Morgunblaðið - 22.12.2009, Blaðsíða 29

ÞAÐ ER sjálfsagt
ekki ofsögum sagt að
þjóðin hafi verið alger-
lega niðurlægð í yfir-
standandi bankahruni.
Engu er líkara en að
aðdragandinn sé ára-
tuga langur. Um þetta
er fjallað í nýlegri bók
Rogers Boyes blaða-
manns en bókin er gef-
in út af Bloomsbury
ISBN13: 9781408802335. Útlendingi
tekst ekki að næla sér í öll smáatriðin
en heildarfrasinn er ef til vill hvort
sem er það sem er merkilegt.
Höfundurinn rekur í nokkuð ítar-
legu máli hvernig íslensku samfélagi
hefur verið nauðgað í gegnum tíðina
af fámennri klíku og er mjög merki-
legt hvernig honum tekst að rata
áfram í þessum texta.
Nokkurn veginn í sama streng tek-
ur Njörður P. Njarðvík í grein sinni
Hrunið í Fréttablaðinu 26. október
2009 nema að Njörður sem Íslend-
ingur hefur meira á hreinu ýmis smá-
atriði sem breyta þó ekki sögunni
neitt sem skiptir máli.
Þessi 30-40 ára kafli í íslenskri sögu
er eiginlega aðdragandi fjármála-
hrunsins og endaði í algeru mannlegu
og fjárhagslegu hruni sem enn stend-
ur yfir. Það gengur nefnilega ekkert
að moka flórinn.
Ennþá situr í stofnunum og úti um
allt stjórnkerfið fólk sem var ráðið inn
í kerfið af mjög þröngri hagsmuna-
klíku og þó að þessir einstaklingar
hafi ekki beint á sinni könnu að hafa
orsakað hrunið eru tengsl þessa fólks
við hrunamennina svo mikil að það
getur ekki hugsað sér að leiðrétta
neitt eða leggja hönd á plóginn við að
koma hlutunum aftur í lag.
Við sitjum því í sömu
súpunni ennþá núna ári
eftir að fjármálahrunið átti
sér stað. Mannlega hrunið
er enn í gangi og ekki farið
að leggja nein drög að
endurreisn íslenska
stjórnkerfisins sem hefur
vaðið í spillingu um ára-
tugi samkvæmt bók Boyes
og grein Njarðar P. Njarð-
vík.
Alþingismenn hafa rök-
stutt fyrir okkur sem höf-
um horft á þessa niðurlægingu, hvers
vegna þurfi að afskrifa allar skuldir
þeirra sem töpuðu fjármunum með
glæfraspili í peningabólunni en þeir
eru í hópi fallinna í hinu mannlega
hruni og geta ekki hugsað rökrétt.
Engar eignir útrásarvíkinga hafa
verið kyrrsettar og enginn af þeim
hefur enn verið sóttur til saka. Þvert á
móti eru þeir í alvarlegum samræðum
við íslenska ríkisbankakerfið um að
endurfjármagna sig með nýju fjár-
magni svo þeir geti haldið áfram á
sömu braut. Gömlu skuldirnar afskrif-
aðar og ný lán lögð fram af ríkinu.
Ekki er minnst orði á að þeir sem
græddu á peningabólunni eigi að skila
peningum eða eignum inn í ríkissjóð á
móti skuldum sem á að afskrifa hjá
þessum hópi fólks og koma skuldum
þeirra yfir á hina sem ekki tóku þátt í
þessu með því, eins og félagsmálaráð-
herra hefur greint frá mjög skilmerki-
lega, að taka af öllum almenningi allar
eignir umfram það að fólk hafi „hóf-
legt“ húsnæði og einn bíl.
Allt annað á að hirða og ef fólk hefur
peninga umfram áætlun Ráðgjaf-
arstofu heimilanna þá á að taka þá
peninga líka.
Til viðbótar þessari niðurlægingu á
íslenskum stjórnmálum og stjórnkerf-
inu í heild þurfa Íslendingar að glíma
við uppgjör skulda svo sem Icesave-
pakkann sem nú á að deila yfir alla
þjóðina en ekki virðist koma til greina
að raka saman fé af þeim sem græddu
á bólunni og nota það fé til að greiða
fyrir Icesave-vandamálið.
Hugsun hinna föllnu í hinu mann-
lega hruni hefur ekkert breyst og
þessi hópur er enn við stjórnvölinn og
heldur áfram að þjarma að samfélag-
inu sem nú horfir upp á allar eignir
sínar brenna upp og allt sem fólk hef-
ur unnið inn um ævina er hirt í þessu
hruni og millifærslu eigna yfir til fárra
útvalinna.
Um 50% af verðmæti bankanna
voru fjármagn sem þeir sjálfir lánuðu
tengdum aðilum til að kaupa bréf í
sjálfum bankanum gegn veði í bréf-
unum. Ekkert utanaðkomandi fjár-
magn. Þetta var að sjálfsögðu ekki í
samræmi við lög um bankastarfssemi
og því hefði tafarlaust átt að svipta
bankanna leyfi til að stunda banka-
rekstur.
Þessi fyrirtæki voru því ekki bank-
ar heldur svikamyllur sem þóttust
vera bankar, eins konar glæpastarf-
semi sem var undir verndarvæng ís-
lenskra eftirlitsstofnana og stjórn-
málamanna enda fjármögnuðu þessir
sömu „bankar“ ómælt starfsemi
þeirra stjórnmálamanna sem einka-
væddu þá á sínum tíma.
Bankarnir voru því í reynd einka-
væddir eða tæknilega færðir yfir til
stjórnmálamannanna í gegnum nána
vini þeirra.
Enn alvarlegra var að þessi þrír
bankar voru svo tengdir að í reynd
var um einn aðila að ræða og sem
gerði það að verkum að íslenski
hlutabréfamarkaðurinn var um 80% í
höndum eins aðila, íslensku bank-
anna sem voru 50% í eigu þeirra
sjálfra. Það var sem sagt enginn
hlutabréfamarkaður heldur svika-
mylla.
Þegar kom að uppgjöri og samn-
ingum um Icesave-ruglið blasti það
við að íslensku bankarnir voru glæpa-
stofnanir og ég efast um að inni-
stæðutryggingasjóður beri ábyrgð á
slíkum fyrirtækum. Sjóðurinn bætir
eingöngu tap vegna falls banka sem
eru reknir samkvæmt lögum. Um var
að ræða hryðjuverkaárás á íslenska
fjármálalífið og Íslendinga í heild sem
fellur ekki undir lög um innistæðu-
tryggingar sem á bara við um fall
banka sem var ekki tilfellið í þessu
fjármálahruni á Íslandi.
Þetta staðfestu Bretar með setn-
ingu hryðjuverkalaganna.
Fjármálahryðjuverk gegn íslensku þjóðinni
Eftir Sigurð
Sigurðsson » Icesave var og er
hryðjuverkaárás á
íslenska fjármálalífið og
Íslendinga í heild sem
var staðfest af Bretum
með setningu hryðju-
verkalaganna.
Sigurður Sigurðsson
Höfundur er cand. phil.
byggingaverkfræðingur
Umræðan 29
MORGUNBLAÐIÐ ÞRIÐJUDAGUR 22. DESEMBER 2009
Saga Capital Fjárfestingarbanki hf. | Sími 545 2600 | sagacapital. is
Landsnet hf., kt. 580804-2410 hefur birt lýsingu, sem samanstendur af út-
gefandalýsingu og verðbréfalýsingu, vegna skuldabréfa félagsins sem
tekin verða til viðskipta á NASDAQ OMX Iceland hf.
Skuldabréf að fjárhæð ISK 5.000.000.000 voru gefin út þann 22. október
síðastliðinn en flokkurinn er opinn að stærð. Auðkenni flokksins á NASDAQ
OMX Iceland hf. er LNET 09 1. Áætlað er að skuldabréf að fjárhæð ISK
5.000.000.000 verði tekin til viðskipta á NASDAQ OMX Iceland hf. þann 23.
desember 2009. Skuldabréfin eru í ISK 10.000.000 nafnverðseiningum.
Skuldabréfin eru verðtryggð með grunngildi vísitölu neysluverðs október
mánaðar 2009 sem er 346,9 stig. Skuldabréfin eru jafngreiðslubréf til 25
ára með afborgana- og vaxtagreiðslum á sex mánaða fresti, í fyrsta sinn
15.04.2010 og með lokagjalddaga 15.04.2034. Skuldabréfin bera 5% fasta
árlega vexti.
Lýsinguna er hægt að nálgast á heimasíðu útgefanda www.landsnet.is
eða á skrifstofu Landsnets hf., Gylfaflöt 9, 112 Reykjavík í 12 mánuði frá
dagsetningu tilkynningar þessarar. Umsjónaraðili með töku bréfanna til
viðskipta á NASDAQ OMX Iceland hf. er Saga Capital Fjárfestingarbanki hf.
Reykjavík, 22. desember 2009
Skráning
skuldabréfa
Birting lýsingar