Morgunblaðið - 22.12.2009, Síða 20

20 FréttirVIÐSKIPTI | ATVINNULÍF
MORGUNBLAÐIÐ ÞRIÐJUDAGUR 22. DESEMBER 2009
HEILDARKRÖFUR í þrotabú
Milestone nema um 100 milljörðum
króna, en á skiptafundi í gær var
ekki tekin afstaða til þeirra krafna,
sem borist hafa. Ástæðan er sú að
enn er beðið eftir skýrslu frá Ernst
og Young um fjárhagslega stöðu fé-
lagsins. Þar til skýrslan er tilbúin
verður því ekki tekin afstaða til
krafna. Stærstu eignir Milestone
voru Sjóvá, Askar Capital og Avent,
en þær voru allar seldar til dótt-
urfélags Milestone, Moderna.
Skilanefnd Glitnis tók svo yfir allt
hlutafé í Moderna fyrr á þessu ári og
hefur þar með áðurnefnd félög á
sinni könnu. Þegar hefur hluti eigna
Moderna verið seldur. bjarni@mbl.is
Milljarða kröfur
Morgunblaðið/Jim Smart
 Kröfur í Milestone um 100 milljarðar
 Beðið eftir skýrslu Ernst og Young
● GENGI evrunnar gagnvart helstu
gjaldmiðlum er 7-8% of hátt skráð.
Þetta kemur fram í skýrslu fram-
kvæmdastjórnar ESB um evrusvæðið á
þriðja ársfjórðungi. Fram kemur í
skýrslunni að það gæti valdið hinum
opnari hagkerfum evrusvæðisins mikl-
um vandkvæðum ef gengið styrkist enn
frekar.
Evran hefur styrkst gagnvart Banda-
ríkjadal frá því í mars en hinsvegar hef-
ur hægt á þeirri þróun vegna ótta fjár-
festa um áhrif efnahagsástandsins á
Grikklandi á evrusæðið.
Evran ofmetin
ÞETTA HELST ...
● JÓN Kr. Sólnes
hefur látið af
stjórnarstörfum
fyrir Byr á meðan
rannsókn á mál-
efnum Exeter
Holdings stendur
yfir, en þar hefur
hann fengið rétt-
arstöðu grunaðs
manns. Í frétta-
tilkynningu segist Jón telja sig hafa
hreinan skjöld í málinu.
„Tildrög þeirrar stöðu sem nú er
komin upp eru þau að hinn 19. desem-
ber 2008 var ég kallaður inn á stjórn-
arfund í Byr sparisjóði sem varamaður.
Á fundinum voru meðal annars til um-
fjöllunar málefni Exeter Holdings
(Tæknisetur Arkea) þar sem samþykkt
var að framlengja yfirdráttarlán félags-
ins, sem sagt var í eigu MP fjárfesting-
arbanka og lánamörk hækkuð til þess
að mæta vaxtagreiðslum. Í umræðum
kom skýrt fram að ekki væri ætlunin að
nýta þennan reikning í bráð en atburða-
rás næstu vikna leiddi í ljós að við það
var ekki staðið,“ segir Jón m.a. í til-
kynningunni.
ivarpall@mbl.is
Jón lætur af stjórn-
arstörfum fyrir Byr
Jón Kr. Sólnes
● TÍTAN fjárfestingafélag, Hilmar
Gunnarsson og Bru II Venture Capital
Fund hafa í sameiningu keypt meiri-
hluta hlutafjár í tölvuteiknimyndafyr-
irtækinu CAOZ, sem nú vinnur að fram-
leiðslu tölvuteiknimyndarinnar Þór – í
Heljargreipum. „Auk þess að fjárfesta í
félaginu leggja fjárfestarnir til hluta af
verkefnafjármögnun myndarinnar, sem
er nú fjármögnuð að fullu. Heild-
arverðmæti samnings þessa nemur
um 300 milljónum króna. Fram-
leiðslukostnaður myndarinnar um Þór
er um 7,2 milljónir evra eða sem nemur
um 1,3 milljörðum króna miðað við nú-
verandi gengi og er Þór því stærsta
kvikmyndaverkefni sem ráðist hefur
verið í hérlendis til þessa,“ segir enn-
fremur í fréttinni. ivarpall@mbl.is
Kaupa í CAOZ
Í tekjutillögum
fjármálaráðu-
neytis fyrir
þetta ár var
gert ráð fyrir
því að Arion
banki greiddi
ríkinu 6,5 millj-
arða króna í arð
en Ríkisendur-
skoðun taldi það fyrirkomulag
ekki ganga upp. Var ætlunin að
ríkið myndi strax lána umrædda
6,5 milljarða aftur til bankans í
formi víkjandi láns.
Fyrsti minnihluti fjárlaganefnd-
ar gagnrýndi þessi áform ráðu-
neytisins, m.a. á þeim forsendum
að ákvörðun um arðgreiðslu
þyrfti að taka á aðalfundi bank-
ans eftir lok reikningsárs og því
væri ekki hægt að skuldbinda
verðandi eigendur með þessum
hætti. Kemur þetta fram í nefnd-
aráliti fyrsta minnihluta nefnd-
arinnar, sem samanstendur af
þeim Kristjáni Þór Júlíussyni, Ás-
birni Óttarssyni, Ólöfu Nordal og
Höskuldi Þórhallssyni.
Þá taldi minnihlutinn að ekki
lægju fyrir upplýsingar sem stað-
festu að rekstrarafkoma Arion á
árinu leyfði arðgreiðslu sem
þessa.
Taldi minnihlutinn áform um
greiðslu arðsins óljós og lítt rök-
studd.
Það að ekki komi til arðgreiðsl-
unnar þýðir að tekjur ríkissjóðs á
þessu ári lækka sem nemur 6,5
milljörðum og vaxtagjöld sömu-
leiðis. bjarni@mbl.is
Arðgreiðsla frá Arion
gengur ekki upp
Eftir Þórð Gunnarsson
thg@mbl.is
SEÐLABANKI Íslands horfir meðal
annars til þess að selja lífeyrissjóðum
ríkistryggð skuldabréf í skiptum fyr-
ir erlendan gjald-
eyri eftir að sam-
komulag við
Seðlabanka Evr-
ópu í Lúxemborg
(ECB) næst.
Þetta segir Gylfi
Magnússon við-
skiptaráðherra í samtali við Morg-
unblaðið. Um er að ræða skuldabréf
sem ECB á veð í eftir endurhverf við-
skipti við hinn fallna Landsbanka.
Ekki hefur verið gengið að veðunum,
en nú hyggst Seðlabanki Íslands hafa
milligöngu um að kaupa þessi bréf
gegn greiðslu í evrum með útgáfu
skuldabréfs. Þarna er því verið að
skipta út ríkisskuldabréfum fyrir rík-
isskuldabréf, nema að eftir skipt-
inguna er skuld-
binding
Seðlabankans í
erlendum gjald-
eyri.
Takist síðan að
selja þetta til-
tekna eignasafn í
skiptum fyrir evr-
ur, mun breyt-
ingin fyrir ís-
lenska ríkið verða sú að
skuldbindingin vegna bréfanna í
eignasafninu verður gagnvart inn-
lendum aðilum. Samkvæmt heim-
ildum Morgunblaðsins verður miðað
við gengisskráningu Seðlabankans í
samkomulagi sem snýr að færslu
eignasafnsins til Íslands.
Veðin verðmætari en krafan
„Miðað við eðlilegt gengi krónu
gagnvart evru heldur ECB á veðum
sem eru talsvert verðmætari en
krafan sem hann hefur á hendur
Landsbankanum. Vandi ECB er að
þetta er eign í krónum sem er í
sjálfu sér ágætt en til langs tíma vill
bankinn vinna með evrur,“ segir
Gylfi Magnússon í samtali við
Morgunblaðið. „Jafnvel þó að ECB
gengi að veðunum og hefði þessi
bréf á sínum bókum, myndi það
liggja yfir íslenska gjaldeyrismark-
aðnum, þegar og ef höftunum verð-
ur aflétt, að þá ætti eftir að leysa
þetta vandamál. Betra er að vinna
úr þessu strax.“
Ætla að selja fyrir evrur
 Fyrirhugað að Seðlabanki Íslands kaupi ríkistryggð skuldabréf af ECB með út-
gáfu evruskuldabréfs  Lífeyrissjóðir kaupi eignasafnið í skiptum fyrir evrur
Fyrirhugað er að selja meðal ann-
ars lífeyrissjóðum ríkistryggð
skuldabréf í krónum í skiptum
fyrir evrur, ef af samkomulagi
Seðlabanka Íslands við evrópsk
peningamálayfirvöld verður.
Gylfi Magnússon
● VÍSITALA kaupmáttar launa hækkaði
um 0,7% í nóvember frá fyrri mánuði,
að því er fram kemur í frétt frá Hag-
stofu Íslands. Vísitalan, sem stendur í
105,2 stigum, hefur lækkað um 4,3%
síðustu tólf mánuði. Launavísitala var
365,4 stig og hækkaði um 1,5% frá fyrri
mánuði. Síðastliðna tólf mánuði hefur
launavísitalan hækkað um 4,0%.
Hækkunin nú er rakin til kjarasamninga
en lágmarkstaxtar verkafólks og af-
greiðslufólks í Alþýðusambandi Íslands
hækkuðu um 6.750 krónur 1. nóv-
ember. Á sama tíma hækkuðu lág-
markskauptaxtar iðnaðarmanna og
skrifstofufólks um 8.750 krónur. Þá
kom almenn 3,5% launaþróunartrygg-
ing til framkvæmda. ivarpall@mbl.is
Laun hækkuðu í
nóvembermánuði