Monitor - 07.04.2011, Síða 12
12
Aldrei
Hleðsl
Arnar Grant og Ívar Guðmundsson er
milli þess sem þeir gera styk
Monitor FIMMTUDAGUR 7. APRÍL 2011
Útvarpsmaðurinn Ívar Guðmundsson og líkamsræktarmógúllinn Arnar Grant hafa snúið
bökum saman og náð góðum árangri með sölu á alíslenskum próteinvörum, þeim fyrstu
sinnar tegundar. Nú skemmta þeir landanum á sjónvarpsskjánum en þáttur þeirra Arnar
og Ívar á ferð og flugi er heldur betur farinn á flug. Þetta topp-tvíeyki var ekki feimið við að
leyfa Monitor að spyrja sig spjörunum úr ... bókstaflega.
Hvernig þekkist þið?
A Þekkjumst við? Nei, við þekkjumst ekkert (hlær).
Í Þetta er nú ekki löng saga. Við kynntumst árið 2001 í gegnum sameiginlegt áhugamál
sem voru fitness-keppnir. Við virtumst hugsa á svipaðan hátt og okkur langaði að gera
eitthvað meira en að standa bara á sviði. Við höfum báðir áhuga á vöruþróun og framleiðslu
og öllu því sem tengist heilsu.
Hvernig datt ykkur í hug að fara að framleiða próteindrykki og súkkulaði?
Í Við vorum að flytja inn erlenda vöru í þessum geira og þá kviknaði þessi hugmynd:
„Hey, af hverju getum við ekki alveg eins búið þetta til hérna heima?“ Það er búið
að flytja þessar vörur inn í mörg ár, bæði próteindrykki og próteinstykki.
Við töluðum við sælgætisgerðina Freyju og spurðum hvort áhugi
væri fyrir því að framleiða próteinstykki eftir okkar höfði.
Það var tekið vel á móti okkur og í kjölfarið tók við mikil
þróunarvinna. Við vorum mjög harðir á því að innihaldið
væri nákvæmlega eins og við vildum hafa það.
A Þetta varð að vera eitthvað sem við sjálfir gætum
notað til að skera okkur niður fyrir keppnir.
Í Fyrsta stykkið kom um páskana 2007 og þá
vorum við byrjaðir að þróa próteindrykkinn með
Vífilfelli. Það sem við erum montnastir af er það að
þetta eru í raun fyrstu íslensku próteindrykkirnir
og próteinstykkin.
Eruð þið orðnir ríkir á þessu?
Í Ef við værum búsettir í Ameríku og með
svipaða markaðshlutdeild þá hugsa ég að við
værum orðnir alveg moldríkir. En við erum
nú ekki að þessu fyrir peninginn þó það sé
að sjálfsögðu voða gott að fá smá pening í
hverjum mánuði.
Hámarkið er bragðgott en það bragðast
ekki ósvipað kaldri kakósúpu.
Í (hlær) Við fórum eiginlega að kalla
þetta holla kókómjólk. Þarna ertu með
engin aukaefni, enga fitu og bara með
léttmjólk í grunninn. Þetta er holl
kókómjólk í sinni einföldustu mynd.
A Kókómjólkin kom á markaðinn
árið 1970 en nú er árið 2011 og það er
búið að uppfæra þetta svolítið. Það
var nú líka flott að reykja á þessum
tíma.
Í Kókómjólk og smókur er orðið að
Hámarki og reykleysi.
Hvor ykkar er sterkari?
A Ívar er sterkari í sumu og ég í öðru.
Í En þegar upp er staðið er Arnar meiri
„winner“. Hann er búinn að vinna allar
keppnir sem hann hefur komist í og ég
hef eiginlega alltaf lent í öðru sæti, þannig
að ætli hann sé ekki sterkari þegar upp er
staðið.
Er hann Simon og þú Garfunkel?
Í Það mætti orða það þannig (hlær).
Klæðið þið ykkur viljandi í þrengri föt til þess
að það sjáist hvað þið eruð fitt?
A Það er ekki hægt að neita því.
Í Þú kaupir aðsniðin föt vegna þess að þau passa þér mjög vel. Ef við værum
eilítið þéttari og þykkari yfir magann þá yrðu fötin sjálfkrafa svolítið víð yfir
Texti: Haukur Viðar Alfreðsson haukurv@monitor.is
Myndir: Ómar Óskarsson omar@mbl.is