Reykjavík 16. október 1962. Tónverk hans tala ejálf sínu máli og eru því bezta umsögnin um skerf hans til íslenzkra tónbókmennta. Kristján Sigtryggsson. 10 OKGANISTABLAÐIÐ

x

Organistablaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Organistablaðið
https://timarit.is/publication/787

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.