Vera - 01.10.1992, Blaðsíða 34
VERA SPVR
ÚLLU MAGNÚSSON JÓNSDÓHUR
TENGIL VIÐSKIPTA- OG VERSLUNARHÓPS NETSINS
I
ER ATVINNULÍFIÐ
FJANDSAMLEGT KONUM?
Já, það er það - eins og alkunn
dæmi sanna eru konur ekki
ofmetnar á vinnumarkaðnum.
Enda sagði Golda Meir að „fullu
jafnrétti væri ekki náð fyrr en
miðlungskonur fengju toppstöð-
ur eins og miðlungskarlmenn
hafa fengið toppstöður um ára-
raðir.“
Það er löngu liðin tíð að karl-
menn séu einir fyrirvinnur.
Árangur kvennabaráttunnar alla
þessa öld hefur fengið þvi áorkað
að í dag er almennt viðurkennt og
fært í lög að konur skulu njóta
sömu kjara og karlar fyrir sömu
störf. Það er einnig viðtekin
skoðun að konur hafa þörf fyrir
að nýta menntun sína og vera
fjárhagslega sjálfstæðar verur.
Þetta á jafnt við um giftar konur
sem ógiftar.
IConur hafa menntað sig í ríkum
mæli og standa nú jafnfætis
karlmönnum á þvi sviði. Barn-
eignum getum við stjórnað og
þeim hefur fækkað. Fleiri störf en
áður eru huglæg þannig að
líkamskraftar skipta miklu
minna máli en áður. Þrátt fyrir
þetta eiga konur enn í vök að
veijast og fá almennt lægra kaup
en karlar. Þær eiga ekki sömu
framamöguleika og oft er gengið
fram hjá þeim við ráðningar i
embætti. Síðasta dæmið er hjá
Biskupsembættinu sjálfu, þeim
sem standa næst Guði, en þeir
fengu á sig dóm jafnréttisráðs.
Svo enn er á brattann að sækja.
Ekki síst þegar Jafnréttisráð
hefur ekki vald til þess að fá
fyrirtæki til að leiðrétta mismun-
un í stöðuveitingum.
Svo eru hlutir eins og barna-
heimilismálin, mál aldraðra og
sjúkra sem eru þó alls ekki
atvinnulífsins að leysa heldur
stjórnvalda eða hugsanlega ein-
staklinganna sjálfra með ein-
hverjum hætti. Þegar mál heimil-
anna eru í lausu lofti hamlar það
sókn kvenna i ábyrgðarmikil störf
sem krefjast langrar ijarveru t.d.
vegna fundarhalda utan hefð-
bundins vinnutíma. Konur eru
ekki hræddar við ábyrgð, þær
bera einmitt mikla ábyrgð á
börnum, gömlum ættingjum og
sjúklingum oft á tiðum. Þær vita
hversu afdrifaríkt það er þegar
þau mál fara úr böndum. Þess
vegna vinna þær nú talsvert
lengri vinnudag en karlar. Þess
vegna hafa þær ekki sama tima til
þess að sækja fundi, taka þátt í
stjórnmálum eða stunda valda-
baráttu á stórum vinnustað. Kon-
um hefur þvi oft fundist þær vera
útundan í stærri fyrirtækjum.
Netið, sex ára gömul samtök
kvenna á vinnumarkaðnum, hef-
ur reynst konum mjög vel. Kon-
um er jafn nauðsynlegt og körlum
að bindast samtökum eins og
Lions og Kiwanis. Á fundum hjá
Netinu hafa konur kynnst öðrum
konum úr atvinnulífinu, það er
vettvangur umræðna og þar fást
upplýsingar um það sem er að
gerast bak við tjöldin. Konur
skiptast á skoðunum og fá styrk
til þess að takast á við það sem
þær hafa tekið sér fyrir hendur.
Það er ekki sjálfgeflð að ijöl-
skyldan eða vinkonurnar hafi
áhuga á því sem þú ert að gera.
En konurnar í Netinu hafa það. □
34