Húsfreyjan - 01.01.1963, Side 5

að við séum hálftíma að búa til eina
rúllupylsu, sem er 1 kg, þá er tímakaup
okkar um 100 kr. Árið 1958 var seld
rúllupylsa fyrir 5 millj. Ég græddi 32 kr.
á því að taka sjálf beinin úr tveim hangi-
kjjötslærum fyrir jólin í stað þess að
kaupa þau beinlaus, og fannst mér það
vera ágætur gróði, en mörgum húsmæðr-
um finnst það sjálfsagt góð og tillölulega
ódýr hjálp í jólaönnunum að geta keypt
beinlaus hangikjötslæri.
Fyrir fisk voru borgaðar 73 millj., frú
Eiríka sagði að þetta væri ónákvæm tala,
það væri erfitt að fá nákvæma tölu yfir
fiskneyzluna. Nú kostar ýsan 4,40—
5,45 kr. kílóið, en súpukjöt 32,35 kr. og
lærissneiðar 48,20 kr., svo það er ekki
erfitt að sjá, hvað ódýrast er að kaupa
í matinn.
Fyrir mjólk, mjólkurvörur og egg
greiddum við 279 millj. Þetta er allt holl-
ur matur, sem við framleiðum sjálf. Feiti,
matarolía, smjörlíki og smjör kostaði 96
mill. kr., og er þá smjör og smjörliki
reiknað á óniðurgreiddu verði.
Ávextir og grænmeti kostaði 130 millj.
Þar af kostuðu ávextir 82 millj. en græn-
meti 48 millj. Neyzla ávaxta virðist fara
mikið eftir því, hvað flutt er til landsins
hverju sinni. Mikið er notað af niðursoðn-
um ávöxtum. Af grænmetinu kostuðu
kartöflurnar mest eða 21 millj. en þá eru
þær kartöflur, sem bændur notuðu í bú-
skap sinn reiknaðar á óniðurgreiddu verði
Næst hæstir voru tómatarnir, kostuðu
þeir 7 millj. Hitt grænmetið svo sem hvít-
kál, gúrkur, gulrætur, laukur, o. fl., kost-
uðu hvert um sig undir 2 millj., en allt
niðursoðið og þurrkað grænmeti 4 millj
Kaffi, kaffibætir, te og kakó kostaði
55 millj. Kaffi kostaði 46 millj. en te ekki
ekki nema 2 millj. Er það ekki mikill
kostnaður í samanburði við það, að gos-
drykkir ag bjór kostaði 56 millj. og áfengi
154 millj. Síðastnefndu tölurnar eru ekki
taldar til matarkostnaðar.
Sykur, ávaxtamauk og sælgæti kost-
aði samtals 100 millj., og kostaði einung-
is sælgætið 55 millj. Frú Eiríka gerði mér
þann greiða að reikna út, hve mikill syk-
ur hefði verið notaður, og kom í Ijós að
það var 51 kg á mann á ári eða hérumbil
1 kg á mann á viku. Að vísu er hér talið
með bæði molasykur, flórsykur, púður-
sykur, kandís og síróp og allur sá sykur,
sem notaður er í sælgæti, kökur og gos-
drykki. En þrátt fyrir það er ekki hægt
að neita því, að við notum sykur í óhófi.
Próf. Júlíus Sigurjónsson taldi í erindi,
sem hann hélt í kennarafélaginu Hús-
stjórn í fyrrasumar, að helzta vandamál
í mataræði okkar væri það, hve við borð-
uðum mikið og værum þess vegna of feit-
ir. Mikið sykurát skemmir einnig tenn-
urnar eins og allir vita.
Fyrir önnur matvæli hafði verið greitt
15 millj., og stendur meðal annars í
skýrzlu frú Eiríku, að notað hafi verið 2
millj. fyrir lýsi og 3 millj. fyrir bökunar-
dropa, en 3Yz millj. fyrir allt annað
krydd, kryddsósur og matarliti. Mér
finnst, að mikið fé sé greitt fyrir bökun-
ardropana, þ. e. aðallega vanillu- möndlu-
og sítrónudropa, og held ég, að auglýs-
ingarherferð verksmiðja, sem framleiða
vanillusykur eða dropa beri góðan árang-
ur. Við látum t. d. vanilludropa í margar
kökur, þar sem þeir gera ekkert gagn.
Vegna mikilla breytinga á verðlagi frá
ári til árs, eru stórar sveiflur á tölunum
eins og sýnt er í töflu II, sem hér fer á
eftir.
Tafla II.
- 1957 1958 1959
Millj. Millj. Millj.
króna króna króna
Bjór og gosdrykkir 44 56 73
Kaffi, te, kakao _ _ 52 55 57
Áfengi 136 154 183
Til þess að geta séð, hvort neyzluvenj-
ur okkar séu að breytast, þyrftum við að
fá upplýsingar um, hve mikið magn af
hverri fæðutegund við notum á mann á
ári. Þetta kemur kannski bráðlega.
En ég held, að óhætt sé að fullyrða, að
5
HÚSFBEYJAN