Morgunblaðið - 25.11.2009, Side 27

Menning 27FRÉTTIR
MORGUNBLAÐIÐ MIÐVIKUDAGUR 25. NÓVEMBER 2009
Í FYRRADAG hófst loks sala á
plötu Susan Boyle, sem margir hafa
beðið með mikilli óþreyju. Susan
Boyle vann sem kunnugt er hugi og
hjörtu umheimsins með þátttöku
sinni í sjónvarpsþættinum Britain’s
got Talent fyrr á árinu og vakti mik-
ið umtal í kjölfarið.
Danska blaðið Berlingske Tid-
ende fullyrðir að í netversluninni
amazon.com hafi aldrei áður sést
jafn svimandi tölur í fyrirframpönt-
unum, en amazon hefur ekki gefið
upp hve margir höfðu pantað plöt-
una áður en hún kom út.
Söluáætlanir hækkaðar
Bresku blöðin spá plötunni, sem
heitir I Dreamed a Dream, metsölu
og Telegraph sagði frá því í gær að
þar í landi væri búist við því að um
150 þúsund plötur myndu seljast
fyrsta daginn. Þar kemur fram að í
plötuverslunum HMV hafi salan
strax rokið í þann fjölda sem flestar
vinsælustu plöturnar ná á viku.
HMV hafi reiknað með að salan
fyrstu vikuna myndi ná 300 þúsund
pundum, en að eftir fyrsta dag hafi
sú áætlun verið hækkuð í 400 þús-
und pund.
Skotar ekki nískir í kaupunum
Í verslunum HMV í Skotlandi, þar
sem Boyle býr er salan gríðarleg og
þar kaupa margir nokkur eintök af
plötunni. Hjá HMV var sömu sögu
að segja og á amazon.com, þar hafði
ekki annað eins sést í fyrirframpönt-
unum áður en platan kom út.
Ef fram heldur sem horfir kann
Susan Boyle að slá bresku stráka-
poppsveitinni Take That við, en í
fyrra setti plata þeirra The Circus
sölumet og seldist í rúmlega 432
þúsund eintökum fyrstu vikuna.
Það þykir athyglisvert að það er
fólk á öllum aldri sem kaupir plötu
Susan Boyle og því er jafnframt
spáð að engin jólagjöf verði vinsælli
þetta árið í Bretlandi en þessi plata.
Í Bandaríkjunum er Susan Boyle-
æðið engu minna og búist er við því
að platan verði metsöluplata þar
eins og austan hafsins. Vestra er nú
verið að gera stóran sjónvarpsþátt
um Susan Boyle sem frumsýndur
verður 13. desember.
Susan Boyle
rifin út
Virðist ætla að slá
Take That við
Susan Boyle Slær sölumet.
Í DAGSKRÁ í Þjóðmenning-
arhúsinu í dag ræðir Árni
Bergmann um sagnaritun
Rússa og norræna bókmennta-
hefð út frá nýútkomnu verki í
Lærdómsritaröð Hins íslenska
bókmenntafélags, Rússa sögur
og Ígorskviða, sem Árni þýddi
og skrifaði ítarlegar skýringar
við. Dagskráin hefst kl. 17.15.
Sigurður Líndal, forseti
Hins íslenska bókmennta-
félags, flytur ávarpsorð í byrjun dagskrár og
sendiherra Rússlands, Victor Tatarintsev, greinir
frá þýðingu útgáfunnar fyrir menningartengsl
landanna. Í ritinu eru þekktustu verk rússneskra
bókmennta til forna.
Bókmenntir
Árni fjallar um
Rússa sögur
Árni
Bergmann
INGA Dóra Björnsdóttir
mannfræðingur fjallar í opnum
hádegisfyrirlestri í dag, mið-
vikudag, í stofu 102 á Há-
skólatorgi, um frumkvöðlastarf
Ásu Guðmundsdóttur Wright á
sviði náttúruverndar og vís-
inda. Fyrirlesturinn er haldinn
í tilefni af útkomu ævisögu Ásu
sem Inga Dóra hefur skrifað.
Árið 1967 var fyrsta nátt-
úrufriðland í Karíbahafinu
opnað á eyjunni Trínidad. Einn aðalhvatamaður
og eigandi landsins var hin íslenska Ása Guð-
mundsdóttir Wright og ber svæðið nafn hennar.
Ása er m.a. kunn hér fyrir styrktarsjóð er hún
stofnaði til minningar um eiginmann sinn.
Fræði
Frumkvöðlastarf
Ásu G. Wright
Inga Dóra
Björnsdóttir
FORLAGIÐ og Verðlauna-
sjóður íslenskra barnabóka
auglýsa þessa dagana eftir
handritum að skáldsögum fyrir
börn og unglinga. Sagan skal
vera að lágmarki 50 blaðsíður
að lengd en ekki er gert ráð
fyrir því að verðlaunasagan sé
myndskreytt.
Skilafrestur í samkeppninni
um Íslensku barnabókaverð-
launin er 1. febrúar næstkom-
andi. Dómnefnd velur besta handritið og kemur
það út hjá Forlaginu að ári. Verðlaunin nema 500
þúsund þrónum, auk höfundarlauna.
Þvílík vika eftir Guðmund Brynjólfsson hlaut
Íslensku barnabókaverðlaunin í ár.
Bókmenntir
Leitað að handriti
að barnabók
Börn eru áhuga-
samir lesarar.
Eftir Bergþóru Jónsdóttur
begga@mbl.is
„ÞETTA er svo fjölbreytt og spurn-
ing hvar ég á að byrja,“ segir Hildur
Hermóðsdóttir útgefandi í bókaút-
gáfunni Sölku aðspurð um útgáfu
forlagsins fyrir jól. Salka einblínir
reyndar ekki á jólabókaflóðið og gef-
ur út bækur jafnt og þétt allt árið.
Titlarnir í ár eru um fjörutíu.
Fimmta barnið frá Eyrúnu
„Við gefum ekki út margar skáld-
sögur, en erum þó með eina íslenska,
léttan krimma eftir Eyrúnu
Tryggvadóttur. Í fyrra kom út bók
hennar Hvar er systir mín, og nú
gefum við út bókina Fimmta barnið.
Við erum með þýddar skáldsögur,
Vesturfarana eftir Vilhelm Moberg,
söguna sem sjónvarpsþættirnir voru
gerðir eftir, og margir muna. Við
gefum út tvær bækur eftir Sophie
Kinsella, sem skrifar bókaröðina um
kaupalkann. Þær nýju heita Kaup-
alkinn í New York og Manstu mig?“
Salka gefur út þrjár ævisögur,
tvær íslenskar; Elfa Gísla, sem Anna
Ólafsdóttir Björnsson skráði og ævi-
sögu Hallgríms Jónssonar frá Laxa-
mýri. „Hann var þekktur íþrótta-
maður, lögreglumaður og
sundlaugarstjóri. Bókin heitir
Reynsluslóðir og er samfélagslýsing
og lýsing á íþróttaferli hans.“
Tíu ára og fráskilin
Þriðja bókin sem Hildur nefnir í
þessum flokki heitir Ég er Nujood,
tíu ára og fráskilin, og er skráð af
franska blaðamanninum Delphine
Minoui. „Þetta er mjög forvitnileg
bók og komst í fréttir fyrr á árinu.
Hún er um tíu ára stúlku í Jemen
sem fékk því framgengt að fá að
skilja við eiginmann sinn.“
Ljóðabækur eftir Unni Sólrúnu
Bragadóttur og Kristján Hreinsson
koma út hjá Sölku núna og fyrr á
árinu komu Passíusálmarnir út hjá
forlaginu með nýju útliti.
Meðal barnabóka sem Salka gefur
út nú er Galdrasteinninn, skáldsaga
fyrir 10 - 12 ára krakka eftir Hörpu
Dís Hákonardóttur, sextán ára.
„Þetta er hennar fyrsta bók, en
merkilega góð saga eftir þetta unga
stúlku.“ Hildur nefnir einnig söguna
Ég skal vera dugleg eftir Lovísu
Maríu Sigurgeirsdóttur, sem segir
frá því í bók sinni þegar hún þurfti
að liggja langdvölum á spítala þegar
hún var barn. „Þetta er mjög hríf-
andi saga,“ segir Hildur.
Margar fleiri forvitnilegar barna-
bækur koma út hjá Sölku í ár.
Fjölbreytt útgáfa handbóka
Salka hefur alltaf verið sterk í út-
gáfu ýmiss konar handbóka og bóka
sem gjarnan eru flokkaðar sem
bækur almenns efnis. Þar má nefna
uppskrifta- og handavinnubækur og
sjálfshálparbækur hvers konar. Í
þeim flokki má nefna Sælkeragöng-
ur um París eftir Sigríði Gunnars-
dóttur, sem Hildur segir mjög fal-
lega og skemmtilega og Súpu og stól
sem er líka mjög sérstök.
Bókum fyrir ferðamenn fjölgar í
útgáfu Sölku, en þar má nefna tvær
nýjar bækur í röðinni sem hófst með
bókinni 50 Crazy things to do in Ice-
land eftir Snæfríði Ingadóttur og
Þorvald Örn Kristmundsson.
„Og akkúrat núna er bókin Áin að
skríða út úr prentsmiðunni, bók um
Laxá í Aðaldal eftir Bubba Mort-
hens með myndum eftir Einar Fal
Ingólfsson. Henni fylgir diskur með
kvikmyndinni um Laxá sem sýnd
var í sjónvarpinu í haust. Þetta er
gullfalleg bók og hönnuð af Jóni Ás-
geiri Hreinssyni sem er mikill snill-
ingur á sínu sviði.
Konur eiga orðið, allan ársins
hring, er svo óskabarnið okkar. Það
er alíslensk dagbók og í hverri viku
er skemmtilegur texti eftir íslenska
konu, myndskreyttur við hæfi.“
Alíslenskar bækur
 Bókaforlagið Salka gefur út um 40 bækur í ár  Þýddir titlar hlutfallslega fáir
 Bók Bubba um Laxá í Aðaldal meðal titla og saga 10 ára fráskildrar stúlku í Jemen
Morgunblaðið/RAX
Útgefandinn Hildur Hermóðsdóttir segir þau hjá bókaútgáfunni Sölku ekki
einblína á jólabókaflóðið og gefa út bækur jafnt og þétt allt árið um kring.
salka.is
TVÆR jólaplötur Hamrahlíðarkórs-
ins eru fyrir löngu orðnar klassík
meðal íslenskra jólaplatna, hljóm-
platan Ljós og hljómar, sem kom út
árið 1978 og geislaplatan Íslenskir
jólasöngvar og Maríukvæði sem
kom út árið 1996.
Nú hefur kórinn, undir stjórn kór-
stjóra síns frá upphafi, Þorgerðar
Ingólfsdóttur, gefið út þriðju jóla-
plötuna, en hún heitir Jólasagan, og
kemur út hjá Smekkleysu.
Þar er fléttað saman tónverkum
frá endurreisnar- og barokktím-
anum og íslenskum og erlendum
jólasöngvum. Saga jólaguðspjallsins
er sögð í tónum og atburðarás sög-
unnar fylgt frá fyrirheitinu um fæð-
ingu Krists til söngva englanna, fjár-
hirðanna og vitringanna. Guðný
Einarsdóttir, kantor í Fella- og
Hólakirkju, leikur orgelverk milli
kórverkanna.
Í tilefni af útgáfu geisladisksins
heldur kórinn tónleika í Kristskirkju
í Landakoti í kvöld kl. 20.
Á tónleikunum syngja kórsöngv-
arar á aldrinum 16-21 árs, 121 tals-
ins, tónverk af nýju plötunni og
fleira. Þar má nefna lofsönginn fal-
lega Alta Trinita beata frá 15. öld;
Jubilate Deo eftir Orlandus Lassus,
Sing Joyfully eftir William Byrd,
Cantate Domino eftir Hans Leo
Hassler og Jólasöng eftir Huga Guð-
mundsson sem hann samdi árið 1977
við ljóð eftir Steingrím Thor-
steinsson. Guðný leikur meðal ann-
ars Prelúdíu og fúgu í D-dúr,
BWV532 eftir Bach.
Allir eru velkomnir og er ókeypis
inn á tónleikana.
Jólasagan sögð í tónum
Morgunblaðið/Golli
Hamrahlíðarkórinn Þriðja jólaplata kórsins, Jólasagan, kemur út.
Hamrahlíðarkórinn fagnar jólaplötu með tónleikum í Kristskirkju
Hildur tekur undir það sem heyrst
hefur frá öðrum útgefendum, að
þrátt fyrir kreppu, standi bóka-
útgáfa prýðilega. „Það er aukning
hjá okkur frá því í fyrra og töluvert
meiri sala á fyrri hluta þessa árs
en á sama tíma árið á undan. Ég er
bjartsýn fyrir jólamarkaðinn. Fólk
hefur ef til vill meiri tíma til að
lesa, og handbækur, föndur og
prjónabækur eru vinsælar, sem
bendir til þess að fólk hafi tíma til
að dunda sér heima. Í bókum er
líka alltaf hægt að finna hæfilega
gjöf á hæfilegu verði. Mér hefur
fundist bóksala aukast undanfarin
ár. Það var lengi þannig að fólk
keypti bækur fyrir jólin eða til
stórgjafa. Núna er bóksala í gangi
allt árið og fólk grípur bækur allt
árið fyrir sjálft sig. Þetta er breyt-
ing frá því sem áður var.“
Hildur segir að meirihluti þess
sem Salka gefur út séu íslenskar
bækur og útlendu titlarnir hlut-
fallslega fáir. „Það er alveg öruggt
að þetta er ekki alltaf auðveldasta
leiðin, en hún er skemmtileg.
Fólk kaupir bækur allt árið
Maður er alltaf
spurður út í þetta,
hvort ekki sé eitthvað að
fara að gerast. 28
»