Fréttablaðið - 08.11.2011, Blaðsíða 10

8. nóvember 2011 ÞRIÐJUDAGUR10
Styrkir vegna
námskostnaðar og
verkfæra- og tækjakaupa
fatlaðs fólks
Kópavogsbær vekur athygli á rétti fólks til að sækja um
styrki skv. 27. grein laga u m málefni fatlaðs fólks.
Bænum er heimilt að veita styrk til greiðslu námskostn-
aðar sem ekki er greiddur samkvæmt ákvæðum annarra
laga, enda teljist námið hafa gildi sem hæfing eða
endurhæfing. Einnig er hei im lt að veita þeim sem eru
18 ára og eldri styrk til verkfæra- og tækjakaupa vegna
heimavinnu eða sjálfstæðrar starfsemi, enda teljist
starfsemin hafa gildi sem félagsleg hæfing eða endur-
hæfing sem miði að því að auðvelda fötluðu fólki að skapa
sér atvinnu.
Umsóknir skulu berast á þar til gerðu eyðublaði ásamt
greinargerð til þjónustuvers Kópavogsbæjar, Fannborg 2,
200 Kópavogur. Eyðublaðið má n álgast í þjónustuveri
Kópavogsbæjar eða á vef bæjarins, kopavogur.is.
Umsóknarfrestur
er til og með 21. nóvember 2011.
UMHVERFISMÁL Forsvarsmenn Vest-
mannaeyjabæjar hafna því að
sveitarfélaginu beri að greiða háar
dagsektir sem Umhverfisstofnun
(UMST) hefur lagt á vegna ófull-
nægjandi mengunarvarna Sorp-
orkustöðvar Vestmannaeyja. Dag-
sektirnar, á bilinu 25 til 50 þúsund á
dag, hafa reiknast síðan 1. júlí.
Ólafur Þór Snorrason, fram-
kvæmdastjóri umhverfis- og fram-
kvæmdasviðs Vestmannaeyjabæjar,
segir að sveitarfélagið hafi uppfyllt
kröfur UMST áður en dagsektir
byrjuðu að reiknast. Í ákvörðunar-
orðum stofnunarinnar í bréfi um
dagsektir og takmörkun á starfs-
leyfi hafi aðeins verið tiltekið að
magn ryks í útblæstri skuli vera
innan losunarmarka starfsleyfis.
Því hafi verið fullnægt. Sektirnar
snúi því að mengun í úrgangsvatni
sem ekkert sé minnst á í ákvörðun-
arorðunum þar sem sveitarfélaginu
er gert að greiða dagsektir.
Tekið skal fram að í sama bréfi
UMST er nákvæmlega farið yfir
alla mengunarþætti, þar á meðal
í niðurstöðukafla um þvingunar-
úrræði. Annað álitaefni er til hversu
margra daga dagsektirnar eigi að
ná. Ólafur Þór segir að stöðin sé
aðeins í gangi nokkra daga í mán-
uði og dagsektirnar geti aðeins náð
til þeirra.
Samkvæmt upplýsingum frá
UMST stendur ákvörðun stofnunar-
innar um dagsektir, en verið er að
yfirfara rök sveitarfélagsins fyrir
því að sektirnar skuli falla niður.
Haldi rök UMST ber sveitarfélaginu
að greiða sekt sem nemur í dag um
4,4 milljónum króna, að því er næst
verður komist. Sektarupphæðin er
núna 40 þúsund krónur á dag en var
lægst 25 þúsund í 61 dag í sumar en
hæst 50 þúsund í tíu daga.
Sorpbrennslan í Eyjum starfaði
árum saman án þess að uppfylla
skilyrði starfsleyfis um mengunar-
varnir. Allt frá því árið 2004 sýndu
mælingar að magn ryks í útblæstri
var langt yfir leyfilegum losunar-
mörkum. Það sama átti við um
mengun í úrgangsvatni.
Í byrjun árs 2011 sendi UMST
Vestmannaeyjabæ bréf um að
til stæði að svipta sorpbrennsl-
una starfsleyfi, enda var bærinn
áminntur í maí árið áður og úrbóta
krafist. UMST ákvarðaði síðan í maí
að leggja dagsektir á sveitarfélagið
frá 1. júní [frestað til 1. júlí] til 1.
desember.
Á undanförnum mánuðum hefur
rykmengun náðst niður í skekkju-
mörk starfsleyfis og því grundvall-
ast dagsektir á mengun í úrgangs-
vatni. svavar@frettabladid.is
Deila um dagsektir
Vestmannaeyjabær neitar að greiða milljóna króna dagsektir sem Umhverfis-
stofnun hefur lagt á vegna mengunar frá sorpbrennslustöðinni í Eyjum.
BRENNT Umhverfisstofnun hefur lengi krafist úrbóta í mengunarmálum í Eyjum. Því
hefur nú verið mætt undir hótunum um sviptingu starfsleyfis. FRÉTTABLAÐIÐ/ÓSKAR
PARÍS, AP Hryðjuverkamaðurinn
Carlos, einnig þekktur sem Sjak-
alinn, kom fyrir dóm í París í gær
þar sem hann er ákærður fyrir að
hafa skipulagt sprengjuárásir sem
kostuðu 11 manns lífið á árunum
1982 og 1983. Um 140 særðust í
árásunum.
Hann var nokkuð keikur fyrir
dómi, brosti og neitaði sök í mál-
unum sem á hann voru borin.
Carlos er einn af nafntoguð-
ustu hryðjuverkamönnum heims
og hefur sjálfur sagst hafa valdið
dauða tuga manna í árásum sínum
á áttunda og níunda áratugnum.
Carlos er nú 62ja ára gamall og
hefur setið í fangelsi í Frakklandi
frá árinu 1994, fyrir að myrða tvo
franska útsendara og líbískan upp-
ljóstrara.
Þrátt fyrir lífstíðardóm gæti
Carlos losnað eftir 30 ára afplán-
un. Það kemur þó ekki til þess ef
hann verður sakfelldur í yfirstand-
andi máli, en það fæli í sér annan
lífstíðardóm.
Carlos, sem er fæddur í Vene-
súela, komst í samband við fjöl-
miðla í aðdraganda réttarhaldsins
og sagði í viðtali að hann ætlaði sér
að berjast gegn ásökununum.
Dómur ætti að liggja fyrir eftir
um sex vikur. - þj
Þekktur hryðjuverkamaður enn á ný í sviðsljósinu:
Sjakalinn neitar sök
NEITAR SEKT Hryðjuverkamaðurinn Carlos kom fyrir rétt í Frakklandi í gær og bar sig
nokkuð vel. NORDICPHOTOS/AFP
ÍTALÍA Vaxandi þrýstingur er á
Silvio Berlusconi að hann segi af
sér sem forsætisráðherra Ítalíu.
Sjálfur harðneitaði hann í gær full-
yrðingum blaðamanna um að hann
ætli að segja af sér á næstunni.
Á leiðtogafundi G20-ríkjanna í
síðustu viku átti Berlusconi ekki
annars úrkosta en að biðja Alþjóða-
gjaldeyrissjóðinn um að hafa eftir-
lit með aðhaldsaðgerðum á Ítalíu.
Þetta hefur hann varla átt auðvelt
með að gera, meðal annars í ljósi
þess að Ítalía er þriðja stærsta hag-
kerfi evrusvæðisins og ætti því að
vera meðal forysturíkja þess.
Mörgum virðist sem Berlusconi
sé sjálfur orðinn eitt helsta vanda-
mál ítalskra efnahagsmála, ekki
síst vegna þess að hann nýtur ekki
lengur óskoraðs stuðnings innan
ríkisstjórnarinnar til að hrinda
þeim umbótaáformum, sem hann
hefur lofað, í framkvæmd.
Áhyggjur annarra leiðtoga á
evrusvæðinu snúast einkum um
það hvort Ítalir muni ráða við að
greiða afborganir af ríkisskuld-
um, sem nema orðið 1.900 millj-
örðum evra, en sú fjárhæð sam-
svarar 302.000 milljörðum króna.
- gb
Vaxandi þrýstingur á Silvio Berlusconi, forsætisráðherra Ítalíu, að hann segi af sér:
Harðneitar því að vera á förum
SILVIO BERLUSCONI Forsætisráðherra
Ítalíu á leiðtogafundi G20-ríkjanna í
síðustu viku. NORDICPHOTOS/AFP
NÍKARAGVA Daniel Ortega var
um helgina endurkosinn forseti
landsins með miklum meirihluta,
ef marka mátti fyrstu tölur.
Ortega var leiðtogi Sandinista-
hreyfingarinnar, sem gerði bylt-
ingu árið 1979 og steypti einræð-
isherranum Anastasio Somoza af
stóli. Ortega var forseti frá 1985
til 1990, og síðan aftur frá 2007.
Ásakanir dóttur hans um lang-
varandi kynferðislegt ofbeldi,
sem hún segir hann hafa beitt sig,
virðast ekki hafa haft mikil áhrif
á kjósendur. - gb
Forsetakosningar í Níkaragva:
Ortega endur-
kjörinn forseti
FLÓÐ Í FENEYJUM Kona rær á kajak yfir
Markúsartorgið í Feneyjum, þar sem
háflæði og hvassviðri valda miklum
flóðum í borginni. NORDICPHOTOS/AFP