Vera - 01.10.1992, Qupperneq 2

VERA
TÍMARIT UM KONUR OG KVENFRELSI
KVENFRELSISVITINN
Á VERU LOGAR ENN!
að var í vor að ég
fékk neyðarskeyti frá
íslenskri vinkonu
minni í Washington.
Dóttir hennar sem
lærir stjórnmálavísindi í há-
skóla í Kanada var að skrifa
ritgerð um stjórnmálaþátt-
töku kvenna á Norðurlönd-
um og fann lítið á bóka-
safninu. Hana vantaði með
hraði upplýsingar, einkum
um hugmyndafræðilegar um-
ræður innan Kvennalistans.
Nú voru góð ráð dýr. Hvar skyldi þær vera að
finna? Hafa kvennalistakonur ekki einmitt
sjálfar sífellt sagt að slíkar umræður vanti
sárlega og lýst sig síhungraðar í hugmynda-
fræðilega endurnæringu? Eftir að hafa safnað
saman hinum sigildu stefnuskrám, nokkrum
ræðum, viðtölum og blaðagreinum, datt mér loks
hið augljósa í hug: Þjóðráðið: VERA! Og viti
konur, með þvi að rekja Verurnar aftur til upp-
hafs síns og velja úr, tókst mér á stuttum tíma að
viða að mér bitastæðri og safaríkri hugmynda-
fræðilegri umræðu sem ég sendi yfir hafið með
stolti. Síðla sumars hlustaði ég svo með aðdáun
á þessa ungu stúlku lýsa áhyggjum sínum og
útskýra einarðlega íýrir sér eldri karlmönnum
rétt sinn til að ganga óhult á skólalóðinni eftir að
skyggja fer.
En það var fleira sem ég fann í gömlu Verun-
um. Þær voru meiri fjársjóður en mig grunaði,
fullar af fjölbreyttu og áhugaverðu efni, mörgu
sem hafði farið fram hjá mér, einhveiju sem ég
ætlaði að lesa í góða tóminu sem alltaf er á næsta
leiti. Auðvitað voru þær misjafnar bæði að efni og
útliti en fengur að þeim öllum og ég sökkti mér
niður í lesturinn. Vera er eins og lífæð sem hefur
slegið í takt við kvennabaráttuna sl. tíu ár. Hún
speglar samtímann, aldrei öllum til geðs og
konur ýmist laðast að henni eða hrökkva frá, allt
eftir umíjöllun. Hlutverk Veru hlýtur þó að vera
2
að miðla sem flestum sjónar-
miðum um kvenfrelsismál til
sem flestra kvenna og karla
eins og Björg Árnadóttir
sagði í Verupistii í des. si. Tii
þess að svo megi verða þurf-
um við bæði að vera fúsar til
að leggja þar orð í belg og
ólatar við að vekja athygli á
Veru og dreifa henni. Naskir
fréttamenn vitna stundum í
Veru en afltof fáir lesa þetta
ágæta blað sem mun vera
langlífasta kvenfrelsisblað á
Norðurlöndum. Vera getur ekki og vill væntan-
lega ekki keppa við vinsæl kvennablöð í glæstari
búningi en fleiri augum og eyrum þyrfti hún að
ná. Hvernig væri að höfða meira til þeirra sem
ekki vanalega hugsa um kvenfrelsismál og fá t.d.
stundum „þjóðkunnar" manneskjur í viðtöl til að
tjá sig um þau? Slíkt kynni að kveikja almennar
umræður um málefnið.
Sú eðlilega samleið sem ég fann með Kvenna-
framboði og síðar Kvennaiista varð að drjúgum
hluta til vegna þeirra hugmynda sem ég fékk
staðfestar eða hafði tileinkað mér með lestri
kvenfrelsistímarita og -bóka. Aflar konur eru á
sinn hátt í kvennabaráttu, og þokast hver eftir
sínu ferli gegnum lík og ólík skeið en hvatinn er,
auk lífsreynslunnar, þær hugmyndir sem þeim
berast og gerjast í hugskotinu. Og hugmyndir
eru diýgsta aflið til að breyta heiminum.
Kvennahreyfingu er því afar mikilvægt að eiga
málgagn eins og Veru sem kynnir hugmyndir og
vekur umræður.
Ég þakka öllum þeim sem hafa skrifað í Veru
og unnið að útgáfu hennar sl. tíu ár og óska þeim
og okkur lesendum hennar til hamingju með
afmælisbarnið en því óska ég bjartrar og
hugmyndaríkrar framtíðar. Megi kvenfrelsis-
vitinn á Veru loga bæði skært og iengi! □
Guðrún Agnarsdóttir
5/1992 — 11. árg.
VERA blað kvennabaráttu
Pósthólf 1685
121 Reykjavík
Kt. 640185-0319
Útgefandl:
Samtök um Kvennallsta
Forsíða:
Þórdis Ágústsdóttir
Fyrirsœta:
Sigurlaug Jónsdóttir
Ritnefnd:
Anna Ólafsdóttir Björnsson
Björg Árnadóttir
Guðlaug Gísladóttir
Guðrún Ólafsdóttir
Hildur Jónsdóttir
Ingibjörg Sólrún Gísladóttir
Ingibjörg Stefánsdóttir
Kristín Karlsdóttir
Laura Valentino
Lára Magnúsardóttir
Nína Helgadóttir
Starfskonur Veru:
Ragnhildur Vigfúsdóttir
Vala Valdimarsdóttir
Þórunn Bjarnadóttir
Umsjón með útliti:
Harpa Björnsdóttir
Ljósmyndir:
Þórdís Ágústsdóttir
Anna Fjóla Gísladóttir
Björg Arnarsdóttir
Kristín Bogadóttir
Bonni
Árni Sœberg
Myndskreytingar:
Ásgerður Helgadóttir
Áslaug Jónsdóttir
Helga Guðrún Helgadóttir
Margrét Laxness
Sigurborg Stefánsdóttir
Auglýsingar:
Áslaug Nielsen
Ábyrgð:
Ragnhildur Vigfúsdóttir
Setning og tölvuumbrot:
Edda Harðardóttir
Filmuvinna:
Prentþjónustan hf.
Prentun og bókband:
Frjáls Fjölmiðlun
Plastpökkun:
Vinnuheimilið Bjarkarás
Ath. Greinar í Veru eru birtar
á ábyrgð höfunda sinna
og eru ekki endilega
stefna útgefenda.