Eining - 01.05.1956, Side 4

4
EININ G
Avarp
til íslendinga
Áfengisnautnin er í dag eitt mesta
vandamál flestra þjóða heims. Af völd-
um áfengis deyja árlega tugjDÚsundir
manna, áfengið hefur gert margar
milljónir manna að andlegum og lík-
amlegum aumingjum, áfengið er undir-
rót geysimikilla afbrota. Það eyðilegg-
ur lífshamingju milljóna manna og
grefur undan siðgæði og manndómi
æskulýðsins. Árlegt tjón mannkynsins
af völdum áfengis verður ekki metið
til fjár.
Áfengisbölið er eigi síður vandamál
íslenzku þjóðarinnar en annarra þjóða.
Til að afsaka andvaraleysi í áfengis-
málunum er að vísu oft á það bent, að
margar þjóðir drekki meira en íslend-
ingar. Sú röksemd er harla léttvæg,
því að fordæmi annarra eru þá aðeins
til eftirbreytni, að þau hvetji til fram-
fara og aukins þroska. Islendingar eru
smáþjóð, en með því að rækta með sér
menningu, siðgæði og manndóm get-
ur hún orðið jafnoki stórþjóða og jafn-
vel staðið þeim miklu framar í öllum
efnum, sem gefa lífinu mest gildi. Sú
menningarsókn mun þó reynast torveld,
ef vér vörpum ekki áfenginu fyrir borð.
Hvarvetna blasir við augum vorum
það mikla tjón, sem áfengið veldur
þjóð vorri. Alvarlegust er vaxandi á-
fengisnautn æskulýðsins. Margur mann-
vænlegur æskumaður eyðileggur glæst-
ar framtíðarhorfur. Samkvæmislífið er
spillt. Ölvun ökumanna veldur árlega
mörgum slysum. Flest afbrot eru framin
undir áhrifum áfengis. Margvíslegt sið-
leysi fylgir í kjölfar drykkjuskaparins.
Mörg heimili eru lögð í rústir.
Þetta er ekki falleg mynd, en hún er
því miður sönn. íslenzka þjóðin hefur
ekki efni á að fórna manndómi og sið-
ferði bama sinna á altari Bakkusar.
Þjóðin verður að snúa sér af alvöru að
því að uppræta áfengisbölið og ómenn-
ingu drykkjuskaparins.
Neð stofnun Landssambandsins gegn
áfengisbölinu hafa öll helztu menning-
arsamtök þjóðarinnar tekið höndum
saman í því skyni að vinna gegn hinum
skaðlegu áhrifur áfengisnautnarinnar
og glæða skilning alþjóðar á því alvar-
lega böli, sem áfengið veldur.
Tuttugu og tvö félagasambönd hafa
gerst aðiljar að Landssambandinu gegn
áfengisbölinu, og er meiri hluti þjóðar-
innar innan þessara samtaka. Lands-
sambandið gegn áfengisbölinu er þann-
ig langfjölmennustu félagasamtök, sem
stofnað hefur verið til hér á landi.
Höfuðmarkmið Landssambandsins er
að vinna gegn neyzlu áfengra drykkja,
en því aðeins getur sú viðleitni borið
góðan árangur, að auðið reynist að
skapa almenningsálit, er hagstætt sé
bindindi og reglusemi.
Landssambandið telur mikla nauð-
syn að fá samkvæmisháttum og skemmt-
analífi breytt á þann veg, að hvarvetna
sé með menningarsniði.
Landssambandið telur mikilvægt, að
öll löggjöf um áfengismál miði að því
að draga sem mest úr innflutningi, sölu
og veitingum áfengra drykkja.
Landssambandið telur nauðsynlegt
að krefjast reglusemi af embættismönn-
um þjóðarinnar og öðrum opinberum
trúnaðarmönnum.
Landssambandið er andvígt tilbún-
ingi áfengra drykkja í landinu.
Neð stofnun Landssambandsins gegn
áfengisbölinu er stigið merkilegt spor í
bindindismálum þjóðarinnar, og munu
jafnvíðtæk samtök á þessu sviði ekki
þekkjast með öðrum þjóðum.
Vér hvetjum alla þjóðina til átaka
um að útrýma áfengisbölinu. Vér minn-
um foreldra á að gleyma aldrei ábyrgð
sinni og hversu áhrifamikil þau fordæmi
eru, sem þeir gefa. Verum minnug
þeirrar skyldu vorrar, að tryggja sem
bezt öryggi og lífshamingju barna vorra.
Sameinumst því um að bægja frá þeim
þeirri hættu, sem áfenginu fylgir.
I stjórn Landssambandsins gegn á-
fengisbölinu:
Magnús Jónsson, Björn Magnússon,
form. varaform.
Frtmann Jónasson, Stefán Runólfsson,
ritari.
Axel Jónsson, Viktoría Bjarnadóttir,
Magnús Gu&mundsson.
I fulltrúaráði Landssambandsins gegn
áfengisbölinu:
Karl Karlsson, fulltrúi Alþýðusam-
bands Islands. Sigrffiur Björnsdóttir,
fulltrúi Áfengisvarnanefndar kvenna.
Kristinn Stefánsson, fulltrúi Áfengis-
varnaráðs. Óskar Pétursson, fulltrúi
Bandalags íslenzkra skáta. Helgi
Tryggvason, fulltrúi Bindindisfélags ísl.
kennara. Árelíus Níelsson, fulltrúi Bind-
indisfélags presta. Sigurgeir Albertsson,
fulltrúi Bindindisfélags ökumanna. Odd
Tellefsen, fulltrúi Hjálpræðishersins á
íslandi. Jóna Erlendsdóttir, fulltrúi
Hvítabandsins. Benedikt G. Waage,
fulltrúi Iþróttasambands Islands. Gunn-
fríður Rögnvaldsdóttir, fulltrúi Kristi-
legs fél. ungra kvenna. Jóhanna Egils-
dóttir, fulltrúi Kvenfélagasambands Is-
lands. Helgi Þorláksson, fulltrúi Lands-
sambands framhaldsskólakennara. Ingv-
ar Árnason, fulltrúi Landssambands
K. F. U. M. Arnheiður Jónsdóttir, full-
trúi Náttúrulækningafélags íslands. Jón
Þorvarðsson, fulltrúi Prestafélags ís-
lands. Ásgeir Sigurgeirsson, fulltrúi
Sambands bindindisfélaga í skólum.
Þórður Kristjánsson, fulltrúi Sambands
ísl. barnakennara. Páll Sigurðsson, full-
trúi Sambands ísl. kristniboðsfélaga.
S. Heiðar, fulltrúi Sjöunda dags advent-
ista á íslandi. Brynleifur Tobíasson, full-
trúi Stórstúku Islands. Stefán Ó. Jóns-
son, fulltrúi Ungmennafélags Islands.
Umdæmisstúka
Suðurlands heim-
sækir Akranes
Stór hópur Góðtemplara úr Reykja-
vík og Hafnarfirði fór í heimsókn til
Akraness sunnud. 22. apríl síðastl. For-
ustuna hafði framkvæmdanefnd um-
dæmisstúku Suðurlandsumdæmisins. —
Lagt var af stað frá Reykjavík kl. 9 árd.,
á hinu nýja og mjög svo vistlega skipi
Akraborg. Veður var ákjósanlegt. Strax
er til Akraness kom, lá leiðin í fundar-
hús templara og var gestum þar vel
fagnað með góðum veitingum. Akur-
nesingar eru ósparir á gestrisni. Laust
fyrir kl. 11 gekk svo allur hópurinn til
kirkju. Sóknarpresturinn, séra Jón
Guðjónsson, messaði. Lagði út af kær-
leiksboðorði Krists og vék svo í niður-
lagi fallegrar ræðu sinnar að reglu Góð-
templara og mælti á þessa leið:
„Þetta er mitt boðorð“, sagði Frels-
arinn, ,,að þér elskið hver annan, eins
og ég hef elskað yður“. Og hér er þá
það, sem göfgustu hugsjónir mannanna
byggjast á. I þennan jarðveg er þess að
leita, sem fegurst hefur vaxið í mann-
lífinu og orðið hefur til mestrar bless-
unar. Og þess viljum við minnast nú,
er við helgum alheimshreyfingu Góð-
templara fyrirbæn okkar á þessari morg-
unstund, um leið og við bjóðum fulltrúa
hennar hér samankomna hjartanlega
velkomna. Það vex, sem af Guði er fætt
og nærist af Guðs anda. Það á við um
reglu Góðtemplara. Af litlu fræi er hún
orðin að stóru tré, sem breiðir lim sitt
yfir Iönd og þjóðir. Þúsundir manna
hafa heitið henni hollustu og unnað
henni og unnið með trúfesti allt sitt líf.
I fána sinn hefur hún letrað: trú. von
og kærleikur. Enginn veit, hve mikla
blessun hún hefur gefið mönnunum.
Dæmin eru mörg og sum nærtæk. Að
gera lífið betra, bjartara, ríkara af gleði