Morgunblaðið - 20.06.2011, Page 13
FRÉTTIR 13Erlent
MORGUNBLAÐIÐ MÁNUDAGUR 20. JÚNÍ 2011
Bjarni Ólafsson
bjarni@mbl.is
Sýrlenskir flóttamenn í norðvestur-
hluta landsins eru að verða uppi-
skroppa með mat, en sýrlenskar
her- og öryggissveitir hafa lokað
vegum sem liggja til nágrannarík-
isins Tyrklands. Þúsundir hafa þeg-
ar flúið til Tyrklands, en núna hefur
flóttamannastraumurinn minnkað
vegna aðgerða stjórnarinnar.
Hersveitirnar réðust inn í bæinn
Bdama á laugardag, en hann er að-
eins um 13 kílómetra frá landamær-
unum og voru sex skriðdrekar og að
minnsta kosti tíu brynvagnar not-
aðir í árásinni. Ekki er vitað hve
margir féllu, en hermennirnir lok-
uðu eina bakaríi bæjarins og munu
hafa skotið bakarann til bana.
Skiptir þetta íbúa svæðisins, flótta-
mennina þar á meðal, miklu máli
því án bakarans eru þeir nær mat-
arlausir. Bíða þeir nú eftir því að
vörubílar rauða hálfmánans komi
með mat, en ekki er víst að sýrlensk
yfirvöld gefi samtökunum leyfi til
að fara yfir landamærin.
Alþjóðasamfélagið gerir nú ráð
fyrir því að ríkisstjórn Assads muni
ekki lifa af mótmælin sem staðið
hafa yfir frá því í mars. Reuters
hefur eftir vestrænum diplómata að
útlit sé fyrir að harðlínumenn í
innsta hring stjórnar Sýrlands og
fjölskyldu Assads hafi tekið völdin
af forsetanum, en hann hefur ekki
flutt sjónvarpserindi í lengri tíma.
Aðrir fjölskyldumeðlimir hafa hins
vegar leikið lykilhlutverk í tilraun-
um stjórnvalda til að berja niður
mótmælin með valdi. Má þar nefna
bróður Assads, Maher, sem stýrir
tveimur best vígbúnu og best þjálf-
uðu hersveitum sýrlenska hersins.
Diplómatinn óttast hins vegar að
borgarastríð milli mismunandi
trúarhópa geti brotist út að Assad
föllnum.
Stjórn Assads hefur, líkt og
stjórn föður hans, reitt sig að
stórum hluta á stuðning alavíta, en
meðlimir þess trúarhóps eru aðeins
ríflega 10 prósent af þegnum lands-
ins. Margir alavítar eru nú þegar
búnir að taka börn sín úr skóla af
ótta við að á þau verði ráðist og
hærra settir meðlimir trúarhópsins
hafa sent börn og fjölskyldumeðlimi
úr landinu.
Tyrkland hugsar gang sinn
Við atburðina síðustu daga hefur
hrikt í stoðum þess ágæta sam-
bands sem komist hafði á á milli
tyrkneskra og sýrlenskra stjórn-
valda síðustu ár. Sérfræðingar
segja að ríkisstjórn Assads Sýr-
landsforseta muni gera hvað sem er
til að halda völdum, þar á meðal ýta
undir vopnuð átök í nágrannaríkj-
unum. Þar á meðal væru átök milli
Hezbollah í Líbanon og Ísraels,
milli shía og súnní múslima í Líb-
anon sjálfu og milli kúrdíska verka-
mannaflokksins PKK og tyrkneska
ríkisins.
Ákvörðun tyrknesku samtakanna
IHH að hætta við þátttöku í skipa-
lestinni til Gaza er til merkis um
breyttar áherslur í tyrkneskri utan-
ríkisstefnu. Ákvörðunin hefur
reyndar gert það að verkum að alls
er óvíst hvort skipalestin mun sigla
yfirhöfuð. Upphaflega var gert ráð
fyrir því að um þrjátíu skip myndu
sigla til Gaza með um 1.000 manns
um borð. Eins og staðan var í gær
er lítur hins vegar út fyrir að skipin
verði fimm til átta talsins og að um
borð verði aðeins um 300 manns.
Sýrlenski herinn reynir nú að stöðva för flóttafólks til Tyrklands Þúsundir hafa nú þegar sloppið
yfir landamærin en fjöldamargir eru fastir í heimalandinu Flóttafólkið er nær uppiskroppa með mat
Hernum beitt gegn flóttafólki
Reuters
Tyrkland Úr flóttamannabúðum í
Tyrklandi fyrir Sýrlendinga.
Viðræðum pal-
estínsku hreyf-
inganna tveggja,
Hamas og Fatah,
um sameiginlega
palestínska
stjórn hefur ver-
ið frestað um
óákveðinn tíma.
Fatah fer með
stjórn á Vest-
urbakkanum á meðan Hamas
stjórnar Gaza.
Fundi, sem halda átti í Kaíró í
Egyptalandi, á þriðjudag hefur ver-
ið frestað og vekur það spurningar
um framtíð viðræðnanna. BBC hef-
ur eftir embættismönnum Fatah að
þrátt fyrir yfirlýsingar í síðasta
mánuði um vilja til að sameina
stjórnir svæðanna tveggja væru
menn ósammála um margt og því
hefði viðræðum verið frestað.
Hamas hefur hafnað tillögu
Fatah um að Fatah-meðlimurinn
Salam Fayyad yrði forsætisráð-
herra sameinaðrar stjórnar.
Sameiningarvið-
ræðum Palestínu-
manna frestað
Salam Fayyad
Geimfarið Voya-
ger 1 gæti yfir-
gefið sólkerfi
okkar á næstu
vikum eða mán-
uðum og væri það
þá þremur árum
fyrr en upphaf-
legar áætlanir
gerðu ráð fyrir.
Geimfarið er á
um 183.790 kíló-
metra hraða og er nú á leið í gegnum
svæði sem á ensku kallast helios-
heath, en útleggja mætti sem sól-
hulstur á íslensku.
Þegar Voyager kemst út fyrir
þetta svæði er geimfarið formlega
búið að yfirgefa sólkerfið, fyrst
manngerðra hluta.
Vísindamenn eru ekki vissir um
hve þykkt sólhulstrið er og því geta
þeir ekki sagt með vissu hvenær Vo-
yager yfirgefur sólkerfið. Nýjar upp-
lýsingar benda til að sólhulstrið endi
um 16-22,5 milljarða kílómetra frá
sólinni og er líklegast að ytri mörk
þess séu í 17,7 milljarða kílómetra
fjarlægð. Voyager er nú 17,4 millj-
arða kílómetra frá sólinni og ætti því
ekki að eiga langa ferð eftir þar til
markinu er náð, en geimfarið fer um
1,6 milljarða kílómetra á hverjum
þremur árum. bjarni@mbl.is
Nálgast
endamörk
sólkerfis
Voyager Geimfarið
er á leið á brott.
Geimfarið hefur
verið 34 ár á leiðinni
Tölvuhakkarar hafa stolið persónu-
upplýsingum 1,3 milljóna við-
skiptavina japanska tölvuleikja-
framleiðandans Sega. Þetta kemur
fram í tilkynningu frá fyrirtækinu.
Segir í tilkynningu frá fyrirtæk-
inu að Sega Pass-vefurinn, sem ráð-
ist var á og er undirvefur skrifstofu
Sega í Lundúnum, hafi hins vegar
ekki verið með neinar kred-
itkortaupplýsingar frá við-
skiptavinum. Aftur á móti var þar
að finna upplýsingar um fæðing-
ardag, netföng og leyniorð við-
skiptavina.
Hakkarahópurinn LulzSec, sem
réðst fyrir skömmu á íslenska tölvu-
leikinn EVE Online, hefur neitað
því að standa á bak við þessa nýj-
ustu árás og hefur lofað hefndum.
Sega nýjasta
fórnarlamb
tölvuþrjóta
Varnarmálaráð-
herra Bandaríkj-
anna, Robert
Gates, hefur
staðfest að
Bandaríkin eigi í
viðræðum við
liðsmenn talib-
ana í Afganist-
an. Að sögn Ga-
tes eru
viðræðurnar á byrjunarstigi en yf-
irleitt ljúki stríðum með pólitískri
lausn.
Er þetta í fyrsta skipti sem
stjórnvöld í Bandaríkjunum stað-
festa slíkar viðræður.
Eiga í viðræðum við
talibana
Robert Gates
Hinn ógleym-
anlegi hvíti kjóll,
sem Marilyn
Monroe, klæddist
í kvikmyndinni
The Seven Year
Itch, var seldur á
4,6 milljónir dala
á uppboði í Los
Angeles um
helgina. Jafngildir þetta um 540
milljónum króna.
Fleiri frægir kjólar voru seldir á
uppboðinu, þ.m.t. rauði kjóllinn
sem Monroe klæddist í Gentlemen
Prefer Blondes og fór hann á 1,5
milljónir dala. bjarni@mbl.is
Kjóllinn seldur á
540 milljónir króna
Bjarni Ólafsson
bjarni@mbl.is
Fjármálaráðherrar Evrópusambandsríkja hittust í gær í
Lúxemborg til að samþykkja næstu greiðslu neyðar-
aðstoðar ESB, Seðlabanka Evrópu og Alþjóðagjaldeyr-
issjóðsins til gríska ríkisins. Um klukkan tíu í gær var allt
útlit fyrir að þeir myndu samþykkja níu milljarða evra
greiðslu til Grikkja, sem gríska ríkið þarf nauðsynlega á
að halda til að forðast greiðslufall á næstu mánuðum. At-
huga ber að það er lægri upphæð en þeir 12 milljarðar
sem upphaflega áætlunin gerði ráð fyrir að Grikkjar
fengju í þetta sinn. Jafnvel þessi greiðsla var þó ekki
örugg, því Wall Street Journal hafði eftir hollenskum
embættismanni að Holland myndi því aðeins samþykkja
greiðsluna að AGS væri með í för. Sjóðurinn hefur verið
hikandi hvað varðar næstu greiðslu nema Grikkir geti
tryggt að þeir muni hafa meira fé milli handanna í fram-
tíðinni.
Þar með er þó ekki öll sagan sögð. Grikkir hafa óskað
eftir öðrum björgunarpakka, jafnstórum og hinum fyrri,
eða um 100 milljarðar evra að stærð. Mun meiri andstaða
er meðal margra Evrópuríkja við þessi nýju fjárútlát til
gríska ríkisins.
Þýska stjórnin hefur farið fyrir þeim ríkjum sem vilja
að lánardrottnar Grikklands taki á sig hluta af byrðunum
– þ.e. að þeir gefi eftir hluta af þeim kröfum sem þeir eiga
á gríska ríkið eða lengi í lánum sínum.
Hver sú ráðstöfun sem skaðar lánardrottna Grikk-
lands mun hins vegar líklega leiða til enn frekari lækk-
unar á lánshæfiseinkunn gríska ríkisins. Fari hún undir
ákveðið mark hefur Seðlabanki Evrópu lýst því yfir að
hann muni ekki lengur taka við grískum ríkis-
skuldabréfum í endurhverfum viðskiptum. Það gæti geng-
ið af mörgum, ef ekki flestum grískum bönkum dauðum.
Á föstudag virtist þýska stjórnin tilbúin að draga í
land hvað þetta varðar, en er þó enn að leita leiða til að fá
lánardrottnana til að taka á sig hluta kostnaðarins.
Papandreou í alvarlegum vanda
En það er ekki aðeins meðal evrópskra embættis-
manna sem framtíð Grikklands ræðst. Bæði ESB og AGS
hafa sagt að ákvörðun um frekari fjárhagsaðstoð muni
ráðast af því hvort gríska þingið samþykki frekari nið-
urskurð á opinberum útgjöldum.
Þegar samið var um fyrri björgunarpakkann naut
forsætisráðherra Grikklands, George Papandreou, nægi-
legs stuðnings innan eigin flokks, Sósíalistaflokksins, til að
koma í gegn einhverjum niðurskurði. Þessi stuðningur er
hins vegar mun minni í þetta skipti. Umfangsmikil mót-
mæli og verkföll í Aþenu gera einnig ljósa andúð stórs
hluta almennings á slíkum áformum.
Papandreou hefur reynt að kaupa sér tíma með því
að gera breytingar á ráðherraliði stjórnarinnar og var hin-
um óvinsæla fjármálaráðherra, George Papaconstaniou,
skipt út fyrir Evangelos Venizelos, sem var í Lúxemborg í
gær.
Ríkisstjórn Papandreou hefur aðeins fimm manna
meirihluta á 300 manna þingi og hefur að minnsta kosti
einn þingmaður Sósíalistaflokksins lýst því yfir op-
inberlega að hann muni greiða atkvæði gegn tillögum
stjórnarinnar um frekari niðurskurð í opinberum út-
gjöldum. Atkvæðagreiðsla um tillögurnar á að fara fram
þann 30. þessa mánaðar.
Grikklandi gefinn gálga-
frestur en framtíð er óljós
Ósamstaða er meðal Evrópuríkja um hvort veita eigi
Grikklandi annan 100 milljarða evra björgunarpakka
Reuters
Grikkland Ekkert lát varð á mótmælum í Aþenu í gær en hópur fólks safnaðist saman fyrir framan þinghúsið í
borginni og hrópaði slagorð gegn niðurskurði á opinberum útgjöldum og gegn spillingu í stjórnkerfinu.