Morgunblaðið - 09.03.2010, Page 4

4 FréttirINNLENT
MORGUNBLAÐIÐ ÞRIÐJUDAGUR 9. MARS 2010
Eftir Helga Bjarnason
og Björn Jóhann Björnsson
FORMAÐUR þingflokks Vinstri-
hreyfingarinnar – græns framboðs
vill að samningaviðræður haldi áfram
við Breta og Hollendinga um Icesave-
málið. Knýja verði á um að fá sem
besta samninga. Hún telur mikilvægt
að þverpólitísk samstaða haldi. Þeir
þingmenn sem voru á móti Icesave-
samkomulaginu á sínum tíma heita
ekki fyrirfram samþykki við nýjum
samningum.
„Það komu allir flokkar að því að
skipa þessa samninganefnd og ég veit
ekki annað en allir beri traust til
hennar. Það þarf að halda áfram
samningaviðræðum. Þessi skýra nið-
urstaða í þjóðaratkvæðagreiðslunni
getur einungis hjálpað okkur. Þjóðin
hefur talað og fer fram á betri niður-
stöðu,“ segir Guðfríður Lilja Grétars-
dóttir, formaður þingflokks VG, um
framhaldið í Icesave-málinu eftir
þjóðaratkvæðagreiðsluna um
helgina.
Andstaðan ekki eins hörð
Guðfríður, Ögmundur Jónasson og
Lilja Mósesdóttir, þingmenn VG,
lýstu sig mótfallin því að fjármálaráð-
herra og formaður VG skrifaði undir
Icesave-samkomulagið auk þess sem
Ásmundur Einar Daðason og Jón
Bjarnason lýstu efasemdum og vitað
var að Atli Gíslason sem þá var í fríi
var svipaðrar skoðunar. Hann gerði
það eigi að síður. Andstaða þessa
hóps er ekki eins hörð og áður, vegna
breyttra aðstæðna, en fyrirfram heita
þingmennirnir ekki stuðningi við nýja
samninga.
„Andstaða okkar þá er veruleiki
sem við þurfum öll að horfast í augu
við og skýrir margt í þeirri óeiningu
sem við höfum átt við að stríða á síð-
ustu mánuðum. En ég er að vona að
hún geti orðið að baki. Nú ríður á að
við stöndum saman vaktina, bæði í
okkar flokki, ríkisstjórn og helst Al-
þingi allt þegar kemur að frágangi
þessa ógæfumáls sem Icesave er,“
segir Ögmundur Jónasson.
Spurð að því hvort afstaða hennar
væri óbreytt segir Guðfríður að rík-
isstjórnin og Icesave-samninganefnd-
in hafi fullt umboð til að halda áfram
sínu góða starfi en tekur fram að nið-
urstöðuna þurfi að bera undir þing-
menn og þingflokka og fyrr verði ekki
hægt að leggja mat á samningana.
Þarf betri samninga
 Formaður þingflokks VG vill áfram þverpólitíska samstöðu um samninga
 Þingmenn VG heita ekki fyrirfram samþykki við nýjum samningum
» Forsætisráðherra sagðist á Alþingi vonast til að
viðræðurnar færu áfram fram í pólitískri sátt
» Varaformaður Sjálfstæðisflokksins sagði að allir
vildu samstöðu en ekki um hvað sem er
„FUNDURINN gekk mjög vel,“ segir Guðný
Gústafsdóttir, talskona Femínistafélags Íslands,
sem fundaði ásamt fleiri fulltrúum félagsins
með sex ráðherrum ríkisstjórnarinnar í tilefni
af alþjóðlegum baráttudegi kvenna. Guðný
segir ýmislegt í pípum ríkisstjórnarinnar sem
lofi góðu fyrir jafnrétti kynjanna. Full-
trúarnir hrósuðu ríkisstjórninni og þingflokk-
unum sem hana styðja fyrir þau störf sem
þegar hafa verið unnin í þágu kvenna, s.s.
þau að tryggja konum stöðu í stjórnum fyr-
irtækja landsins.
VEL FÓR Á MEÐ RÁÐHERRUM OG FEMÍNISTUM
Morgunblaðið/Ernir
Eftir Andra Karl
andri@mbl.is
Á HÁLFUM mánuði hefur lögreglu verið tilkynnt um
þjófnað á handfærarúllum í Kópavogi, Grundarfirði og
Stykkishólmi. Eitt málið er upplýst, en í Grundarfirði var
á ferð karlmaður af höfuðborgarsvæðinu sem ók burtu úr
bænum með sex handfærarúllur úr tveimur bátum. Mað-
urinn sem er á þrítugsaldri hefur játað brot sitt en rúll-
urnar eru ófundnar.
Um töluverð verðmæti er að ræða þar sem tölvustýrð
handfærarúlla selst á 300-700 þúsund krónur í smásölu.
Lögregla telur víst að allar verði rúllurnar seldar á svört-
um markaði innanlands og vill vara tilvonandi kaupendur
við, enda ólöglegt að kaupa þýfi. Kaupendur á öllum not-
uðum vörum eru hvattir til að taka niður allar upplýs-
ingar um seljendur og fá að sjá skilríki.
Auk þess þykir ástæða til að vara smábátasjómenn við,
enda greinilegt að eftirspurn er eftir handfærum. Hvort
aukin eftirspurn tengist miklum áhuga á strandveiðum,
sem hefjast 1. maí nk., er erfitt að staðhæfa, en alls ekki
hægt að útiloka.
Handfærarúllur eru ekki miklar um sig, algengd þyngd
er 15-20 kg. Þjófarnir hafa lítið fyrir því að stela þeim, í
flestum tilvikum er skorið á rafmagnskapla og þeim kippt
úr bátunum með einu handtaki. Mun meira mál er hins
vegar að taka þær úr bátunum til að sporna við þjófnaði.
Dýrum handfærum stolið
úr bátum um allt land
Morgunblaðið/Þorkell
Smábátahöfn Óprúttnir einstaklingar hafa verið á ferð
við hafnir víða um land og stolið úr smábátunum.
Mikill áhugi á strandveiðum
kann að ýta undir eftirspurn
Steingrímur J.
Sigfússon fjár-
málaráðherra
segir aðspurður
það vel geta kom-
ið til greina að fá
samninganefndir
Breta og Hol-
lendinga til Ís-
lands. Fundir
þjóðanna til
þessa hafa oftast
farið fram í London en voru í upp-
hafi haldnir í Haag í Hollandi. Eng-
ar tímasetningar á nýjum samninga-
fundum höfðu verið ákveðnar í gær
en Steingrímur vonast til að funda-
höld geti orðið seinna í vikunni.
„Það stendur ekkert á okkur að
vera gestgjafar á slíkum fundum en
að sumu leyti er ágætt að hafa þetta
í London þar sem samgöngur eru
ágætar þangað úr báðum áttum, frá
Hollandi og héðan,“ segir Stein-
grímur og bendir á að Ísland hafi
verið gestgjafar fundanna í London
þar sem þeir hafa verið haldnir í
sendiráðinu. „Hvort sami háttur
verður hafður á þessu á bara eftir að
koma í ljós,“ segir Steingrímur og
bendir jafnframt á að Bandaríkja-
maður eigi sæti í nefndinni, Lee
Buchheit, sem þurfi að koma sér til
funda frá Bandaríkjunum. Ekki
skipti miklu máli í kostnaði hvort
hann komi til Íslands eða London.
bjb@mbl.is
Getum vel
verið gest-
gjafar
Steingrímur J.
Sigfússon
Samningafundir um
Icesave ekki boðaðir
NIÐURSTAÐA þjóðaratkvæða-
greiðslunnar um Icesave-lögin mun
ekki hafa nein áhrif á lánshæf-
iseinkunn Íslands hjá matsfyrirtæk-
inu Standard & Poor’s. Í tilkynn-
ingu frá fyrirtækinu segir að Ísland
muni áfram vera með einkunnirnar
BBB- og A-3 í erlendri mynt og
BBB+ og A-2 í íslenskum krónum.
Horfur eru hins vegar enn sagðar
neikvæðar.
Fyrirtækið segir að nú sé beðið
eftir því að fá frekari upplýsingar
um aðgengi Íslands að lánsfé, m.a.
frá Norðurlöndunum og Alþjóða-
gjaldeyrissjóðnum. Árangur í
áframhaldandi viðræðum um Ice-
save við Breta og Hollendinga ráði
framhaldinu.
Standard & Poor’s
breyta ekki
lánshæfismatinu
Fylgstu með!
SPILUM
SAMAN