Organistablaðið - 01.12.1987, Blaðsíða 11

Organistablaðið - 01.12.1987, Blaðsíða 11
Sömuleiðis hefur hann samið mörg lög sjálfur en litlu einu komið á framfæri vegna þess hve vandvirkur og kröfuharður hann er við sjálfan sig. Jakob kvæntist Unni Tryggvadóttur Kristinssonar, er getið var hér að ofan og eru börn þeirra hjóna þrjú: Nanna Kristín tónlistarkennari, Soffía Guðrún leik- kona og Tryggvi Kristinn fulltrúi hjá Námsgagnastofnun. Gestur Hjörleifsson hefur látið af störfum organista við Dalvíkurkirkju eftir að hafa gegnt því í tæp sextíu ár. Samstarfsmenn hans við kirkjuna kvöddu hann á hvítasunnudag 1987 með ávörpum og gjöfum. Gestur er brautryðj- andi í tónlistarlífi á Dalvík. Hann annaðist undirleik við þöglu myndirnarog tónlistarílutning í söngleikjum, var stjórnandi Karlakórs Dalvíkur um langt skeið. Tónlistarskóli var stofnaður á Dalvík árið 1964 og var hann skólastjóri tilársins 1978. Gestur fæddist 21. nóvember 1908, sonur Hjörleifs Jóhannssonar og Rósu Jóhannsdóttur. Eiginkona hans er Guðrún Kristinsdóttir og börn þeirra: Kristinn, píanóleikari, Lórelei, húsmóðir, Þóra, læknaritari, Álfhildur, hús- móðir, Sigurbjörg, bankastarísmaðurog Kári, píanókennari. Um nám sitt og aðdragandann að því segir hann: „Séra Stefán Kristinsson kom heim til mín og talaði viðföður minn um að ég færi til Siglufjaröar og lærði hjá Tryggva Kristinssyni organista þar og tæki svo viö staríinu þegar ég kæmi heim aftur. Faðir minn var því meðmæltur, en ég bæði hryggur og reiður. Ég var svo sjö vikur fyrir vestan og lauk náminu með því að spila við messu í Siglufjaröarkirkju. Það var einskonar próf. Og þar með varhafið organistastarf mitt í Vallaprestakalli. Nokkru síðar gat ég barið í gegn að fá leyfi, fór til Reykjavíkur og lærði hjá Páli ísólfssyni í þrjá mánuði, en var þá heimtaður heim og þar með lauk mínu námi. Frá því ég var tólf ára var það fiðlan, sem var mitt hljóðfæri og af því stafaði tregðan að fara til orgelnémsins á Siglufirði. Dansleikirnir voru svo vel viö hæfi drengsins." ORGANISTABLAÐIÐ ll

x

Organistablaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Organistablaðið
https://timarit.is/publication/787

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.