Ljósmæðrablaðið - 01.07.1991, Blaðsíða 50

inngang í Evrópubandalagið af íslands
hálfu er alls ekki á dagskrá og kemur
ekki til greina.
36. þing BSRB ítrekar að í viðræð-
um EFTA-ríkjanna við Evrópubanda-
lagið um sameiginlegt evrópskt
efnahagssvæði verði ekki hvikað frá eft-
irfarandi grundvallaratriðum:
* I engu verði hvikað frá sjálfsákvörð-
unarrétti Islendinga, né yfirráðum
þeirra yfir auðlindum landsins og
efnahagslögsögu þess.
’ I engu verði skertur samningsréttur,
reglur um mengunarvarnir, vinnu-
aðstöðu og umhverfi, jafnréttismál,
réttindi barna og þau réttindamál
sem náðst hafa íslensku launafólki
til handa. Þingið leggur áherslu á að
félagsmálin hafa ekki skipað þann
sess í umræðunni sem verkalýðs-
hreyfingin hefur gert kröfu um.
36. þing BSRB skorar á íslensk
stjórnvöld að áður en til inngöngu í
EES komi verði viðhöfð þjóðarat-
kvæðagreiðsla.
36. þing BSRB fordæmir öll mann-
réttindabrot hvar sem þau eru framin í
heiminum og af hvaða hvötum; pólitísk-
um, trúarlegum, eða í krafti hugmynda-
fræði sem upphefur einn kynstofn á
kostnað annarra. Sérstaklega fordæm-
ir þingið brot á mannréttindum barna.
Þingið beinir því til ríkisstjórnarinnar
að hún beiti sér fyrir því á alþjóðavett-
vangi að réttur undirokaðra þjóða og
þjóðarbrota til sjálfsforræðis verði virtur.
36. þing BSRB fagnar því að tekist
hafa samningar um fækkun kjarna-
vopna og hefðbundinna vopna, en
vekur jafnframt athygli á að ekki hefur
tekist samkomulag um fækkun kjarna-
vopna í höfunum. 36. þing BSRB skor-
ar á íslensk stjórnvöld að beita sér fyrir
því að tilraunir með kjarnavopn,
framleiðsla þeirra og notkun, verði
bönnuð.
36. þing BSRB vekur athygli á því
að framlag Islendinga til þróunarstarfs
nemur aðeins broti af því sem tíðkast
meðal grannþjóða okkar. Þingið krefst
þess að Islendingar standi við gerðar
samþykktir um þróunarstarf.
GAMALT OG GOTT
Brjóti nokkur yfirsetukona gegn því, sem henni er gert að skyldu
íþessari reglugerð, þá skal hún sæta sektum, nema þyngri refsing
liggi við broti hennar að lögum.
Verði hún sek að nýju og eru miklar sakir til, einkum ef hún oft-
ar en einu sinni hefur skorast undan að vitja sængurkonu tafar-
laust og að forfallalausu, þá skal henni vikið frá.
Ef yfirsetukona Ijóstrar upp því, sem einhver kona hefur trúað
henni fyrir sem yfirsetukonu um hagi sína, skal henni þegar vikið
frá starfi.
Yfirsetukvennabók. Reykjavík 1914.
48
I—IÓSMÆÐRABLAÐIÐ