Organistablaðið - 01.04.1977, Blaðsíða 2

SIGFÚS EINARSSON
1 8 7 7 — 1 9 7 7
Aldarafmæli.
Á þessu ári eru liðin 100 ár frá fæðingu Sigtúsar Einarssonar. —
Hann fæddist á Eyrarbakka 30. janúar 1877 og lést í Reykjavík lu.
maí 1939.
Sigfús var áratugum saman óumdeilanlega fremstur í flokki ís-
lenskra tónlistarmanna. Sem dómkirkjuorganleikari, söngkennari við
Kennaraskólann og Menntaskólann, ágætlega ritfær útgefandi tón-
listarblaðs, snjall gagnrýnandi, hljómsveitarstjóri og ágætur söng-
stjóri, höfundur kennslubóka og útgefandi vmissa söngrita hafði hann
mikil áhrif á þróun tónlistar hér á landi. Enn er þó ótalin einka-
kennsla hans í hljóðfæraleik og fleiri tónlistargreinum og það sem
síst má gleyma, tónskáldskapur hans. — Æskilegt væri, að skrifað
væri ítarlega um tónsmíðar hans.
Hér verður eklci ritað um Sigfús Einarsson, en bent skal á bók
Sigrúnar Gísladóttur um Sigfús. Sú bók kom út 1972.
T ónverkaskrá — Orgelverk.
í bók Sigrúnar Gísladóttur er ítarleg skrá yfir tónverk Sigfúsar.
Þar kemur í ljós að hann hefur samið nokkur tónverk fyrir orgel og
harmoníum. Tvö þeirra hafa verið prentuð: Paraphrase yfir sálma-
lagið Hve sæl, ó, hve sæl er hver leikandi lund, eftir A.P. Berggreen,
í Samhljómum Kristins Ingvarssonar og Páskasöngur (prelúdía) í
Tónum Páls Isólfssonar. En óprentuð eru: Andante serioso fyrir
harmoníum eða orgel, Sex prelúdíur fyrir píanó eða harmoníum og
Tvær prelúdíur fyrir orgel og ennfremur Paraphrase yfir sálmalagið
Allt eins og blómstrið eina Orgel-Solo (það lag er ekki tilgreint í bók
S.G.) Lagið er samið í tilefni af minningarhátíð Hallgríms Péturs-
sonar 22. febrúar 1914.
Varpað fram hugmynd.
Væri það ekki verðugt verkefni fyrir Félag íslenskra organleikara
að hlutast til um að orgelverk Sigfúsar Einarssonar verði gefin út?
-----Eða helst að gefa þau út.
P.H.
2 ORGANISTABLAÐIÐ