Morgunblaðið - 22.09.2010, Page 6
6 FRÉTTIRInnlent
MORGUNBLAÐIÐ MIÐVIKUDAGUR 22. SEPTEMBER 2010
Héraðsdómur Suðurlands dæmdi í
gær karlmann í tveggja mánaða skil-
orðsbundið fangelsi fyrir að slá árið
2008 eign sinni á rotþró, sem stóð ut-
an við sumarhús í Grímsnesi, og setja
hana niður við sitt eigið sumarhús.
Maðurinn var einnig sakfelldur fyr-
ir að falsa kvittun til að reyna að bera
af sér sakir.
Eigandi sumarhúss í Grímsnesi tók
eftir því sumardaginn fyrsta árið 2008
að rotþró sem hafði verið fyrir utan
bústaðinn hans var horfin. Hann til-
kynnti stuldinn til lögreglu umsvifa-
laust og gaf skýrslu. Smiður sem vann
við sumarhúsið veitti því síðar athygli
að nýverið hafði rotþró verið sett nið-
ur við annað sumarhús og tilkynnti
það lögreglu.
Viðskotaillur
Lögregla hafði samband við sak-
borning í málinu sem neitaði þegar
sök. Hann játaði að hafa sett niður
rotþró nýverið við sumarhús sem
hann var að vinna við í Grímsnesinu
en hana hefði hann keypt sjálfur
nokkrum dögum fyrr. Gengið var á
manninn að sýna kvittun en hann var
viðskotaillur. Fór svo að rotþróin var
grafin upp.
Á svipuðum tíma fór maðurinn með
kvittun frá Byko fyrir rotþró og
hengdi upp við sumarhúsið þar sem
hann hafði tekið þróna. Eigandi sum-
arhússins fór rakleiðis með kvittunina
til lögreglu og reyndist hún fölsuð.
Við yfirheyrslu hjá lögreglu játaði
maðurinn að hafa látið breyta um-
ræddri kvittun fyrir sig og hengt
hana fyrir utan bústaðinn í þeim til-
gangi að hreinsa sig af áburði um
þjófnað. Fram kom fyrir dómi að eig-
andi rotþróarinnar hafði keypt hana í
Húsasmiðjunni.
Þrátt fyrir þetta neitaði maðurinn
ávallt sök. Í niðurstöðu dómsins segir
að framburður hans hafi verið „út og
suður“ og engin leið að henda reiður á
fullyrðingum hans um það hvernig
rotþróin komst í hendur hans. Auk
refsingarinnar var manninum gert að
greiða allan sakar- og málskostnað,
samtals 250.000 krónur.
Stal rotþró og
falsaði kvittun
Framburður mannsins var út og suður
Vegfarendur í miðborg Reykjavíkur sem hafa átt leið yfir gatnamót
Bankastrætis og Lækjargötu hafa sumir hverjir orðið hissa á að sjá skæl-
brosandi andlit í stað gangandi manns í græna ljósinu sem gefur leyfi til að
ganga yfir götuna. Hið óvænta bros hefur kallað fram mörg bros.
Morgunblaðið/Ernir
Brosandi gönguljós
Gleðjandi gatnamót
Tveir karlar voru fluttir á slysa-
deild eftir reiðhjólaslys á göngustíg
í Grafarvogi um kvöldmatarleytið í
fyrradag. Mennirnir voru báðir á
reiðhjólum en að sögn lögreglu er
ekki að fullu ljóst hvernig óhappið
vildi til.
Annar mannanna, sem var hjálm-
laus, var illa áttaður þegar lög-
reglan kom á vettvang en talið var
hugsanlegt að hann hefði rotast.
Hinn hjólreiðamaðurinn, sem var
með hjálm, virtist hafa sloppið ör-
lítið betur en fékk þó skurð á höfð-
uðið.
Tveir hjólreiðamenn
skullu harkalega
saman á göngustíg
Nýr upplýs-
ingabás Mark-
aðsstofu Suður-
nesja var opnað-
ur formlega í
komusal Flug-
stöðvar Leifs Ei-
ríkssonar í gær.
Þar er boðið upp
á bókunarþjón-
ustu og er nú hægt að veita fjöl-
breyttari þjónustu við flugfarþega
en hingað til.
Nýr bás fyrir ferða-
menn í Leifsstöð
Kona á miðjum aldri var handtekin
í miðborginni um helgina. Grunur
leikur á að hún hafi verið að selja
landa en í bakpoka hennar fundust
allnokkrir brúsar sem innihéldu
heimagert áfengi. Umrædd kona
var einnig handtekin í miðborginni
í sumar en þá var hún við sömu iðju,
samkvæmt upplýsingum frá lög-
reglunni.
Með heimabrugg
í bakpoka til sölu
Fyrstu samgöngusamningar um-
hverfisráðuneytisins og starfsfólks
þess voru undirritaðir í gær.
Samkvæmt samningunum mun
umhverfisráðuneytið kaupa stræt-
isvagnakort fyrir starfsfólk sem
að jafnaði notar almennings-
samgöngur og komið verður til
móts við þá sem ganga eða hjóla
til og frá vinnu með þátttöku í út-
lögðum kostnaði, til dæmis vegna
hlífðarfatnaðar.
Samningarnir eru hluti af ný-
legri samgöngustefnu ráðuneytis-
ins og í anda umhverfisstefnu
þess. Í samgöngustefnunni er
einnig lögð áhersla á að notast sé
við vistvænan ferðamáta í vinnu,
svo sem vegna funda utan vinnu-
staðar. Þá verður leitast við að
nýta betur möguleika til síma- og
fjarfunda. Þá mun ráðuneytið
standa fyrir fræðslufundum til að
efla vitund starfsfólks um vistvæn-
ar samgöngur, segir á vef ráðu-
neytisins.
Við gerð samgöngustefnu um-
hverfisráðuneytisins var gerð
könnun meðal starfsfólks sem
leiddi í ljós að það hefur mikinn
áhuga á að nýta sér vistvænar
samgöngur.
Nú þegar ferðast um fimmt-
ungur starfsfólksins til og frá
vinnu á vistvænan hátt.
Taka þátt í útlögðum kostnaði
Kaupa strætó-
kort fyrir starfsfólk
„Karlmaður í svörtum jakkafötum, sem starf-
aði í banka eða í fjárfestingarfyrirtæki, keyrði
um á svörtum Range Rover og átti fallega eig-
inkonu var á tíma góðærisins ímynd hinnar
fullkomnu karlmennsku.“ Þetta kom fram í er-
indi dr. Þorgerðar Einarsdóttur, prófessors í
kynjafræði og deildarforseta stjórnmálafræði-
deildar Háskóla Íslands, og dr. Gyðu Mar-
grétar Pétursdóttur, aðjúnkts í kynjafræði, í
Öskju í gær. Erindið nefndu þær „Skál fyrir
genunum, peningunum og framtíðinni“ og var
um að ræða kynjagreiningu á skýrslu rann-
sóknarnefndar Alþingis.
Karlmennskan sköpuð
Fræðikonurnar komust að því að kyn skipti
máli þegar aðdragandi og orsakir falls bank-
anna eru skoðuð og vísuðu til þess að flestir
aðalgerendurnir í atburðarásinni voru karl-
kyns.
Í erindinu kom fram að karlmennska væri
sköpuð – „þú fæðist ekki karl heldur verður
karl“ – og það sem væri karlmannlegt gæfi
vald. Kvenleiki hefði verið tengdur við veik-
leika, valdaleysi og tilfinningar en karl-
mennska við styrk, rökhyggju, áhættusækni
og samkeppni. Lagt var út af tilvitnunum í
Halldór Ásgrímsson, Björgvin G. Sigurðsson
og Ólaf Ragnar Grímsson og bent á að til-
vitnuð orð þeirra vísuðu í áræði, kraft og frum-
kvæði sem byggi í íslenskum athafnamönnum.
Orðræðan væri hlaðin karllægu tungutaki þar
sem þjóðerni, karlmennskuhugmyndir og ein-
staklingseðli væri spyrt saman. Sömu lýsingar
væri að finna hjá bankamönnum.
Samkvæmt úttektinni réð hin alþjóðlega
viðskiptakarlmennska eða útrásarkarl-
mennska á útrásartímanum og karlar mátuðu
sig við þær hugmyndir. Þeir sem stunduðu við-
skipti á alþjóðlegum vettvangi trónuðu á toppi
stigveldis karlmennskunnar. „Stigveldi karl-
mennskunnar og ráðandi karlmennska byggj-
ast á því að neðar í stigveldinu séu konur og
karlar sem tilheyra ekki hinni menningarlegu
ráðandi karlmennsku. Yfirráðin byggjast á því
að hafa völd til að raða öðrum hópum neðar í
stigveldinu. Völdin byggjast á stöðunni og eru
sjálfgefin en byggjast á aðgangi að gæðum,
t.d. fjármagni. Aðgengi að fjármunum er síðan
aftur stjórnað með hinum sjálfgefnu völdum.“
Vitnað er í Sigurð Einarsson, stjórn-
arformann Kaupþings, í þessu sambandi. „Þau
laun sem ég hef verið með hjá þessum banka
síðan 2003 hafa í öllum samanburði við þá sem
ég ber mig saman við verið óheyrilega lág.“
Hann tali eins og sá sem valdið hafi og lesa
megi úr orðum hans að hann sé eftirsóttur úti í
hinum stóra heimi fjármálalífsins en kjósi að
starfa við íslenskan banka. Bent er á að í
skýrslu RNA komi fram að íslenskir banka-
menn hafi ekki verið eftirsóttir erlendis, því þá
skorti m.a. reynslu.
Í erindi sínu bentu stöllurnar á að tengsla-
net karla hefði verið mjög virkt við einkavæð-
ingu bankanna. Konur hefðu verið í hlutverki
skrautfjaðra, sbr. orð Lárusar Weldings:
„Hættið að skipta um eiginkonur, það mun
spara ykkur mikla peninga.“
Ímynd fullkominnar karlmennsku
„Skál fyrir genunum, peningunum og framtíðinni“ „Hættið þið bara að kaupa ykkur Porsche
og drekka svona mikið brennivín og þá líður ykkur betur, hættið að skipta um eiginkonur“
Þorgerður
Einarsdóttir
Tillögur
» Í lok erindisins lögðu fræðikonurnar
fram nokkrar tillögur sem miða að því að
gæta þess að allir sitji við sama borð.
» Meðal annars lögðu þær til að stjórn-
völd fylgdust með kerfislega mikil-
vægum fyrirtækjum „og skoði hvernig
megi fyrirbyggja að of mikið vald safnist
á hendur fárra einsleitra hópa. Stjórn-
völd skoði jafnframt hvernig stuðla megi
að gegnsærri ákvarðanatöku innan fyrir-
tækja.“
Gyða Margrét
Pétursdóttir