Skátablaðið - 01.05.1940, Side 7

Verklegar æfingar á fyrstu æfingu.
Hvar er næsti brunaboði. Björgun úr elds-
voða. Hvað ber að gera, ef eldur kemur upp.
Hver skáti teikni lauslega upp herbergja-
skipan í húsi því, sem hann býr í.
2. æfing.
1. spurning: Hvað ber að gera, ef loftárás
er i vændum?
Svar:
Allt fólk i húsinu skai tafarlaust fara í
kjaliaraherbergi það, sem tryggast er álitið
(eins og rætt var um á fyrstu æfingu). Loka
skal aðalleiðslum gass, rafmagns og vatns.
Slökkva öll ljós og allur opinn eldur drep-
inn (t. d. kolaofnar og miðstöðvareldur, olíu-
lampar o. s. frv.). Þetta atriði skiptir einnig
miklu máli, ef jarðskjálftar ganga yfir.
2. spurning: Hvað skal gera, ef ikveikju-
sprengja lendir á húsinu?
Svar:
Skátinn, sem í slíkum tilfellum tekur við
stjórn, dvelur sjálfur á efstu hæð hússins,
til þess að vera til taks og slökkva eld, ef
íltveikjusprengja lendir á húsinu. Lendi slík
sprengja á húsi, fer hún venjulega gegnum
þakið og fellur á gólfið á lofthæðinni. —
Sprengihætta af slikri sprengju er frekar
lítil, en sprengjan rifnar og það kviknar í
innihaldinú. Um leið myndast gígfurlegur
hiti, allt að 3600 stig, og nú er um að gera
í fljótu bragði, að taka þurran sand á skófhi
og hrúga yfir sprengjuna. Forðast skal að
nota vatn á sjálfa sprengjuna, en hafi hún
kveikt út frá sér, skal reyna að slökkva eld-
inn með vatni úr vatnsfötum þeim, er til
taks eiga að vera. (Ennþá ákjósanlegra er að
hafa til þess gerð slökkvitæki). Falli sprengja
til dæmis i aflæsta geymslu, skal nota þau
verkfæri, sem við hendi eru til þess að
brjóta geymsluna upp. Þegar búið er að láta
sand á íkveikjusprengjuna skal kasta henni
út svo fljótt, sem föng eru á, með skóflu.
3. spurning: Hvaða sprengjur er helzt
hægt að búast við, að notaðar séu í loft-
árásum?
Vasaljós.
Verkfæri, t. d. klaufhamar.
Kassi með þurrum sandi.
Skófla.
Sandkassi.
Vatnsfötur.
Takið rafmagnið úr sambandi.
Opnið glugga og dyr.
Lokið fyrir aðalvatnsæðina.
Lokið fyrir gasæðina.
Slökkvið allan opinn eld.
Sandpoka fyrir glugga.
Öryggisherbergi í horni hússins nálægt
útgöngudyrum.
SKÁTABLAÐH)
7